Home शहरं नाशिक ‘स्वॅब’दरांत झोलजीवाला नाही मोल!

‘स्वॅब’दरांत झोलजीवाला नाही मोल!



परदेशातून आलेल्या विद्यार्थ्यांची पिळवणूक

..

म. टा. विशेष प्रतिनिधी, नाशिक

परदेशातून घरवापसी केलेल्या व नाशिकमध्ये महापालिकेच्या वैद्यकीय विभागाच्या देखरेखखाली क्वारंटाइन असलेल्या विद्यार्थी आणि नागरिकांची खासगी लॅबचालकांकडून वैद्यकीय विभागाच्या मूकसंमतीने पिळवणूक केली जात असल्याचे धक्कादायक वास्तव समोर आले आहे. क्वारंटाइनचा १४ दिवसांचा काला‌वधी संपल्यानंतर कोणतेही लक्षणे नसलेल्या या विद्यार्थ्यांची खासगी लॅबकडून जबरदस्तीने करोना टेस्ट करण्यात आली असून, या टेस्टवरून दोन खासगी लॅबमध्येही संघर्ष झाल्याचे समोर आले आहे. करोना संकटातही वैद्यकीय विभागातील काही डॉक्टर हे लॅबना हाताशी धरून नागरिकांची पिळवणूक करीत आहेत. दरम्यान, आयुक्त राधाकृष्ण गमे यांनी या प्रकाराची गंभीर दखल घेत चौकशीचे आदेश दिले आहेत.

लॉकडाउन शिथिल केल्यानंतर केंद्र सरकारने परदेशात अडकलेल्या विद्यार्थी आणि नागरिकांना भारतात येण्यास अटी ‌व शर्तींवर परवानगी दिली. या सर्वांना परदेशातून आपल्या घरी जाण्यापूर्वी १४ दिवस क्वारंटाइन राहण्याचे सक्तीचे केले आहे. त्यानुसार नाशिक शहरातदेखील २५ विद्यार्थी आणि नागरिक परतले असून, त्यांना पाथर्डी फाटा येथील दोन पंचतारांकित हॉटेलमध्ये ठेवले आहे. या विद्यार्थी व नागरिकांना १४ दिवस क्वारंटाइन राहण्याचे तसेच लक्षणे आढळल्यास टेस्ट करावी लागेल, अशा सूचना महापालिकेच्या वैद्यकीय विभागाकडून करण्यात आल्या होत्या. यासाठी एका नोडल वैद्यकीय अधिकाऱ्याची येथे नियुक्ती केली आहे. यातील बहुतांश विद्यार्थ्यांचा क्वारंटाइनचा अवधी संपला असून, त्यांनी घरी सोडण्याची विनंती केली आहे. परंतु, वैद्यकीय विभागाने नवीन फर्मान काढत, त्यांना करोनाची टेस्ट करावी लागेल, अशी सक्ती केली आहे. केंद्र सरकारच्या नवीन निर्देशानुसार ही टेस्ट सक्तीची असल्याचे सांगण्यात आले आहे. परंतु, या टेस्टची बिले कोणी अदा करावी, यावरून वाद सुरू झाले आहेत. वैद्यकीय विभागाने महापालिकेशी करार केलेल्या एका लॅबद्वारे टेस्ट करण्याच्या सूचना या विद्यार्थ्यांना केल्या. त्यासाठी साडेतीन हजार रुपये लागतील, असे सांगण्यात आले. घरी सुटका होईल या हेतून काही विद्यार्थ्यांनी तयारी दर्शवली. परंतु, लॅब टेस्टसाठी शनिवारी दुसऱ्याच खासगी लॅबचे कर्मचारी दाखल झाले. त्यांनी टेस्टचा खर्च साडेचार हजार रुपये सांगितला. त्यामुळे विद्यार्थ्यांनी महापालिकेच्या नोडल अधिकाऱ्यालाच धारेवर धरले. हॉटेलचे बिल वाढले असताना, कोणतीही लक्षणे नसताना एवढा खर्च का करायचा यावरून नोडल अधिकारी आणि विद्यार्थी व लॅब कर्मचाऱ्यांमध्ये वाद निर्माण झाले. या वादामुळे अनेकांचे पालक या ठिकाणी दाखल झाल्याने वाद वाढला. विद्यार्थी, अधिकारी आणि लॅबमधील वाद हा अखेर वैद्यकीय अधीक्षकांपर्यंत पोहचला असून, त्याची गंभीर दखल घेण्यात आली आहे.

