Home शहरं अहमदनगर मुस्लिमांना प्रतिनिधीत्व मिळावे

मुस्लिमांना प्रतिनिधीत्व मिळावे


विधानपरिषदेसाठी श्रीरामपुरातून ठाकरे-पवार व थोरातांना पत्र

म. टा. प्रतिनिधी, नगर

विधान परिषदेच्या येत्या २१ मे रोजी होणाऱ्या निवडणुकीत नगर जिल्ह्यातील मुस्लिम समाजाच्या नेत्यास प्रतिनिधित्व देण्याची मागणी जिल्ह्यातील मुस्लिम समाजाच्या नेत्यांनी केली आहे. यासंदर्भात श्रीरामपूरमधून मुख्यमंत्री उद्धव ठाकरे, राष्ट्रवादीचे अध्यक्ष शरद पवार आणि काँग्रेसचे प्रदेशाध्यक्ष बाळासाहेब थोरात यांच्याकडे ई-मेलद्वारे ही मागणी करण्यात आली आहे.

काँग्रेस, राष्ट्रवादी आणि शिवसेना पक्ष महाराष्ट्रातील मुस्लिम समाजास आपले वाटू लागले आहेत. या तीनही पक्षांकडे अनेक कर्तबगार मुस्लिम नेते आहेत. मुख्यमंत्री ठाकरे, राष्ट्रवादीचे अध्यक्ष पवार आणि काँग्रेसच्या अध्यक्ष सोनिया गांधी या तिन्ही पक्षांच्या प्रमुखांनी महाविकास आघाडीच्या माध्यमातून नगर जिल्ह्यातून मुस्लिम समाजाच्या एका नेत्यास विधानपरिषदेवर प्रतिनिधित्व करण्याची संधी उपलब्ध करून द्यावी, अशी मागणी श्रीरामपूरचे शिवसेनेचे यासीन सय्यद, अमजद जलीलखान पठाण, नगरसेवक मोहम्मद शेख, मुक्तार शाह, रईस जहागीरदार, अल्तमश पटेल, मुन्ना पठाण, निसार कुरेशी, रफीक बागवान, नजीर मुलानी, अॅड. वाय. के. शेख, आसिफ दारुवाला, अश्फाक शेख, फैयाज बागवान; तसेच नगरचे साहेबान जहागीरदार, समाज कल्याण विभागाचे निवृत्त अधिकारी रफिक मुन्शी, संगमनेरचे माजी नगरसेवक अनिस बागवान, अल्ताफ बागवान, प्रा. उमर बागवान आदींनी केली आहे.

राज्यात काँग्रेस, राष्ट्रवादी आणि शिवसेना अशा तिन्ही पक्षांचे सरकार आहे. विधानसभा निवडणुकीत या तीनही पक्षांकडून मुस्लिम समाजाचे काही नेते मोठ्या मताधिक्क्याने निवडून आले आहेत. लोकसभा निवडणुकीत राज्यातून या पक्षांकडून एकही मुस्लिम खासदार निवडून जाऊ शकला नाही, ही दुर्दैवी बाब होती. लोकसभा निवडणुकीत ‘एमआयएम’ या पक्षाकडून महाराष्ट्रातून मुस्लिम समाजाचे इम्तियाज जलील (औरंगाबाद) हे एकमेव खासदार निवडून आले आहेत. मात्र, विधानसभा निवडणुकीत या तीनही पक्षांकडून राज्यातून मुस्लिम नेते विधानसभेत गेले आहे, ही गौरवाची बाब आहे, असे स्पष्ट करून या पत्रात म्हटले आहे की, नगर जिल्ह्यात मुस्लिम समाजात अनेक मातब्बर पुढारी सध्या तीनही पक्षांकडे कार्यरत आहेत. विधानसभा निवडणूक लढविणे त्यांना शक्य असेल वा नसेलही, परंतु विधान परिषद त्यांच्यासाठी एक संधी आहे. लोकप्रतिनिधी म्हणून काम करण्याची त्यांची इच्छा यानिमित्ताने पूर्ण होऊ शकते, असेही या पत्रात स्पष्ट केले गेले आहे.



Source link

LEAVE A REPLY

Please enter your comment!
Please enter your name here

Most Popular

coronavirus in mumbai latest news: Coronavirus In Mumbai: मुंबईत ४ महिन्यांतील सर्वाधिक रुग्णवाढ; ‘हे’ आकडे टेन्शन वाढवणारे – mumbai records 1167 covid 19 cases...

हायलाइट्स:मुंबई आणि ठाणे जिल्ह्यात करोनाचा धोका वाढला.मुंबईत झाली चार महिन्यांतील सर्वाधिक रुग्णवाढ.ठाणे जिल्ह्यातही नवीन ६१४ रुग्णांची पडली भर.मुंबई: राज्याची राजधानी मुंबईवरील करोना संसर्गाचा...

'सुपर संभाजीनगर'च्या परवानगीची चौकशी

म. टा. प्रतिनिधी, औरंगाबाद स्मार्ट सिटी डेव्हलपमेंट कॉर्पोरेशनच्या माध्यमातून शहरात '' चे डिस्प्ले लावण्याची परवानगी देण्यात आली आहे का याची चौकशी केली जाईल,...

virat kohli: IND vs ENG : विराट कोहलीला मिळाले जीवदान, पाहा कोणी सोडला सोपा झेल… – ind vs eng : indian captain virat kohli’s...

अहमदाबाद, IND vs ENG : भारताचा कर्णधार विराट कोहलीला पहिल्याच दिवशीच जीवदान मिळाल्याचे पाहायला मिळाले. विराटचा सोपा झेल यावेळी इंग्लंडच्या खेळाडूने सोडल्याचे पाहायला...

Recent Comments