Home शहरं नागपूर हुंड्यासाठी छळ; विवाहितेची आत्महत्या

हुंड्यासाठी छळ; विवाहितेची आत्महत्या



नागपूर : हुंड्यासाठी छळ होत असल्याने विवाहितेने आत्महत्या केली. या प्रकरणी गिट्टीखदान पोलिसांनी तिच्या पतीसह चौघांविरुद्ध आत्महत्येस प्रवृत्त केल्याचा गुन्हा दाखल केला आहे. रोशन रामेश्वर गायकवाड, मंगला गायकवाड, रामेश्वर गायकवाड व आकाश रामेश्वर गायकवाड, अशी गुन्हा दाखल करण्यात आलेल्यांची, तर स्वाती रोशन गायकवाड (वय २०), असे मृताचे नाव आहे.

लग्नानंतर चौघेही स्वातीचा हुंड्यासाठी छळ करीत होते. त्यांच्या छळाला कंटाळून ३० एप्रिलला स्वातीने गळफास लावून आत्महत्या केली. याप्रकरणी गिट्टीखदान पोलिसांनी आकस्मिक मृत्यूची नोंद करून तपास सुरू केला. तपासादरम्यान हुंड्यासाठी छळ करीत असल्याचे समोर आले. त्यानंतर पोलिसांनी चौघांविरुद्ध गुन्हा दाखल केला.

…..

युवकाची आत्महत्या

नागपूर : कुंभारटोळी येथील आकाश किशोर कुंभरे (वय २४) याने ओढणीने गळफास घेऊन आत्महत्या केली. सोमवारी रात्री १२ वाजताच्या सुमारास उघडकीस आली. त्याच्या आत्महत्येचे कारण कळू शकले नाही. धंतोली पोलिसांनी आकस्मिक मृत्यूची नोंद करून तपास सुरू केला आहे.

…..

मोपेड घेऊन पसार

नागपूर : मित्राची मोपेड घेऊन मित्राने पलायन केल्याची घटना प्रतापनगर भागात उघडकीस आली. योगेश्वर सुरेशराव ठाकरे (वय १९) याने दिलेल्या तक्रारीवरून पोलिसांनी प्रणय संजय ठाकरे रा. सोमलवाडा याच्याविरुद्ध विश्वासघाताचा गुन्हा दाखल केला आहे.

……

दुचाकीस्वाराचा मृत्यू

नागपूर : मोटरसायकल स्लीप होऊन जखमी झालेल्या चालकाचा मृत्यू झाला. अंकुज रामप्रसाद जयस्वाल (वय ३८, रा. विजयनगर, वानाडोंगरी), असे मृतकाचे नाव आहे. अंकुज हे भाजीपाला घेण्यासाठी मोटरसायकलने जात होते. लक्ष्मीनगर चौकात मोटरसायकल स्लीप झाली. ते जखमी झाले. अंकुज यांना खासगी हॉस्पिटलमध्ये दाखल करण्यात आले. डॉक्टरांनी तपासून त्यांना मृत घोषित केले. याप्रकरणी बजाजनगर पोलिसांनी आकस्मिक मृत्यूची नोंद करून तपास सुरू केला आहे.

……

चाकूहल्ला करून

चौघांनी लुटले

नागपूर : घरात घुसून चाकूने वार करून लुटपाट करण्यात आली. ही घटना सोमवारी सायंकाळी न्यू नरसाळा मार्गावरील इंद्रनगर येथे घडली. हरिभाऊ नानाजी नानोटकर (वय ५३ ) यांनी दिलेल्या तक्रारीवरून हुडकेश्वर पोलिसांनी कुणाल पांडुरंग उज्जैनकर, मनीष जळगावकर, मनोज फरांडे व कार्तिक या चौघांविरूद्ध जबरी चोरीचा गुन्हा दाखल केला आहे.

हरिभाऊ व त्यांचा मुलगा अमर व त्याचा मित्र संदीप म्हस्के हे घरात बोलत होते. कुणाल व त्याचे साथीदार घरात घुसले. एकाने संदीप म्हस्के याच्यावर चाकूने वार केले. हरिभाऊ यांना १५ हजार रुपयांची मागणी केली. त्यांनी पैसे देण्यास नकार दिला. कुणालने हरिभाऊ यांच्या खिशातील पाच हजारांची रोख हिसकावली व चौघेही पसार झालेत. याप्रकरणी पोलिसांनी गुन्हा दाखल करून कुणाल याला अटक केली आहे.

….

चौघांची साडेसात लाखांनी फसवणूक

नागपूर : बजाज फायनान्स कंपनीतून बोलत असल्याचे सांगून एकाच कुटुंबातील चौघांची साडेसात लाख रुपयांनी फसवणूक करण्यात आली. याप्रकरणी अंबाझरी पोलिसांनी सुमितकुमार अग्रवाल याच्याविरुद्ध फसवणुकीचा गुन्हा दाखल केला आहे. अमेय प्रशांत देवगुप्ता (वय २२,रा. वर्मा ले-आऊट ) याने दिलेल्या तक्रारीवरून हा गुन्हा दाखल करण्यात आला. सप्टेंबर २०१९मध्ये अमेय याच्या मोबाइलवर सुमितकुमारने संपर्क साधला. बजाज फायनान्स कंपनीतून बोलत असल्याचे सांगून लॅपटॉपचा हप्ता थकित असल्याचे सांगितले. त्यानंतर सुमितकुमारने अमेय, त्याचे वडील प्रशांत, आई श्रीवल्ली व भाऊ साई यांच्या एमटीएमची माहिती घेऊन त्यांच्या खात्यातून सात लाख ४४ हजार रुपये स्वत:च्या खात्यात वळते केले.

……

प्लॉट हडपला; फसवणुकीचा गुन्हा

नागपूर : बनावट दस्तऐवजाद्वारे झिंगाबाई टाकळीतील रोहिणी को-ऑपरेटिव्ह हाऊसिंग सोसायटीमधील प्लॉट हडपल्याप्रकरणी मानकापूर पोलिसांनी फसवणुकीचा गुन्हा दाखल केला आहे. दशरथ ओसूलाल यादव (वय ६६ रा.एसआरपीएफ क्वॉर्टर) यांनी दिलेल्या तक्रारीवरून पोलिसांनी हा गुन्हा दाखल केला. नदीम कमरू शेख (रा.दत्तनगर), विपीन ताराचंद वरणे (रा. फ्रेण्ड्स कॉलनी), नफिस उर रेहमान (रा. अवस्थीनगर), सुनील देवराव वानखेडे व पम्मू (रा. जाफरनगर),अशी फसवणूक करण्यात आलेल्यांची नावे आहेत.

……..



Source link

LEAVE A REPLY

Please enter your comment!
Please enter your name here

Most Popular

vaccine production site: Coronavaccine: …तोपर्यंत लसीविषयीचे दावे विश्वासार्ह मानता येणार नाहीत! – now essential to maintain cold chain from the vaccine production site to...

म. टा. विशेष प्रतिनिधी, मुंबई करोनास प्रतिबंध करणाऱ्या लसीच्या उपयुक्तता आणि क्षमतेविषयी सातत्याने दावे केले जात आहेत. मात्र तिसऱ्या टप्प्यातील चाचण्या यशस्वी झाल्याखेरीज...

Recent Comments