Home शहरं पुणे ‘एच-१ बी’ स्थगितीचा पुणेकरांना फटका

‘एच-१ बी’ स्थगितीचा पुणेकरांना फटका



म. टा. प्रतिनिधी, पुणे

अमेरिकेचे अध्यक्ष यांनी केल्याचा फटका पुण्यालाही बसणार असून, आयटी कर्मचाऱ्यांच्या नोकऱ्यांवर गदा येण्यासोबतच आयटी कंपन्यांचे प्रकल्प रखडण्याची शक्यता आहे. त्यासोबतच ऑनसाइट जाण्यासाठी इच्छुक असणाऱ्या आयटीयन्सना आणखी काही काळ थांबावे लागणार आहे.

अमेरिकेत नोकरी करण्यासाठी आवश्यक असतो. मात्र, ही व्हिसा प्रक्रिया डिसेंबरअखेरपर्यंत स्थगित केली आहे. या निर्णयाचा आर्थिक फटका पुणे, बेंगळुरू, हैदराबाद, चेन्नई अशा महानगरातील आयटी कंपन्या आणि आयटी कर्मचाऱ्यांना बसणार आहे. देशातील नामवंत आयटी कंपन्यांची कार्यालये हिंजवडी आणि पिंपरी-चिंचवड परिसरात आहेत. त्यामुळे पुण्यातील आयटी कंपन्या आणि कर्मचाऱ्यांची संख्या मोठ्या प्रमाणात असण्याची शक्यता आहे. दर वर्षी साधारण ८५ हजार एच-१ बी व्हिसा देण्यात येतात. या वर्षासाठी सुमारे पावणेतीन लाख कर्मचाऱ्यांनी एच-१ बी व्हिसा प्रक्रियेसाठी अर्ज केले होते. त्यापैकी साधारण ६७ टक्के कर्मचारी भारतीय होते. या व्हिसा प्रक्रियेलाच स्थगिती मिळाल्याने आयटी कर्मचारी आणि त्यांचे कुटुंबीय हवालदिल झाले आहेत. कारण त्यांना आणखी काही काळ थांबावे लागणार आहे. ऑनसाइट काम करण्यासाठी गेल्यावर चांगले पॅकेज मिळते. त्यामुळे अनेक आयटीयन्स ऑनसाइट जण्याची संधी शोधत असतात. मात्र, आता या संधींसाठी वाट पाहावी लागणार आहे. दरम्यान, अमेरिकेच्या विद्यापीठांमध्ये उच्चशिक्षण घेणाऱ्या विद्यार्थ्यांना या निर्णयाचा फटका बसणार नाही, असे तज्ज्ञांनी सांगितले.

‘एच-१ बी व्हिसा प्रक्रिया स्थगित करण्याचा परिणाम पुण्यासह देशातील आयटी कंपन्या आणि कर्मचाऱ्यांवर होणार आहे. या निर्णयामुळे आयटी प्रकल्प रखडण्याची शक्यता आहे. प्रकल्पातील कर्मचारी अडकण्याची शक्यता अधिक आहे. कर्मचाऱ्यांसोबत त्यांचे कुटुंबीय असतील, तर त्यांनाही नाहक फटका बसेल,’ असे दिलीप ओक्स अॅकॅडमीचे दिलीप ओक यांनी सांगितले.

‘काही वर्षांपूर्वी अमेरिकेत ऑनसाइट जाण्याची प्रक्रिया सोपी होती. त्यातही पॅकेजमध्ये वाढ होत असल्याने, अनेक आयटी कर्मचारी जायचे. एकप्रकारे ती संधी होती. मात्र, कालांतराने हीच प्रक्रिया क्लिष्ट झाली. कंपनीमध्ये अंतर्गत अर्ज करण्यापासून ते व्हिसा मिळेपर्यंत दीड वर्षांचा कालावधी निघून जातो,’ असे हिंजवडी आयटी पार्कमधील एका आयटी कर्मचाऱ्याने सांगितले.

