Home संपादकीय प्रशासकीय दणका

प्रशासकीय दणका


महापालिकेचे आयुक्त यांची अवघ्या तीन महिन्यांत उचलबांगडी झाली. त्याचबरोबर नवी मुंबई, मिरा-भाईंदर, उल्हासनगर यांचे आयुक्तही बदलण्यात आले. ठाणे जिल्ह्यात करोनाचा कहर वाढला आहे. त्याचा फटका या सर्व आयुक्तांना अगदी औट घटकेच्या सेवेतच बसला. उल्हासनगरच्या आयुक्तांनी तर जेमतेम महिनाभरापूर्वी सूत्रे हाती घेतली होती. भिवंडीत करोनाबाधितांच्या मृत्यूचे प्रमाण गेल्या आठवड्यात भरमसाठ वाढले, तेव्हा तेथील आयुक्तांना दूर करण्यात आले व त्या जागी आयएएस अधिकारी आले. ठाणे जिल्ह्यात करोनाबाधित २४ हजारांच्या पुढे गेले व ८००हून अधिक मृत्यू झाले आहेत. रुग्णांची परवड झाल्याच्या तर अनेक घटना घडत आहेत. करोना सुरू झाल्यापासून आपत्ती व्यवस्थापन व साथरोग प्रतिबंधक कायद्यानुसार प्रशासकीय यंत्रणेचे अधिकार वाढले; त्यामुळे करोना हाताबाहेर गेल्यावर पहिला ठपका प्रशासकीय नेतृत्वावर येतो. ठाणे जिल्ह्यातील महापालिकांचे प्रश्न मुंबई महापालिकेच्या प्रश्नांपेक्षा कमी महत्त्वाचे नाहीत, उलट तेथे शहरी व ग्रामीण अशा मिश्र नागरी जीवनामुळे समस्या अधिक जटील आहेत. मुंबईची लोकसंख्या सव्वा कोटी असेल, तर ठाणे जिल्ह्याची लोकसंख्याही एक कोटीच्या घरात आहे. त्यातील अर्धी लोकसंख्या हे मुंबापुरीचे श्रमबळ आहे. लोकसंख्येची घनता येथे अफाट आहे. वाहतुकीचे व निवासाचे प्रश्न क्लिष्ट बनले आहेत. महापालिकांचा गाडा हाकताना, स्थानिक राजकीय ‘संस्थानां’ना न दुखावता काम करणे, यात आयुक्तांची अर्धी ऊर्जा खर्ची पडते. स्थानिक नेत्यांच्या हितसंबंधांना धक्का लागल्यास ते भारी पडते. पालिकेच्या यंत्रणेत हे साटेलोट्याचे सूत्र पुरते झिरपलेले असते. ती आपली चौकट मोडून काम करण्यास तयार नसते. अशा दुहेरी कात्रीत प्रशासन सापडते. जे अधिकारी या गोष्टीवर मात करतात किंवा स्थानिक राजकीय नेत्यांच्या बॉसची मर्जी संपादन करतात, तेच टिकतात. ठाण्याची इतकी वाढ होत असताना, आता आतापर्यंत ठाण्यात विलगीकरणाचे एक केंद्र उभारण्याचेही कुणाला सुचले नव्हते, दूरदूरवरून रुग्णांना मुंबईत कस्तुरबापर्यंत न्यावे लागायचे. अशी नियोजनशून्यता पदोपदी आहे, आता सनदी अधिकारी वाढवून व नवे अधिकारी आणून त्यात फरक पडतो का, ते बघायचे.



Source link

LEAVE A REPLY

Please enter your comment!
Please enter your name here

Most Popular

येथे जाड सुईने 'टुचुक' केले जाईल…

एक मार्च हा दिवस काळाच्या दंडावर कायमस्वरूपी अन् करकचून टोचून ठेवला गेला आहे, याबाबत आमच्या मनात किंचितही शंका नाही. साक्षात पंतप्रधान नमोजींनी या...

Recent Comments