Home शहरं नागपूर करोना व्हायरस: कटिंगसाठी घ्यावी लागणार अपॉइंटमेंट - you have to make an...

करोना व्हायरस: कटिंगसाठी घ्यावी लागणार अपॉइंटमेंट – you have to make an appointment for hair cutting


म.टा. प्रतिनिधी, नागपूर

दीर्घ प्रतीक्षेनंतर आज, रविवारपासून शहरातील सलून सुरू होणार आहेत. मात्र, कटिंग करण्यासाठी सलूनचालकांची अपॉइंटमेंट घ्यावी लागणार आहे. करोनाचा प्रादुर्भाव रोखण्यासाठी सुरक्षेच्या विविध अटींचे पालन करणे बंधनकारक करण्यात आले आहे.

करोनाचा प्रादुर्भाव रोखण्यासाठी ३० जूनपर्यंत लॉकडाउन राहील. मात्र, ‘मिशन बीगिन अगेन’नुसार विविध दुकाने सुरू करण्यात आली आहेत. राज्य शासनाच्या मार्गदर्शक सूचनांमध्ये सुधारणा करून सलूनलाही आता अटी व शर्तींच्या अधीन राहून परवानगी देण्यात आली आहे. रविवारपासून ही सर्व दुकाने सुरू होणार आहेत. सलून, स्पा, ब्युटी पार्लर यांना परवानगी देण्यात आली आहे. दुकाने सुरू होत असली तरी करोनाचे संकट अद्याप कायम आहे, त्यामुळे दुकानदारांनी आणि ग्राहकांनी सुरक्षेच्या नियमांचे पालन करावे, असे आवाहन जिल्हाधिकारी रवींद्र ठाकरे यांनी केले.

चेहऱ्याला स्पर्श नको…

सलूनला परवानगी दिली असली तरी चेहऱ्याला स्पर्श होणार नाही, याची खबरदारी घेण्यात आली आहे. केवळ केशकर्तनाला परवानगी देण्यात आली आहे. त्वचेला स्पर्श होणाऱ्या इतर सेवांना परवानगी नाकारण्यात आली आहे. महापालिका आयुक्त तुकाराम मुंढे यांनीही याबाबतचा आदेश शनिवारी काढला.

या नियमांचे करा पालन…

-सलूनमध्ये दर्शनी भागात ग्राहकांसाठी सुरक्षेच्या सूचना लावा.

-सलून कर्मचाऱ्यांनी हॅण्डग्लोव्ह, अॅप्रॉन आणि मास्क घालावे.

-प्रत्येक सेवेनंतर खुर्चीला सॅनिटाइज करावे.

-आजूबाजूचा परिसर दर दोन तासांनी स्वच्छ करावा.

– एकदाच वापर होईल, असे टॉवेल आणि नॅपकीन वापरावे.

– कैचीसह इतर साहित्य वापरानंतर सॅनिटाइज करावे.

धन्यवाद ‘मटा’

सलून बांधवांच्या समस्या ‘मटा’ने गेल्या तीन महिन्यांपासून मांडल्या. ‘मटा’च्या पाठपुराव्यामुळेच सलून बांधवांसाठी सकारात्मक निर्णय घेण्यात आला, अशा शब्दांत महाराष्ट्र नाभिक महामंडळाचे जिल्हा सरटिचणीस राजेंद्र इंगळे यांनी ‘मटा’चे आभार मानले. मात्र, लढाई संपलेली नाही. आर्थिक संकटात सापडलेल्या सलूनचालकांच्या हक्कांसाठी लढा सुरूच आहे. राज्य सरकारने दिलेल्या मार्गदर्शक सूचनांचे पालन करण्यात यावे, असे आवाहन इंगळे यांनी सलून व्यावसायिकांना केले.



Source link

LEAVE A REPLY

Please enter your comment!
Please enter your name here

Most Popular

terrorist attack in Srinagar: दहशतवाद्यांचा गोळीबार, नागरिकांना वाचवताना दोन जवान शहीद – two security personnel killed in terrorist attack in jammu and kashmir, srinagar

नवी दिल्ली : गुरुवारी पुन्हा एकदा जम्मू काश्मीरच्या श्रीनगर शहरात सेनेच्या पेट्रोलिंग टीमवर दहशतवादी हल्ला करण्यात आला. या हल्ल्यात दोन जवानांना आपले प्राण...

children engage in mobile games: व्हर्च्युअल खेळांमध्ये अडकतेय बालपण – most of children are engage their time in virtual games

म. टा. प्रतिनिधी, नाशिकशालेय वयोगटातील मुला-मुलींच्या हाती मोबाइल देण्याचे पालक टाळत आले असले तरी, यावर्षी ऑनलाइन शिक्षणासाठी मोबाइल विद्यार्थ्यांच्या हातात द्यावाच लागत आहे....

chatting on whatsapp: ऑफलाइन राहून Whatsapp वर करा चॅटिंग, कुणालाच दिसणार नाही ऑनलाइन – amazing trick of chatting on whatsapp while offline, no one...

नवी दिल्लीः Whatsapp वर खूप सारे फीचर्स मिळत आहेत. परंतु, एका फीचरची उत्सूकता संपत नाही. जर तुम्हाला उशीरा रात्री पर्यंत चॅटिंग करण्याची सवय...

Recent Comments