Home ताज्या बातम्या सांगलीतील PHOTO व्हायरल, राष्ट्रवादीच्या नगरसेवकाच्या गाडीवरून पडळकरांचा फेरफटका, Gopichand Padalkar with NCP...

सांगलीतील PHOTO व्हायरल, राष्ट्रवादीच्या नगरसेवकाच्या गाडीवरून पडळकरांचा फेरफटका, Gopichand Padalkar with NCP corporator PHOTO viral in Sangli mhas | News


एकीकडे राष्ट्रवादीच्या कार्यकर्त्यांकडून गोपीचंद पडळकर यांच्यावर हल्लाबोल केला जात असतानाच सांगलीतील जतमध्ये मात्र एक वेगळंच चित्र पाहायला मिळालं.

सांगली, 26 जून : राष्ट्रवादी काँग्रेसचे अध्यक्ष शरद पवार यांच्यावर टीका करताना भाजप आमदार गोपीचंद पडळकर यांची जीभ घसरली. त्यानंतर राज्यभरात राष्ट्रवादीच्या कार्यकर्त्यांनी पडळकरांचा निषेध करत जोरदार निदर्शने केली. एकीकडे राष्ट्रवादीच्या कार्यकर्त्यांकडून गोपीचंद पडळकर यांच्यावर हल्लाबोल केला जात असतानाच सांगलीतील जतमध्ये मात्र एक वेगळंच चित्र पाहायला मिळालं.

जतमध्ये राष्ट्रवादीच्या नगरसेवकानेच चक्क गोपीचंद पडळकरांसोबत दुचाकीवर फेरफटका मारल्याचं पाहायला मिळालं. गोपीचंद पडळकर आणि राष्ट्रवादीच्या कार्यकर्त्यांमध्ये मोठा तणाव निर्माण झाला असतानाच जतमध्ये मात्र राष्ट्रवादीचा नगरसेवक पडळकर यांच्यासोबत दिसल्याने आश्चर्य व्यक्त करण्यात येत आहे. तसंच या फोटो सोशल मीडियावर मोठ्या प्रमाणात व्हायरल करण्यात येत आहे.

राष्ट्रवादी आणि पडळकर संघर्ष

शरद पवार यांच्यावर गोपीचंद पडळकर यांनी पातळी सोडून टीका केली. याचा व्हायचा तोच परिणाम झाला. राज्यभरातून राष्ट्रवादीच्या कार्यकर्त्यांनी गोपीचंद पडळकर यांचे पुतळे जाळत आंदोलन केलं. तसंच पडळकर यांना राज्यभरात फिरकू देणार नाही, अशी भूमिका घेतली.

पडळकरांच्या टीकेवर काय म्हणाले शरद पवार?

गोपीचंद पडळकर यांच्या विखारी टीकेला शरद पवार नेमकी काय प्रतिक्रिया देतात, याकडे महाराष्ट्राचं लक्ष लागलं होतं. पुण्यात खासदार शरद पवार, उपमुख्यमंत्री अजित पवार, गृहमंत्री अनिल देशमुख, सार्वजनिक आरोग्य मंत्री राजेश टोपे यांच्या उपस्थितीत कोरोना आढावा बैठक घेण्यात आली. ही बैठक संपल्यानंतर माध्यमांकडून शरद पवार यांना गोपीचंद पडळकर यांच्या टीकेविषयी विचारण्यात आलं. त्यावर शरद पवार यांनी पडळकरांना थेट उत्तर देण्याचं टाळलं. ‘मला बोलायचं आहे…पण आता नाही…लवकरच सविस्तर बोलेन,’ असं म्हणत शरद पवार यांनी गोपीचंद पडळकर यांच्यावर लगेचच प्रतिहल्ला करण्याचं टाळलं.

First Published: Jun 26, 2020 11:15 PM IST





Source link

LEAVE A REPLY

Please enter your comment!
Please enter your name here

Most Popular

poco new mobile: स्वस्त किंमतीत ‘पॉवरफुल’ बॅटरीचा पोकोचा नवा स्मार्टफोन Poco M3 लाँच – new poco m3 launched in indonesia, see price variants specifications

नवी दिल्लीः प्रसिद्ध स्मार्टफोन ब्रँड पोकोने बजेट सेगमेंट स्मार्टफोनचा विस्तार करताना नवीन स्मार्टफोन Poco M3 लाँच केला आहे. यात जास्त पॉवरफुल प्रोसेसर, जास्त...

blast in shimoga: कर्नाटकातील शिमोगा डायनामाईट स्फोटावर पंतप्रधानांचं ट्विट – pm narendra modi tweet on karnataka loud dynamite blast in shimoga

बंगळुरू : कर्नाटकाच्या शिमोगा जिल्ह्यात गुरुवारी रात्री झालेल्या स्फोटानं अनेकांना धडकी भरली. डायनामाईटच्या या स्फोटात आठ जणांचा मृत्यू झाला आहे. एका दगडखाणीत हा...

Renu Sharma Backtracks: Dhananjay Munde: मोठी बातमी! धनंजय मुंडे यांच्याविरोधातील बलात्काराची तक्रार मागे – woman who accused maharashtra minister dhananjay munde of rape withdrawn...

राज्याचे सामाजिक न्यायमंत्री धनंजय मुंडे यांना मोठा दिलासा मिळाला आहे. रेणू शर्मा या महिलेनं मुंडे यांच्याविरोधात केलेली बलात्काराची तक्रार मागे घेतली आहे. 'टाइम्स...

Recent Comments