अमेरिकेत उच्चशिक्षण घेणाऱ्या विद्यार्थ्यांना याचा फटका बसणार नाही. या निवडणुकीत अमेरिकेचे अध्यक्ष डोनाल्ड ट्रम्प विजयी झाले, तर आणखी सहा महिने स्थगिती वाढू शकते. मात्र, या निर्णयावर बहुराष्ट्रीय आयटी कंपन्यांकडून तीव्र पडसाद उमटत असल्याने, फार काळ स्थगिती राहणार नाही. – दिलीप ओक, संचालक, ‘दिलीप ओक्स अॅकॅडमी’

काही वेळेस व्हिसा रिजेक्ट केला जातो. अनेक कंपन्याचे प्रशासन एच-१ बी व्हिसा मिळण्यासाठी अर्ज केल्याचे समजल्यावर, संबंधितांना नोकरीचे लाभ देत नाहीत. आता तर अमेरिकेने स्थगिती दिली त्यामुळे कर्मचाऱ्यांनी अमेरिकेच्या व्हिसाऐवजी इतर देशांच्या व्हिसा प्रक्रियेसाठी प्रयत्न करावा. – आयटी कर्मचारी, हिंजवडी आयटी पार्क

‘प्रकल्प रखडण्याची शक्यता’

‘अमेरिकेच्या निर्णयाचा फटका पुण्यासह देशातील आयटी कंपन्यांना बसेल. कर्मचारी नसतील, तर आयटी कंपन्यांचे प्रकल्प जानेवारीपर्यंत रखडतील. त्यामुळे या निर्णयाला बड्या आयटी कंपन्यांनी तीव्र विरोध केला आहे. त्यापेक्षाही पुढील ‘वर्क व्हिसा पॉलिसी’ ही ‘मेरिट बेस्ड’ आयटी कंपन्यांनुसार आखण्याची प्रक्रिया अमेरिकेने केली आहे. बड्या वेतनाच्या नोकऱ्या असणाऱ्यांना कामाची संधी मिळेल. मोठ्या कंपन्यांच्या कर्मचाऱ्यांना वेतन चांगले असते. त्यामुळे नामवंत मोठ्या कंपन्या; तसेच त्यांच्या कर्मचाऱ्यांना अधिक संधी मिळेल, तर भारतीय कंपन्यांना त्या तुलनेत संधी मिळणार नाही,’ असे ‘फाइव्हएफ वर्ल्ड’ अध्यक्ष गणेश नटराजन यांनी सांगितले.



Source link

LEAVE A REPLY

Please enter your comment!
Please enter your name here

Most Popular

pune phd student murder latest news: Pune Crime: पुण्यात पीएचडी करत असलेल्या विद्यार्थ्याचा खून; चेहरा दगडाने ठेचला – 30 year old phd student murdered...

पुणे: पुणे येथील पाषाण भागातील नॅशनल केमिकल लॅबोरेटरी (एनसीएल) येथे पीएचडी करत असलेल्या विद्यार्थ्याचा धारदार शस्त्राने गळ्यावर वार करून खून करण्यात आल्याची धक्कादायक...

latest opinion poll 2021: Opinion Poll: मोदी-शहांचे आव्हान परतवत ममता साधणार हॅट्ट्रिक!; दक्षिणेतील ‘या’ राज्यात सत्तांतर? – tmc to retain bengal ldf headed for...

हायलाइट्स:पश्चिम बंगालमध्ये ममता बॅनर्जी हॅट्ट्रिक साधण्याची शक्यता.आसाम भाजपकडे राहणार तर पुदुच्चेरीत कमळ फुलणार.तामिळनाडूत स्टॅलिन तर केरळात डाव्यांची जादू दिसणार.नवी दिल्ली: पश्चिम बंगाल, आसाम,...

Amravati lockdown news: Amravati Lockdown: अमरावती, अचलपुरात लॉकडाऊन वाढवला; ‘हे’ शहरच कंटेन्मेंट झोन! – lockdown in amravati achalpur extended till march 8

हायलाइट्स:अमरावती विभागात अनेक शहरांत करोनाचे थैमान.अमरावती व अचलपूरमध्ये लॉकडाऊन वाढवला.नागपुरातील स्थिती गंभीर, लॉकडाऊन लावला जाण्याची शक्यता.अमरावती: विदर्भात सध्या अमरावतीमध्ये करोनाने थैमान घातले असून...

Recent Comments