Home शहरं अहमदनगर करोना व्हायरस: लॉकडाउनमध्ये गांधीगिरी... रस्त्यावरील खड्ड्यात वृक्षारोपण - gandhigiri in lockdown plantation...

करोना व्हायरस: लॉकडाउनमध्ये गांधीगिरी… रस्त्यावरील खड्ड्यात वृक्षारोपण – gandhigiri in lockdown plantation in a pothole on the road


म.टा.प्रतिनिधी, नगर

लॉकडाउन शिथील झाल्यानंतर एका बाजूला शहरात रुग्णांची संख्या वाढत असताना दुसरीकडे विविध आंदोलनेही सुरू झाली आहेत. शक्य तेवढे नियम पाळून मोर्चे, उपोषणे, निवेदन देणे, निदर्शने अशा आंदोलनानंतर आता गांधीगिरी पद्धतीचे आंदोलनही करण्यात आले. नागरी प्रश्नांवर विविध संघटनांनी पुन्हा आंदोलनांचे हत्यार उपसले असल्याचे यावरून दिसू येते. पत्रकार चौकात रस्त्यावरील खड्डयांसंबंधी मंगळवारी असेच एक आंदोलन झाले.

अवघ्या पंधरा दिवसांपूर्वीच पॅचिंगचे काम केलेल्या डीएसपी चौक ते पत्रकार चौक या रस्त्यावर तारकपूर बसस्थानकासमोर मोठमोठे खड्डे पडले आहेत. या खड्ड्यांमुळे अपघात होण्याची शक्यता वाढली आहे. त्यामुळे या निकृष्ट दर्जाच्या कामाचा निषेध नोंदवत फिनिक्स सोशल फौंडेशनने खड्ड्यात वृक्षारोपण करीत त्याला हार घालत गांधीगिरी केली. नगर शहर खड्डेमुक्त करण्याची मागणीही करण्यात आली.

नगर शहराच्या लगत असलेले महामार्ग व प्रमुख रस्त्यांवरील खड्डे तातडीने न बुजविल्यास सात दिवसानंतर कोणतेही पूर्वसूचना न देता रास्तारोको आंदोलन करण्यात येईल, असा इशारा देखील फौंडेशनचे अध्यक्ष जालिंदर बोरुडे यांनी दिला आहे. पत्रकार चौक ते डीएसपी चौक या रस्त्याची नुकतीच दुरुस्ती करण्यात आली. मात्र मागील आठवड्यात झालेल्या पावसात हा रस्ता खड्डेमय झाला आहे.

रस्त्यावर अनेक ठिकाणी मोठमोठे खड्डे पडले असून, त्यामुळे अपघात होत आहेत. रस्त्यावरील खड्ड्यांमुळे वाहनचालकांच्या सुरक्षेचा प्रश्न निर्माण झाला आहे. त्यामुळेच वाहनचालकांना किमान खड्डे लक्षात येण्यासाठी खड्डयात झाडे लावून गांधीगिरी करण्यात आली असल्याचे संघटनेच्या वतीने स्पष्ट करण्यात आले. या आंदोलनात जालिंदर बोरुडे, नासीर खान, संजय दिघे, नरेंद्र पवार, रिजवान पठाण, नितीन खंडागळे, शकील शेख, आमीर शेख आदी सहभागी झाले होते.



Source link

LEAVE A REPLY

Please enter your comment!
Please enter your name here

Most Popular

BSNL festive offer: BSNL युजर्ससाठी फेस्टिव सीजनमध्ये ऑफर्स, या रिचार्जवर बंपर फायदे – festive offer: bsnl extends validity of rs 1999, rs 699, rs...

नवी दिल्लीः बीएसएनएल कंपनीने फेस्टिवल सीजनमध्ये आपल्या ग्राहकांना बंपर ऑफर देत आहे. बीएसएनएल मध्ये अनेक प्रिपेड व्हाऊचर्स (PVs) आणि स्पेशल टॅरिफ व्हाउचर्स (STVs)...

मास्क न लावणाऱ्यांमुळे वाढू शकतो करोनाचा धोका

म. टा. विशेष प्रतिनिधी, मुंबई संसर्गवाढीच्या (उच्चतम बिंदू) महत्त्वाच्या टप्प्यावर मुंबई आली असल्याचे निरीक्षण क्षेत्रातील तज्ज्ञांकडून वारंवार व्यक्त केले जात असले तरीही ...

Recent Comments