Home शहरं औरंगाबाद पोटाची खळगी भरण्यासाठी करावी लागते प्रतीक्षा

पोटाची खळगी भरण्यासाठी करावी लागते प्रतीक्षा


Vijay.deulgaonkar@timesgroup.com

@vijaydeulMT

औरंगाबाद : डोक्यावर रणरणत्या उन्हाचा तडाखा, पोटात अन्नाचा कण नाही, कधी एकदा जेवण येते आणी भुक शमते, अशी दयनीय अवस्था हर्सूल, होनाजीनगर, जटवाडा रोड भागातील अवस्था. करोना विषाणू संसर्गाचा हा परिणाम. पोलिस कम्युनिटी सेंटरचे प्रमुख, पुंडलिकनगर पोलिस ठाण्याचे सहायक निरीक्षक यांच्या नियोजनामुळे त्यांची दोन वेळची भुक शमत असली तरी ही चिंता कधी दूर होईल, असा प्रश्न त्या प्रत्येक चेहऱ्यांवर असतो.

औरंगाबाद शहरापासून एक रस्ता हर्सूल तलावामार्गे जटवाडा गावाकडे पुढे जातो. या मार्गावर पुढे गेल्यास होनाजीनगर, सुधीर हनुमाननगर, सुभेदार रामजी नगर, जहांगीर कॉलनीचा भाग, गावदरी तांडा, ओहर, जटवाडा यांच्यासहीत आदी तांडे आणी वस्त्या लागतात. हा सर्व भाग दारिद्रय रेषेखालील, हातावर पोट भरणाऱ्या मजुरांची झोपडपट्टी. सध्या हाताला काम नाही म्हणून येथील रहिवासी हवालदिल झाले आहेत. या नागरिकांची उपासमार होऊ नये म्हणून पोलिस कम्युनिटी सेंटर आणि धवल क्रांती रिसर्च फाउंडेशन यांच्यातर्फे रोज भोजन पुरवण्याची जबाबदारी घेण्यात आली आहे. पोलिस कम्युनिटी सेंटर उपक्रमाचे सहायक निरीक्षक घनश्याम सोनवणे आणी धवल क्रांतीचे डॉ. किशोर उढाण, कर्मचारी रुपसिंह राजपूत, शेख रियाज, प्रसाद अकोलकर आदी या पथकात काम करतात.

सकाळी साधारण नऊ वाजता वेदांतनगर येथील औरंगाबाद फर्स्ट ही संस्था, सिडको एमआयडीसी परिसरातील सिसोदिया ग्रुप यांच्याकडून भोजनाचे डबे तयार करण्यात येतात. एपीआय सोनवणे पोलिस वाहनातून हे डबे गरजू नागरिकांच्या वसाहतीत स्वतः पोचवण्याची जबाबदारी घेतात. दुपारी जेवणाच्या वेळेपर्यंत हर्सूल, जटवाड्यापासून दूर, वाहने जाण्यासाठी रस्ता नाही असा ठिकाणी रोज या गरजूंना जेवणाची जबाबदारी सध्या पार पडण्यात येत आहे. गेल्या तीन दिवसांत या भागातील सुमारे साडेतीनशे नागरिकांना जेवणाचे वाटप करण्यात आले. पोलिसांच्या या उपक्रमाचे अनेक नागरिकांनी कौतुक केले.

पोलिस आयुक्त चिरंजीवप्रसाद यांच्या संकल्पनेतून हा उपक्रम राबवण्यात येत आहे. यासाठी सकाळी नऊपासून नियोजन सुरू होते. धवल क्रांती फाउंडेशनचे डॉ. किशोर उढाण यांचे देखील मोठे सहकार्य यासाठी लाभत आहे. गरजूंचे फोन येतात. त्यांच्यापर्यंत जेवणाचे डबे पुरवण्याची जबाबदारी चोखपणे पार पाडण्यात येते; तसेच गरजू कुटुंबीयांना धान्याचेही देखील वाटप करण्याचा उपक्रम राबवत येत आहे.

– घनश्याम सोनवणे, सहायक निरिक्षक, पोलिस कम्युनिटी उपक्रम प्रमुख



Source link

LEAVE A REPLY

Please enter your comment!
Please enter your name here

Most Popular

Kangana Ranaut: kangana ranaut : शिवसेना नेत्यांकडून जिवाला धोका, कंगनाची सुप्रीम कोर्टात धाव – kangana ranaut in supreme court seeking transfer criminal cases

नवी दिल्लीः मुंबईत दाखल झालेल्या तीन गुन्ह्यांप्रकरणी अभिनेत्री कंगना राणावत ( kangana ranaut ) आणि तिची बहीण रंगोली चंदेल यांनी आता सुप्रीम कोर्टात...

nashik onion growers: कुठे घसरला, तर कुठे वधारला – onion price decline in pimpalgaon, lasalgaon and onlion price increased in manmad and nandgaon

टीम मटागेल्या आठ दिवसांपासून जिल्ह्यात कांदादराबाबत चढउतार अनुभवास येत आहेत. सोमवारी पिंपळगाव, लासलगावात कांदादरात ३०० रुपयांची घसरण झाली तर, येवला मनमाड, नांदगावात मात्र...

शेकडो संस्था सभासदत्वाविना

म. टा. प्रतिनिधी, औरंगाबाद जिल्हा मध्यवर्ती सहकारी बँकेत गेल्या पंचवीस वर्षांपासून आलटून पालटून काही अंशी बिनविरोध करून तेच तेच संचालक आजपर्यंत कायम असून,...

Recent Comments