Home शहरं नाशिक नाथा गेले पंढरी, मनी रुखरुख भारी

नाथा गेले पंढरी, मनी रुखरुख भारी


म. टा. वृत्तसेवा, त्र्यंबकेश्वर

करोनाच्या लाटेत अनेक उत्सव रद्द, यात्रा रद्द झाल्या. महाराष्ट्राची संस्कृती आणि लोकपंरपरा असलेली आषाढ वारीलाही या करोनाचा फटका असला आणि लाखो वारकऱ्यांची जीव की प्राण असलेली पायी दिंडी यंदा रद्द झाली. त्यामुळे त्र्यंबकेश्वरहून निघणारी संत निवृत्तिनाथांची पालखी मंगळवारी अवघ्या २० जणांच्या उपस्थितीत शिवशाहीतून पंढरपूरकडे प्रस्थान झाली. शेकडो वर्षांपासून पालखीचा भरजरी सोहळा अनुभवणाऱ्या त्र्यंबकवासीयांना हा आटोपशीर सोहळा पाहून अश्रू अनावर झाले. मात्र तरीही शहरवासीयांनी मोठ्या भक्तीभावाने नाथांच्या पालखीला निरोप दिला.

मंगळवारी सकाळपासून त्र्यंबकेश्वर येथून संत निवृत्तिनाथांची पालखीची तयारी सुरू होती. सकाळी आठ वाजता संत निवृत्तिनाथ मंदिरात पूजा, कीर्तन आणि त्यानंतर आरती झाली. नाथांच्या पादुका घेऊन पुजारी गोसावी, ट्रस्टचे अध्यक्ष पवनकुमार भुतडा आदींसह विश्वस्त कुशावर्तावर आले. तेथे नगराध्यक्ष पुरुषोत्तम लोहगावकर यांनी पादुकांची सपत्नीक पूजा केली. तेथूर सारे त्र्यंबकेश्वर मंदिराच्या महाद्वारासमोर आले.

नागरिकांनी रस्त्यावर रांगोळ्या काढल्या होत्या. काही महिलांनी पादुकांचे औक्षण केले. मंदिरासामोर पारंपरिक पद्धतीने अभंग सादर झाले. त्र्यंबकेश्वर देवस्थानचे विश्वस्त प्रशांत गायधनी यांनी स्वागत केले. यावेळी उपस्थित भाविकांनी, वारकऱ्यांनी फुगड्या घातल्या. आमदार हिरामण खोसकर यांनीही मंदिरासमोर फुगड्यांचा फेर धरला होता. त्यानंतर शिवशाही बसमध्ये पादुका घेऊन पुजारी बसले आणि बस पंढरपूरकडे मार्गस्थ झाली. प्रांताधिकारी तेजस चव्हाण, तहसीलदार दीपक गिरासे, पोलिस अधिकारी भिमाशंकर ढोले, यावेळी नगराध्यक्ष पुरुषोत्तम लोहगावकर, नगरसेवक शामराव गंगापुत्र, पालखी सोहळा प्रमुख पुंडलिक थेटे, त्र्यंबकराव गायकवाड, रामभाऊ मुळाणे, जयंत गोसावी, ललीता शिंदे, मधुकर लांडे आदी उपस्थित होते.

नागरिकांच्या मनात खंत

नाथांचा पालखी सोहळा म्हणजे त्र्यंबकचे वैभव. हा भव्य दिव्य पालखी सोहळा डोळ्यात साठवण्यासाठी दरवर्षी हजारो वारकरी दोन दिवस आधीच ब्रह्मगिरीच्या पायथ्याशी येवून विसावतात. पालखीला दहा ते बारा अश्वांची सलामी, पुढे तुळसधारी महिला, झेंडे पतका घेवून ताल धरणारे वारकरी अन् चांदीच्या रथातून निघालेली नाथांची पालखी असा भरजरी सोहळा त्र्यंबकवासीयांच्या जीवनातील अविभाज्य भाग आहे. मात्र यंदा करोनामुळे पालखीचा निरोप सोहळा आटोपशीर झाल्याने अनेकांच्या डोळ्यात पाणी तरळले होते.

पालखीसोबतचे सदस्य

विश्वस्त मंडळाचे अध्यक्ष पवनकुमार भुतडा, पालखी सोहळा प्रमुख संजय महाराज धोंडगे, सचिव धनश्री हरदास, विश्वस्त जिजाबाई लांडे, पंडित कोल्हे, योगेश सोपान, पुजारी सच्चिदानंद गोसावी, मानकरी बाळकृष्ण डावरे, चोपदार निवृत्ती मेमाणे, विणेकरी अर्जुन गाढवे, व्यवस्थापक संदीप शिंदे, झेंडेकरी गणेश बागुल, कर्मचारी दादा आचारी, विश्वस्तांचे प्रतिनिधी श्रीराम गायकवाड व संपत थेटे, वैद्यकीय पथक मुस्कान गाबा, तनय प्रधान, आकाश गावित तसेच इगतपुरीचे नायब तहसीलदार महादेव कारंडे आदी पालखीसोबत गेले आहेत.

शेकडो वर्षांची परंपरा असलेला पालखी सोहळा नाथांच्या पादुका बसमधून घेऊन जावे लागत आहे.चे मनाला अत्यंत दु:ख आहे. करोनाच्या संकटाशी लढा देत परंपरा सांभाळण्याचा आमचा हा प्रयत्न आहे.

-पवनकुमार भुतडा, अध्यक्ष ट्रस्ट

पालखीसोबत पंढरपूरला जाण्याची संधी मिळाली, माझे भाग्य आहे. परंतु पायी दिंडी सोहळ्यात सर्वात पुढे झेंडे पतका नाचवत चालण्याचा आनंद आणि भागवत धर्माची सेवा हे समाधान यामध्ये नाही. देवा पांडुरंगा करोनातून सगळ्यांना मुक्त कर, अशी प्रार्थना मी विठुरायाच्या चरणी करणार आहे.

-गणेश बागुल, झेंडेकरी



Source link

LEAVE A REPLY

Please enter your comment!
Please enter your name here

Most Popular

rr vs csk live score: Chennai Super Kings vs Rajasthan Royals 37th Match IPL Live Cricket Score Updates From Sheikh Zayed Stadium – CSK...

अबुधाबी:IPL 2020 अबुधाबीच्या शेख जायद स्टेडियमवर आयपीएल २०२० मध्ये आज चेन्नई सुपर किंग्ज विरुद्ध राजस्थान रॉयल्स (CSK vs RR)अशी लढत होत आहे. गुणतक्त्यात...

final year exams 2020: मुंबई विद्यापीठाच्या पदवी परीक्षा संपल्या; दोन लाखांवर विद्यार्थ्यांनी दिली परीक्षा – mumbai university final year exams 2020 ended successfully, over...

Mumbai University Exams 2020: ऑक्टोबर- मुंबई विद्यापीठाशी सलंग्नित सर्व महाविद्यालये आणि विद्यापीठ विभागाच्या सर्व परीक्षा या वेळेत आणि सुरळीत पार पडल्या. दिनांक २५...

Nawab Malik: Nawab Malik: लोकल सुरू करायला राज्य सरकार तयार!; ‘या’ मंत्र्याचा गोयल यांच्यावर आरोप – restore local train service in mumbai says nawab...

मुंबई: 'मुंबईकरांना जो त्रास सहन करावा लागत आहे तो कमी करण्यासाठी नियमित लोकलसेवा सुरू करण्यात यावी', अशी अत्यंत महत्त्वाची मागणी राज्याचे अल्पसंख्याक मंत्री...

Recent Comments