Home शहरं मुंबई लक्षणे नसलेल्यांनी अडवल्या खाटा

लक्षणे नसलेल्यांनी अडवल्या खाटा



Sharmila.kalgutkar@timesgroup.com

Twitter – @ksharmilaMT

मुंबई : करोना आजाराच्या निदान चाचण्या व विलगीकरणाच्या संदर्भात सातत्याने बदलत्या नियमावलीमुळे रुग्णालयांतील वैद्यकीय कर्मचाऱ्यांमध्येही संभ्रम निर्माण झाला असून, करोना पॉझिटिव्ह असलेल्या मात्र लक्षणे दिसत नसलेल्या रुग्णांचाही रुग्णालयांमधील मुक्काम वाढत आहे. त्यामुळे खाटा भरलेल्या दिसत असल्या तरीही तातडीने वैद्यकीय उपचारांची गरज असलेल्या रुग्णांना त्यासाठी प्रतीक्षा करावी लागत आहे.

संसर्ग झालेल्या वैद्यकीय कर्मचारी, डॉक्टरांसह शेकडो मुंबईकरही करोना केंद्रामध्ये जाण्याची तयारी नसल्याचे सांगून रुग्णालयांमध्ये राहण्याचा आग्रह धरतात. त्याचा अप्रत्यक्ष ताण वैद्यकीय व्यवस्थेवर येतो व ज्यांना रुग्णालयामध्ये तातडीने उपचार मिळण्याची गरज आहे, त्यांना मुंबईभर रुग्णालयांतील रिक्त खाटांच्या शोधात वणवण करावी लागत आहे. खाटांची उपलब्धता वाढली तरीही मनुष्यबळाचा प्रश्न सुटलेला नाही. बदलत्या नियमावलीचे सुस्पष्ट आकलन न झाल्यामुळेही रुग्णालयातील गोंधळात भर पडत आहे. दोन दिवसांपूर्वी या रुग्णालयांमधून सीसीसी केंद्रामध्ये पाठवले तरीही चालू शकेल अशा यादीमध्ये तीनशेहून अधिक जणांचा समावेश होता. त्यात नागरिकांप्रमाणेच वैद्यकीय कर्मचारीही होते.

पालिका रुग्णालयातील वरिष्ठ वैद्यकीय अधिकाऱ्यांनी दिलेल्या माहितीनुसार प्रकृती बिघडली तर रुग्णालयामध्येच वैद्यकीय सेवा मिळावी, असा आग्रह व्यक्त केला जातो. बदललेल्या नियमावलीनुसार सीसीसी केंद्रे किंवा घरामध्ये विलगीकरण करण्याचे निर्देश लक्षणानुरूप देण्यात आले आहेत. प्रत्यक्षात अनेक ठिकाणी हे स्पष्ट झालेले नाही. सेव्हन हिल्स रुग्णालयामध्येही काही जणांच्या स्वॅब चाचण्या रोज घेण्यात येतात तर काही जणांच्या चाचण्या दोन ते तीन दिवसांच्या अंतराने घेण्यात येतात. काहींचे अहवाल त्वरित मिळतात, तर अनेकांचे प्रलंबित राहतात, हा गोंधळ योग्यवेळी निस्तरल्यास नियोजनामध्ये सुस्पष्टता येईल, अशी अपेक्षा येथील डॉक्टरांनी व्यक्त केली.

रुग्णालयांची हतबल

लो. टिळक रुग्णालयामध्ये आपत्कालीन परिस्थितीमध्ये रुग्णसंख्या वाढल्यानंतर एका खाटेवर दोन जणांना ठेवून संबधित रुग्णालयांमध्ये पाठवले जात होते. त्याचेही व्हिडीओ काढून राजकारण करण्यात आले, त्यामुळे तिथेही रुग्ण दाखल करून घेण्यावर मर्यादा आली.

राखीव वॉर्डांचा प्रश्न

केईएममध्ये एक विशेष वॉर्ड हा रुग्णालयामध्ये संसर्ग झालेल्या रुग्णांसाठी राखीव ठेवण्याचे सांगण्यात आले असले तरीही प्रत्यक्षात मात्र तेथील वैद्यकीय कर्मचारी हे सेव्हन हिल्स तसेच इतर करोनासाठी उभारण्यात आलेल्या रुग्णालयामध्ये येतात, त्यांचे उपचार या राखीव वॉर्डमध्ये झाले तर हा भारही कमी होईल.

व्यवस्थापनाचा प्रश्न

यापूर्वी पालिकेच्या हेल्पलाइन क्रमाकांवर फोन केला तर तिथून थेट कुठे जायचे याची माहिती दिली जायची. त्यामुळे रुग्ण आपापल्या वाहनांनी तसेच रुग्णवाहिकांमधून परस्पर यायचे व दाखल व्हायचे. आता नियमावलीतील निकष बदलल्यानंतरही हाच ओघ कायम राहिला तर रुग्ण व्यवस्थापन कसे करायचे हा गंभीर प्रश्न संबधितांपुढे आहे.



Source link

LEAVE A REPLY

Please enter your comment!
Please enter your name here

Most Popular

4th Marathi literary meet: संमेलनस्थळी होणार करोना चाचणी – it has been decided to test the corona of every worker those work for marathi...

म. टा. खास प्रतिनिधी, नाशिकशहरात होणाऱ्या ९४ व्या अखिल भारतीय मराठी साहित्य संमेलनासाठी विशेष खबरदारी घेतली जात असून, संमेलनाच्या उभारणीसाठी येणाऱ्या प्रत्येक कामगाराची...

Rajesh Tope: आरटीपीसीआरच्या तपासण्या वाढवा; आरोग्यमंत्री राजेश टोपे यांचे आदेश – rtpcr testing should be increased to prevent coronavirus says health minister rajesh tope

म. टा. विशेष प्रतिनिधी, औरंगाबादकरोना विषाणूचा प्रसार रोखण्यासाठी आरटीपीसीआर चाचण्या मोठ्या प्रमाणात वाढवाव्यात. यासाठी जिल्हा आरोग्य अधिकारी, जिल्हा शल्यचिकित्सकांनी लक्ष घालावे, असे आदेश...

खुनाचा प्रयत्नप्रकरणी पतीला शिक्षा

म. टा. प्रतिनिधी, चारचाकी घेण्यासाठी माहेरहून तीन लाख रुपये आणत नाही म्हणून विवाहितेचा छळ करून तिला जिवंत जाळण्याचा प्रयत्न केल्याच्या आरोपाखाली पती, सासू,...

Recent Comments