Home शहरं अहमदनगर ahmednagar city: ...तर नगर शहरात पुन्हा 'लॉकडाउन' - then 'lockdown' in the...

ahmednagar city: …तर नगर शहरात पुन्हा ‘लॉकडाउन’ – then ‘lockdown’ in the ahmednagar city again


म.टा.प्रतिनिधी, नगर

अनलॉकचा टप्पा सुरू झाल्यापासून नगरमध्ये गर्दी वाढू लागली आहे. नगरमध्ये मुंबई, पुणे, नाशिक, औरंगाबाद, अशा रेड झोनमधून येणाऱ्यांची संख्याही वाढत आहे. त्यातच आता नगर शहरातील रुग्णसंख्या वाढू लागल्यामुळे महापालिका प्रशासन चिंतेत आहे. करोनाबाधित रुग्ण आढळलेला भाग सील केल्यानंतरही रुग्णवाढीचा वेग कमी झाला नाही, तर वेळप्रसंगी नगर शहर काही दिवस बंद ठेवण्याबाबतचा विचारही समोर आला आहे. महापालिका प्रशासनाने याला दुजोरा दिला आहे.

जिल्ह्यात एकाच दिवशी २४ करोनाबाधित आढळले आहेत. यापैकी तब्बल १८ बाधित हे नगर शहरातील असल्यामुळे नगरकरांच्या चिंतेत भर पडली आहे. शहरातील तोफखाना व सिद्धार्थनगर याभागातील रुग्णसंख्या वाढल्यामुळे हा भाग हॉटस्पॉट म्हणून जाहीर करण्याची प्रक्रिया सुरू करण्यात आली आहे. तसेच हा भाग सील करण्याचे कामही हाती घेण्यात आले आहे. महापालिका आयुक्त श्रीकांत मायकलवार यांनी ही माहिती दिली.

नगर जिल्ह्यामध्ये असणाऱ्या करोना बाधित रुग्णांचा या आजारातून बरा होण्याचा वेग वाढला होता. त्यामुळे हॉस्पिटलमध्ये उपचार घेणाऱ्या रुग्णांची संख्या ५० च्या आतमध्ये आली होती. त्यामुळे लवकरच जिल्ह्यात करोना परिस्थिती नियंत्रणात येईल, असे वाटत होते. मात्र बुधवारचा दिवस नगरकरांसाठी चिंतेत भर टाकणारा ठरला आहे. बुधवारी जिल्ह्यात तब्बल २४ करोना बाधित आढळले आहेत. यामध्ये तब्बल १८ रुग्ण हे नगर शहरातील आहेत. तर, उर्वरीत ६ बाधितांमध्ये संगमनेर तालुक्यातील चार, श्रीरामपूर व जामखेड तालुक्यातील प्रत्येक एकाचा समावेश आहे. नगर शहरात बुधवारी आढळलेल्या बाधितांमध्ये तोफखाना परिसरातील ७, सिद्धार्थ नगर भागातील ४ , नालेगाव भागातील १, बालिकाश्रम रोड वरील १, लेंडकर मळा १, रासने नगर २ व दिल्लीगेट भागातील २ जणांचा समावेश आहे. नगर शहरामध्ये एकाच दिवशी एवढ्या मोठ्या प्रमाणात रुग्ण आढळण्याची ही पहिलीच वेळ आहे. त्यामुळे महापालिका यंत्रणा अधिक सतर्क झाली आहे.

तोफखाना व सिद्धार्थनगर याभागात सर्वात जास्त रुग्ण आढळले असल्यामुळे या भागावर महापालिका प्रशासनाने विशेष लक्ष केंद्रीत केले आहे. याभागात करोनाचा प्रादुर्भाव वाढू नये, यासाठी विविध प्रतिबंधात्मक उपाययोजना राबवण्यात येत आहे. या भागातून कोणताही नागरिक शहराच्या इतर भागात प्रवेश करणार नाही, याची विशेष खबरदारी घेतली जात आहे.

Bआतापर्यंत २५४ जण झाले करोनामुक्तB

नगर जिल्ह्यामध्ये मार्च महिन्याच्या दुसऱ्या आठवड्यात पहिला करोना बाधित सापडला होता. बुधवार (२४ जून) पर्यंत जिल्ह्यातील करोनाबाधितांची संख्या ३२८ झाली आहे. आतापर्यंत जिल्ह्यात आढळलेल्या रुग्णांपैकी २५४ जण करोनामुक्त झाले आहे. सध्या हॉस्पिटलमध्ये ६२ रुग्ण उपचार घेत आहेत.

Bअशी आहे नगर जिल्ह्यातील स्थितीB

आतापर्यंत आढलेले एकूण रुग्ण ३२८

बरे झालेल्यांची संख्या २५४

सध्या रुग्णालयात उपचार सुरू ६२

जिल्ह्यात झालेले मृत्यू १२



Source link

LEAVE A REPLY

Please enter your comment!
Please enter your name here

Most Popular

nashik corona update: Coronavirus : नाशिक जिल्ह्यात ३२४ नवे रुग्ण; तिघांचा मृत्यू – nashik reported 324 new corona cases and 3 deaths in yesterday

म. टा. खास प्रतिनिधी, नाशिकजिल्ह्यात करोना संशयितांची संख्याही वाढत असून, तब्बल १,२४८ अहवाल प्रलंबित म्हणजेच रांगेत आहेत. शुक्रवारी ३२४ जणांचे अहवाल पॉझिटिव्ह आले...

coronavirus in aurangabad: जेवणास विलंबामुळे करोनाबाधित रस्त्यावर – corona patients came to road due to they not getting lunch in aurangabad

म. टा. प्रतिनिधी, औरंगाबादकोविड केअर सेंटरमध्ये दाखल झालेल्या रुग्णांना महापालिकेतर्फे चहा-नाष्टा व जेवण दिले जाते. किलेअर्क येथील कोविड केअर सेंटरमध्ये शुक्रवारी दुपारचे जेवण...

Recent Comments