Home शहरं मुंबई विमानतळ टॅक्सींचे सुकाणू महिलांच्या हाती - womens to run taxi booth at...

विमानतळ टॅक्सींचे सुकाणू महिलांच्या हाती – womens to run taxi booth at chhatrapati shivaji maharaj international airport


म. टा. प्रतिनिधी

मुंबई : विमानतळावरील प्रवाशांची टॅक्सीचालकांकडून होणारी लूट थांबवण्यासाठी आता महिलांकडे नेतृत्व देण्याची तयारी परिवहन प्रशासनाने केली आहे. मुंबई आंतरराष्ट्रीय विमानतळावरील टॅक्सी बूथचे संचलन योग्य व सक्षम महिला संस्थेला देण्याचे निर्देश मुंबई महानगर क्षेत्र परिवहन प्राधिकरणाने विमानतळ प्राधिकरणाला दिले आहेत.

महिलांच्या प्री-पेड टॅक्सीसाठी दोन स्वतंत्र मार्गिका राखीव आहेत. देशी-विदेशी महिला पर्यटक किंवा एकट्याने प्रवास करणाऱ्या महिला प्रवाशांच्या सुरक्षेच्या दृष्टीने महिला चालकांची ही सुविधा आहे. अशा महिला टॅक्सीचालकांना मागणीही वाढत आहे. सध्या महिला टॅक्सी बूथचे संचलन अन्य संस्थांकडून होत असल्याने आमचा रोजगार बुडत असल्याचा आरोप या महिला चालकांनी केला होता. यावर उपाय म्हणून आता टॅक्सी बूथचे संचलन अनुभवी महिलांच्या हाती सोपवण्यात येईल, असे परिवहन विभागातील अधिकाऱ्यांनी सांगितले.

टॅक्सी चालक आणि प्रवासी यांच्यात प्रवासभाड्यांवरून निर्माण होणारे वाद टाळण्यासाठी प्री-पेड टॅक्सी सेवा सुरू करण्यात आली. प्री-पेड टॅक्सीमुळे प्रवाशांच्या आर्थिक लुटीच्या घटनांना आळा बसणार आहे. विमानतळावरील टॅक्सी बूथचे संचलन प्रियदर्शनी टॅक्सी या संस्थेकडे आहे. मात्र या संस्थेकडून महिला चालकांना योग्य सहकार्य मिळत नसल्याची माहिती समोर आली आहे. याविषयीच्या अनेक तक्रारीही करण्यात आल्या आहेत. यामुळे मुंबई आंतरराष्ट्रीय विमानतळाला पत्र पाठवून योग्य व सक्षम महिला संस्थेला प्री-पेड टॅक्सी बूथचे संचलन करण्याबाबतचे निर्देश प्राधिकरणाच्या बैठकीत देण्यात आले.

ही तक्रार…

विमानतळावरील टॅक्सी बूथचे संचलन प्रियदर्शनी टॅक्सी या संस्थेकडे आहे. मात्र संस्थेकडून महिला चालकांना सहकार्य मिळत नाही. यामुळे आपला रोजगार बुडत असल्याच्या तक्रारी.

हा उपाय…

महिला चालकांच्या तक्रारींनंतर योग्य व्यवस्थापनासाठी टॅक्सी बूथचे संचलन योग्य व सक्षम महिला संस्थेला देण्याचे निर्देश मुंबई महानगर क्षेत्र परिवहन प्राधिकरणाने दिले आहेत.



Source link

LEAVE A REPLY

Please enter your comment!
Please enter your name here

Most Popular

Pune Crime: अमोल कोल्हेंच्या नावाने बिल्डरकडे मागितले पैसे; पुढे काय घडले पाहा – money demanded from builder in the name of amol kolhe

पुणे:लॉकडाऊन काळात एका बिल्डरला खासदार अमोल कोल्हे बोलत असल्याची बतावणी करून फसविण्याचा प्रयत्न करणाऱ्याला खंडणी विरोधी पथकाने अटक केली आहे. त्याच्या विरोधात वानवडी...

Prakash Javadekar: जावडेकरांचा राहुल गांधींवर पलटवार; म्हणाले, ‘काँग्रेसने शेतकऱ्यांना जाणीवपूर्वक चिथावले’ – rahul gandhi wasn’t only supporting protest but also instigating says union min...

नवी दिल्ली: दिल्लीतील शेतकर्‍यांच्या हिंसाचाराचा ( tractor rally violence ) ठपका कॉंग्रेसने सरकार आणि पोलिसांवर ठेवला असतानाच कॉंग्रेसच्या नेत्यांनी केलेल्या ट्विटला भाजपने शेतकरी...

Recent Comments