Home देश पालघर मॉब लिन्चिंग : पालघर जमावाकडून हत्या : योगी आदित्यनाथांचा उद्धव ठाकरेंना...

पालघर मॉब लिन्चिंग : पालघर जमावाकडून हत्या : योगी आदित्यनाथांचा उद्धव ठाकरेंना फोन – palghar mob lynching yogi adityanath calls his counterpart uddhav and urges strict action against culprits


लखनऊ : महाराष्ट्रात पालघरच्या डहाणूमध्ये घडलेल्या जमावाकडून हत्या प्रकरणात (palghar mob lynching) आता उत्तर प्रदेशचे मुख्यमंत्री योगी आदित्यनाथ यांनीही हस्तक्षेप केलाय. मुख्यमंत्री योगी आदित्यनाथ यांनी महाराष्ट्राचे मुख्यमंत्री उद्धव ठाकरे यांच्याशी फोनवरून या प्रकरणाबाबत चर्चा केली. या प्रकरणातील गुन्हेगारांविरुद्ध कठोर कारवाईची मागणी त्यांनी मुख्यमंत्री ठाकरेंकडे केलीय. १७ एप्रिल रोजी डहाणूमध्ये अफवांवर विश्वास ठेवूनन जमावानं तीन जणांची जबर मारहाण करत हत्या केली होती. हे तिघेही चोर असल्याचा जमावाला संशय होता. घटना घडली तेव्हा काही पोलीसही तिथे उपस्थित होते. पोलिसांसमोरच ही घटना घडली परंतु, ते जमावाला थांबवण्यात अपयशी ठरले.

‘महाराष्ट्रातील पालघरमध्ये जुना आखाडाचे संत स्वामी कल्पवृक्ष गिरी, स्वामी सुशील गिरी आणि त्यांचा चालक निलेश तेलगडे यांच्या हत्या प्रकरणात काल सायंकाळी महाराष्ट्राचे मुख्यमंत्री उद्धव ठाकरे यांच्याशी चर्चा केली. घटनेला जबाबदार असणाऱ्यांविरोधात कठोर कारवाई करण्यात यावी, असा आग्रह केला’ असं सोशल मीडियावरून योगी आदित्यनाथ यांनी म्हटलंय.

वाचा :
‘बाळासाहेब आणि उद्धव ठाकरेंच्या राज्यात हाच फरक’

वाचा :
मॉब लिंचिंगच्या घटना खपवून घेतल्या जाणार नाही; आदित्यंचा इशारा


मुख्यमंत्र्यांनी दिली माहिती

उल्लेखनीय म्हणजे, या घटनेला महाराष्ट्रातही राजकीय पटलावर या घटनेला धार्मिक रंग देण्याचा प्रयत्न सुरू असल्याचं दिसतंय. या घटनेबद्दल बोलताना, घटनेच्या दिवशीच सर्व आरोपींना अटक करण्यात आल्याची माहिती उद्धव ठाकरे यांनी केलीय.

जमावानं केलेल्या हल्ल्यानंतर जखमी झालेल्या तिघांना रुग्णालयात दाखल करण्यात आलं. परंतु, इथे तिघांनाही मृत घोषित करण्यात आलं. या प्रकरणात पोलिसांनी ११० जणांना अटक केलीय.

वाचा :
पालघर मॉब लिंचिंग: घटना भयानक आणि लज्जास्पद

जमावाकडून हत्या

तीनही मृत साधू एका अंत्यसंस्कारात सहभागी होण्यासाठी कांदिवलीहून दाभाडी-खानवेल मार्गावरून नाशिकच्या त्र्यंबकेश्वरकडे जात होते. यासाठी त्यांनी एक गाडीही भाड्यानं घेतली होती. लॉकडाऊन दरम्यान त्यांनी १२० किलोमीटरचं अंतरही कापलं होतं. परंतु, डहाणू तालुक्यातील गडचिंचले गावाजवळ वनविभागाच्या एका संतरीनं त्यांना थांबवलं. थोड्याच वेळात इथं जमाव जमा झाला. त्यांनी ही कार थांबवत प्रवाशांची विचारपूस करण्यास सुरुवात केली. मात्र, प्रवाशांनी माहिती देण्याच्या आधीच काही लोकांनी गाडीच्या दिशेने दगडफेक सुरू केली. त्यानंतर या जमावाने कारमधील तिघांनाही लाठ्याकाठ्यांनी बेदम चोप देत, त्यांना दगडाने ठेचून मारले.

वाचा :
देशातील ३३९ जिल्हे करोनामुक्त, जाणून घ्या तुमच्या भागातील परिस्थिती





Source link

LEAVE A REPLY

Please enter your comment!
Please enter your name here

Most Popular

nana patole latest news: Nana Patole: महाराष्ट्रात काँग्रेसची सत्ता येणार!; नाना पटोले यांनी केले ‘हे’ मोठे विधान – congress will come to power in...

हायलाइट्स:काँग्रेस प्रदेशाध्यक्ष नाना पटोले यांनी लावला बैठकांचा धडाका.पालिका निवडणुकीबाबत दिल्या महत्त्वाच्या सूचना.आगामी विधानसभा निवडणुकीत काँग्रेसची सत्ता येईल: पटोलेमुंबई: महाराष्ट्र प्रदेश काँग्रेसचे नव्या दमाचे...

coronavirus in mumbai latest news: Coronavirus In Mumbai: मुंबईत ४ महिन्यांतील सर्वाधिक रुग्णवाढ; ‘हे’ आकडे टेन्शन वाढवणारे – mumbai records 1167 covid 19 cases...

हायलाइट्स:मुंबई आणि ठाणे जिल्ह्यात करोनाचा धोका वाढला.मुंबईत झाली चार महिन्यांतील सर्वाधिक रुग्णवाढ.ठाणे जिल्ह्यातही नवीन ६१४ रुग्णांची पडली भर.मुंबई: राज्याची राजधानी मुंबईवरील करोना संसर्गाचा...

'सुपर संभाजीनगर'च्या परवानगीची चौकशी

म. टा. प्रतिनिधी, औरंगाबाद स्मार्ट सिटी डेव्हलपमेंट कॉर्पोरेशनच्या माध्यमातून शहरात '' चे डिस्प्ले लावण्याची परवानगी देण्यात आली आहे का याची चौकशी केली जाईल,...

Recent Comments