Home शहरं नाशिक नाशिक जिल्हा मध्यवर्ती बँक: आता थकबाकीदारांचे निम्मे व्याज होणार माफ - half...

नाशिक जिल्हा मध्यवर्ती बँक: आता थकबाकीदारांचे निम्मे व्याज होणार माफ – half the interest of the arrears is waived by nashik district central co-operative bank


म. टा. खास प्रतिनिधी, नाशिक

आर्थिक डबघाईतून बाहेर येण्यासाठी नाशिक जिल्हा मध्यवर्ती सहकारी बँकेने थकबाकीदारांसांठी आकर्षक सामोपचार कर्ज परतफेड योजना जाहीर केली आहे. यात सहभागी होणाऱ्या थकबाकीदारांना एकूण थकबाकीवर आकारण्यात आलेल्या व्याजावर ५० टक्के सूट दिली जाणार आहे. थकबाकीच्या अनुषंगाने ७५ हजार ते साडेचार लाखापर्यंत सवलत मिळेल. सदर योजना १ जुलै ते ३० सप्टेंबर या कालावधीसाठी लागू रहाणार आहे.

जिल्हा बँकेला आर्थिक संकटातून बाहेर काढण्यासाठी थकबाकी वसुलीत कठोर पावले उचलण्यात आली. तसेच विविध कार्यकारी संस्थांच्या मोठे थकबाकीदार प्रभावशाली थकबाकीदार यांच्यावर सहकार कायद्यानुसार बँकेचे नाव लावून जप्ती केलेल्या जमिनींचे लिलावही केले. परंतु, तीन-चार वर्षांपासून कर्जमाफी योजना अंमलबजावणी आणि नैसर्गिक आपत्ती यामुळे थकबाकी वाढल्याने बँकेचे अनुत्पादक कर्जाचा डोंगरही वाढत आहे.

त्यामुळे कर्ज वसुलीसाठी प्राथमिक शेती संस्था स्तरावरील व सभासदांकडील थकबाकी वसूल होणे आवश्यक आहे. त्यामुळेच जुन्या सामोपचार योजनेऐवजी नवीन आकर्षक योजना जाहीर करण्यात आली आहे. बँकेची सध्याची सुरू असलेली सामोपचार कर्ज परतफेड योजना (ओटीएस) तसेच बँकेचा वाढलेला एनपीए व त्यानुसार असलेल्या काल व रक्कमनिहाय थकबाकीचे व अपेक्षित वसुलीचे अवलोकन करून नाबार्ड व आरबीआय यांच्या मार्गदर्शक सूचना बँकेच्या संचालक मंडळाने विचारात घेतल्या आणि त्यानंतर सुधारित ‘सामोपचार कर्ज परतफेड योजना २०२०’ या नावाने राबविण्यास मान्यता देण्यात आलेली आहे. त्यामुळे कर्जदारांना दिलासा मिळण्यासह बँकेची आर्थिक वसुली होणार आहे.

यांना मिळणार लाभ

– ३० जून २०१६ अखेरीस विविध कार्यकारी संस्था पातळीवर थकीत सर्व शेती व शेती पूरक संपूर्ण येणे कर्ज व बँकेमार्फत वितरित थेट कर्जपुरवठा योजनेंतर्गत थकीत सर्व थकबाकीदार सभासद योजनेस पात्र राहतील.

– थकबाकीदाराच्या एकूण व्याजावर ५० टक्के सूट दिली जाणार आहे.

– एक लाख ते १० लाखांपर्यंतच्या थकबाकीदारांना या योजनेत सहभागी होता येईल.

– किमान ७५ हजार आणि कमाल साडेचार लाखापर्यंत लाभ थकबाकीदारांना घेता येणार आहे.

– थकबाकी सभासदांनी योजनेंतर्गत लाभ घेतल्यानंतर होणाऱ्या रक्कमेच्या किमान ५० टक्के रक्कम भरणा करून योजनेत भाग घेता येईल.

– उर्वरित ५० टक्के रक्कम प्रस्ताव मंजूर झाल्यानंतर दोन महिने अथवा योजनेच्या अंतिम तारखेपर्यंत भरणा करणे आवश्यक राहील.

– कायद्यानुसार चालू असलेली जप्ती, अपसेट प्राइस व लिलाव कारवाई आहे त्या स्तरावर कर्जाची व्याजासह पूर्ण परतफेड होईपर्यंत स्थगित ठेवली जाईल.



Source link

LEAVE A REPLY

Please enter your comment!
Please enter your name here

Most Popular

Made in India Metro: पहिलीच स्वदेशी मेट्रो २७ जानेवारीला मुंबईत – first india made metro will be in mumbai on 27 january

म. टा. विशेष प्रतिनिधी, मुंबईलाखो मुंबईकरांना प्रतीक्षा असलेल्या मेट्रो दोन अ आणि सात या मार्गावरील, स्वदेशी बनावटीच्या पहिल्याच मेट्रो ट्रेनच्या (रोलिंग स्टॉक) निर्मितीचे...

LIVE : गडचिरोलीत दुसऱ्या टप्प्यातील 150 ग्रामपंचायतीसाठी आज मतदान

कोरोना आणि राज्यासह देशभरातील महत्त्वाच्या बातम्यांचे ताजे अपडेट्स Source link

Recent Comments