मुंबई:
२००८मध्ये मुंबईवर झालेल्या हल्ल्याचा मास्टरमाइंड, दहशतवादी तहव्वूर हुसैन राणा याला अमेरिकेच्या लॉस एंजिल्समध्ये अटक करण्यात आली आहे. राणाचं भारतात प्रत्यार्पण होण्याची अधिक शक्यता असल्याचं सूत्रांनी सांगितलं.मुंबईवरील हल्ल्याचा कट रचल्याप्रकरणी त्याला २००९मध्ये अटक करण्यात आली होती. लश्कर-ए-तोयबाच्या १० अतिरेक्यांनी मुंबईवर केलेल्या हल्ल्यात अमेरिकन नागरिकांसहीत १६६ लोक ठार झाले होते. या हल्ल्यावेळी पोलिसांनी ९ अतिरेक्यांना ठार केलं होतं. तर अजमल कसाबला जिवंत पकडण्यात आलं होतं. त्यानंतर न्यायालयीन कार्यवाहीनंतर त्याला फाशी देण्यात आली होती. तर राणाला २०१३मध्ये १४ वर्षांची शिक्षा सुनावण्यात आली होती.
दरम्यान, राणाच्या प्रत्यार्पणासाठी लागणाऱ्या कागदपत्रांची जुळवाजुळव करणं ही जटील प्रक्रिया तपास यंत्रणेसमोरचं मोठं आव्हान असेल असं सांगण्यात येतं. भारताच्या परराष्ट्र मंत्रालय, गृह मंत्रालय, विधी व न्याय मंत्रालय, अमेरिकेचं परराष्ट्र मंत्रालय आणि न्याय मंत्रालय या प्रत्येकाची प्रत्यार्पणाबाबतची स्वत:ची एक प्रक्रिया आहे. त्यामुळे या प्रक्रियेत बराच काळ जात असल्याचं सूत्रांनी सांगितलं.
…मग २० सैनिकांच्या बलिदानाची जबाबदारी कोणाची; आव्हाडांचा सवाल
दरम्यान, मुंबईवरील हल्ल्यापूर्वी नोव्हेंबर महिन्यातच डेव्हिड हेडलीचा साथीदार तहव्वूर राणा याने कोची शहराला भेट दिली होती. या वेळी त्याच्यासोबत एक महिलाही होती. तिचे नाव समराझ हुसेन असल्याची माहिती पोलिसांना मिळाली होती. राणा कोचीमध्ये इमिग्रेशन कन्सल्टंट म्हणून आला होता. १६ नोव्हेंबरला त्याने इथल्या एका हॉटेलमध्ये वास्तव्य केले होते, अशी माहिती केरळचे पोलीस महासंचालक जेकब पुनोसे यांनी दिली होती. त्यानंतर दुसऱ्या दिवशी तो मुंबईला परतला होता, असेही त्यांनी सांगितलं होतं. तहव्वूर राणा याने आपण कॅनडातील इमिग्रेशन कन्सल्टंट असून नोकरीसाठी इच्छुक असणाऱ्या तरुणांना अमेरिका आणि कॅनडाचे विसा देण्यासाठी कोची येथे येणार असल्याची जाहिरात स्थानिक वर्तमानपत्रांत दिली होती. त्यानंतर पोलिसांनी त्या दिशेनेही तपास सुरू केला होता.
राज्यसभा निवडणुकीचा अपेक्षित निकाल, गुजरात-मणिपूर निकाल लांबणीवर
