Home शहरं अहमदनगर प्लाझ्मा थेरपी: नगरमध्ये प्लाझ्मा थेरपीची चाचपणी सुरू - plasma therapy testing begins...

प्लाझ्मा थेरपी: नगरमध्ये प्लाझ्मा थेरपीची चाचपणी सुरू – plasma therapy testing begins in ahmadnagar


म.टा.प्रतिनिधी, नगर

नगरमध्ये करोनाबाधितांची संख्या वाढू लागली आहे. आता या रुग्णांवर उपचार करण्यासाठी प्लाझ्मा थेरपीचा वापर करण्याचा विचार प्रशासनाकडून सुरू आहे. करोना बाधित रुग्णांवर उपचारासाठी प्लाझ्मा थेरपीचा वापर रुग्णांना फायदेशीर ठरत आहे. त्यामुळे करोनातून बरे झालेल्या रुग्णांनी अन्य रुग्णांच्या उपचारासाठी प्लाझ्मा दान करण्यासाठी पुढे यावे, असे आवाहनही जिल्हाधिकारी राहुल द्विवेदी यांनी केले आहे.

करोनातून रुग्ण बरे झाल्यानंतर १० दिवसानंतर आणि २८ दिवसाच्या आत प्लाझ्मा दान केले पाहिजे. त्यामुळे रुग्णांनी स्वतःहून पुढाकार घ्यावा. तेथील उपचार करणाऱ्या डॉक्टरांनीही त्यांचे समुपदेशन करून याचे महत्व पटवून द्यावे, असेही द्विवेदी म्हणाले. नगर शहरात सध्या पुन्हा रुग्णांची संख्या वाढत आहे. स्वतःच्या आणि इतरांच्या आरोग्याच्या सुरक्षिततेची काळजी न घेता नागरिक घराबाहेर पडत आहेत. त्यामुळे पुन्हा प्रादुर्भाव वाढण्याचा धोका आहे. पुन्हा सक्तीचे लॉकडाउन टाळायचे असेल तर नागरिकांनी विनाकारण घराबाहेर पडणे टाळावे, अत्यावश्यक असेल तर चेहऱ्यावर मास्क घालून घराबाहेर पडावे. कोणत्याही परिस्थितीत करोना संसर्ग प्रादुर्भाव रोखण्यासाठी नागरिकांनी योग्य ती खबरदारी घ्यावी, असे आवाहनही त्यांनी केले आहे.

कशी असते प्लाझ्मा थेरपी?

प्लाझ्मा थेरपीमध्ये करोनातून पूर्णपणे बरे झालेल्या व्यक्तीच्या शरीरातील रक्तातील घटक घेतले जातात. त्यातून अँटीबॉडीजयुक्त प्लाझ्मा वेगळे केले जातात. यानंतर प्लाझ्मा करोनाची लागण झालेल्या रुग्णाच्या शरीरात इंजेक्ट केला जातो. जेव्हा शरीर कोणत्याही बॅक्टेरीयाच्या संपर्कात येते, तेव्हा रोगप्रतिकारक यंत्रणा स्वयंचलितपणे सक्रिय होते आणि अँटीबॉडीज रिलीज होतात. करोना विषाणूच्या संसर्गापासून बरे झालेल्या रूग्णांच्या प्लाझ्मामध्ये अँटीबॉडीज असतात जे आधी करोनाशी लढलेले असतात. त्यामुळेच जिल्ह्यातील बरे झालेल्या रुग्णांनी पुढे येऊन प्लाझ्मा दान करण्याची गरज आहे.



Source link

LEAVE A REPLY

Please enter your comment!
Please enter your name here

Most Popular

Aurangabad Municipal Corporation: ‘वर्कऑर्डर’ अभावी ठाकरे स्मारक कागदावरच – aurangabad municipal corporation has not give work order for statue of balasaheb thackeray in aurangabad

म. टा. प्रतिनिधी, औरंगाबादशिवसेनाप्रमुख बाळासाहेब ठाकरे यांच्या नावाने स्मृतिवन व स्मारक उभारण्यासाठी महापालिकेने मोठा गाजावाजा करून मुख्यमंत्र्यांच्या हस्ते भूमिपजून केले. पण, तो फार्स...

Ramdas Athawale: शेतकरी आंदोलनात होतेय राजकारण – union minister ramdas athawale’s reaction on farmers protest

म. टा. खास प्रतिनिधी, नाशिकशेतकरी आंदोलनाचे फक्त राजकारण सुरू आहे. आंदोलन करण्याचा प्रत्येकाला अधिकार आहे तो त्याने बजवावा, मात्र सध्या सुरू असलेले शेतकरी...

Pune: Pune: महिला रिक्षामधून प्रवास करत होती, काही अंतरावरच… – pune woman robbed gold jewellery and cash worth rs 1. 5 lakh in bhosari...

पुणे: रिक्षाने प्रवास करत असताना, महिलेच्या पर्समधील दागिने आणि रोकड असा दीड लाख रुपयांचा ऐवज चोरीला गेल्याची घटना उघडकीस आली आहे. या प्रकरणी...

Recent Comments