दोन लॅबमध्येच संघर्ष

महापालिकेने दोन हजार रुपयांत टेस्ट करण्यासंदर्भात एका लॅबशी करार केला आहे. या लॅबने या ठिकाणी येऊन धक्कादायक कृती केली. स्वॅब विद्यार्थ्यांनीच घेऊन आमच्याकडे आणून द्यावे, असे फर्मान काढले. त्यामुळे विद्यार्थीही वैतागले. त्यानंतर दुसऱ्या लॅबच्या कर्मचाऱ्यांनी येथे येऊन स्वॅबसाठी प्रयत्न सुरू केले. पालिकेशी करार केलेल्या लॅबने दोन हजाराऐवजी साडेतीन हजार रुपये दर मागितला, तर आणखी एका लॅबने थेट साडेचार हजार रुपये मोजायला लावले. आपल्या आईवडिलांच्या ओढीने कासावीस झालेल्या या विद्यार्थ्यांनीही सुटका होण्यासाठी पडेल ती किंमतही मोजण्याची तयारी दर्शवली. परंतु, नेमका याचाच फायदा घेण्याचा प्रयत्न वैद्यकीय विभागातील काही अधिकाऱ्यांनी केल्याचा आरोप आता केला जात आहे.

हॉटेल, महापालिकेची मिलीजुली?

केंद्र आणि राज्याच्या दिशानिर्देशानुसार परदेशातून आल्यानंतर १४ दिवस क्वारंटाइन सक्तीचे केले आहे. परंतु, या ठिकाणी अनेकांना तीन आठवड्यांपेक्षा जास्त कालावधी झाला आहे. विशेष म्हणजे यातील एकालाही कोणतीही लक्षणे नसताना, त्यांची येथून सुटका होत नाही. दुसरीकडे हॉटेलचे बिल मात्र दिवसेंदिवस वाढतच चालले आहे. त्यामुळे हॉटेलचालक आणि महापालिकेच्या अधिकाऱ्याची मिलीजुली तर नाही ना असा आरोप करीत आणखी किती दिवस थांबायचे असा सवाल हे विद्यार्थी आता करीत आहेत.

वैद्यकीय विभागाने पहिल्या दिवसापासून गोंधळ घातला आहे. लक्षणे नसल्यास टेस्ट होणार नाही असे सांगितले. आता पुन्हा टेस्टची सक्ती केली आहे. साडेचार हजार रुपये टेस्टसाठी घेतले तरी अहवाल २६ तारखेनंतर येतील असे सांगत आहेत. हॉटेलचा खर्चही वाढत आहे. त्यामुळे या पिळवणुकीतून आमची लवकर सुटका व्हावी.

– सार्थक बूब, विद्यार्थी

परदेशातून परतल्यानंतर हॉटेलमधील निवासाचा खर्च आम्हीच करू, असे या सर्वांनी लिहून दिले आहे. त्यानुसारच कार्यवाही सुरू आहे. परंतु, टेस्टच्या बिलाबाबत तक्रारी प्राप्त झाल्यानंतर वैद्यकीय अधीक्षकांना चौकशी करण्याचे आदेश दिले आहेत. आम्ही या प्रकाराची गंभीर दखल घेतली आहे.

– राधाकृष्ण गमे, आयुक्त



Source link

LEAVE A REPLY

Please enter your comment!
Please enter your name here

Most Popular

sharad pawar on madhukar pichad: Sharad Pawar: गेल्या निवडणुकीत काहींच्या अंगात आलं होतं!; पवारांनी ‘या’ नेत्याची काढली पिसं – the behavior of some of...

नगर: ‘मागील विधानसभा निवडणुकीच्यावेळी काही नेत्यांच्या अंगात आले होते. त्यामुळे ते चमत्कारिक वागले. ज्यांना पक्षाने भरभरून दिले, त्यांनीच ऐनवेळी साथ सोडली. मात्र, शेवटी...

Ajinkya raahne: IND vs AUS : विराट कोहलीला कर्णधारपद दिल्यानंतर अजिंक्यने पहिल्यांदाच व्यक्त केली प्रतिक्रीया, म्हणाला… – ind vs aus : ajinkya rahane given...

नवी दिल्ली, IND vs AUS : अजिंक्यने भारताला ऑस्ट्रेलियामध्ये ऐतिहासिक विजेतेपद मिळवून दिले. पण त्यानंतर इंग्लंडविरुद्धच्या मालिकेसाठी अजिंक्यकडून भारतीय संघाचे कर्णधारपद काढून घेण्यात...

Recent Comments