Home मुंबई नवी मुंबई श्रमिकांना प्रवासाची मुभा अद्याप नाहीच

श्रमिकांना प्रवासाची मुभा अद्याप नाहीच


म. टा. प्रतिनिधी, मुंबई

लॉकडाउनच्या चौथ्या पर्वात प्रवासमुभेच्या प्रतीक्षेत असलेल्या लाखो श्रमिकांच्या पदरी पुन्हा निराशाच आली आहे. लॉकडाउनच्या चौथ्या पर्वाची घोषणा करताना राज्य सरकारने मुंबई-पुण्यातील श्रमिकांच्या वाहतुकीवरील निर्बंध ‘जैसे थे’ ठेवले आहेत. यामुळे पायी चालणाऱ्या श्रमिकांना भार डोईवर वाहणारी पत्नी, तहानलेले तान्हुले बाळ आणि भेगाळलेल्या तळपायांसह चालणारे ज्येष्ठ नागरिक यांच्या साथीनेच शेकडो किमीचा पल्ला गाठावा लागणार आहे.

हाताला काम नाही, जेवायला अन्न नाही, गावी जाण्यास साधन नाही. या परिस्थितीमुळे श्रमिकांसमोर न संपणारी आव्हाने आहेत. शहरात पिठा-मिठाची तजवीज होत नसल्याने लाखो श्रमिकांनी रोजगारासाठी गावी जाण्याचा मार्ग निवडला. राज्यांतर्गत प्रवासी वाहतुकीला मनाई करण्यात आल्याने अनेकजण चालतच निघाले. चौथ्या लॉकडाउनमध्ये निर्बंध शिथिल होऊन एसटी बस धावतील, या आशेने घरी असलेले श्रमिक रविवारी मोठ्या संख्येने रस्त्यावर आले. मात्र ‘सरकारकडून कोणत्याही सूचना आल्या नसल्याने तूर्तास एसटी वाहतूक करण्यात येणार नाही,’ असे एसटी अधिकाऱ्यांनी सांगितले. यामुळे त्रासलेल्या श्रमिकांनी चालत गावी जाण्यास सुरुवात केली. मालवाहू ट्रक-टेम्पो-जीपमधून श्रमिकांची बेकायदा वाहतूक सर्रास सुरू आहे. क्षमतेपेक्षा अधिक प्रवासी गाडीत बसवल्याने अपघातांच्या घटनाही घडत आहेत.

राज्यांतर्गत श्रमिकांची वाहतूक केल्यास त्यांच्या तिकिटांचा प्रश्न निर्माण होईल. श्रमिकांकडून तिकीट घेतल्यास वाद होण्याची शक्यता आहे. परप्रांतीय श्रमिकांच्या रेल्वे तिकिटांचा १५ टक्के भार राज्य सरकार उचलत आहेत. यामुळे राज्यातील श्रमिकांबाबत तूर्तास थांबा आणि पाहा असे धोरण असल्याचे एसटी अधिकारी सांगतात.

रेल्वे स्थानकांवर गर्दी

लॉकडाउन संपणार असल्यामुळे अनेक श्रमिकांनी रविवारी रेल्वे स्थानकांकडे धाव घेतली. लोकमान्य टिळक टर्मिनस, वांद्रे टर्मिनस, बोरिवली या स्थानकांवर श्रमिक एकत्र आले. राज्य सरकारने परवानगी दिलेल्या प्रवाशांनाच श्रमिक एक्स्प्रेसमधून सोडण्यात येईल, असे रेल्वे अधिकाऱ्यांनी सांगितले. यामुळे नाईलाजास्तव अनेकांनी स्थानकाच्या बाहेरूनच गावाकडे चालत जाण्याचा निर्धार केला.



Source link

LEAVE A REPLY

Please enter your comment!
Please enter your name here

Most Popular

dhananjay desai on aurangabad name change: Dhananjay Desai: ‘औरंगाबादचे नाव ‘संभाजीनगर’ करणे म्हणजे शुद्धीकरण!’ – changing aurangabad to sambhajinagar means purification says dhananjay desai

नगर: 'औरंगाबाद' या शहराचे नाव 'संभाजीनगर' करणे गरजेचे आहे. हे नामांतर नसेल तर एकप्रकारे शुद्धीकरण असेल,' असे स्पष्ट मत हिंदू राष्ट्र सेना प्रमुख...

man attempt to burn his wife in aurangabad: विवाहितेला जाळण्याचा प्रयत्न – aurangabad crime news, man attempt to burn his wife after she refuses...

म. टा. प्रतिनिधी, वाळूज महानगरवाळूज जवळील कमळापूर येथे एका विवाहितेला माहेरून कार घेण्यासाठी पाच लाख रुपयाची मागणी करत पतीने मारहाण करून रॉकेल टाकून...

natarajan: विराट कोहलीच्या एका निर्णयामुळे माझ्या डोळ्यात पाणी आलं होतं, टी. नटराजनने केला खुलासा… – had tears in my eyes when virat kohli handed...

नवी दिल्ली : भारताचा वेगवान गोलंदाज टी. नटराजन हा ऑस्ट्रेलियामध्ये फक्त नेट बॉलर म्हणून गेला होता. पण ऑस्ट्रेलियामध्ये क्रिकेटच्या तिन्ही प्रकारामध्ये नटराजनने आपले...

Recent Comments