Home शहरं अहमदनगर ahmednagar news News : ‘कोव्हिड बस’साठी सारोळ्याच्या युवकाचे योगदान - sarola village...

ahmednagar news News : ‘कोव्हिड बस’साठी सारोळ्याच्या युवकाचे योगदान – sarola village youth contribution in making of covid bus


म. टा. वृत्तसेवा नगर

करोना रुग्णांच्या तपासणीसाठी बनविलेल्या मोबाइल ‘कोव्हिड १९ टेस्टिंग बस’च्या निर्मितीत नगर तालुक्यातील सारोळा कासार गावचे सुपुत्र अभिजित अशोकराव कडूस पाटील यांचे मोलाचे योगदान आहे.

करोना संशयितांच्या तपासणीसाठी राज्यातील ही पहिली बस महाराष्ट्रदिनापासून (१ मे) मुंबईत कार्यरत झाली आहे. बसच्या निर्मितीत नगरच्या युवकाने मोठे योगदान दिले आहे. पुण्यातील कृष्णा डायग्नोस्टिक लॅब आणि आयआयटीच्या माजी विद्यार्थ्यांनी संयुक्तपणे ‘कोव्हिड-१९ टेस्टिंग बस’ तयार केली आहे. आर्या ट्रान्सपोर्टने यासाठी बस उपलब्ध करून दिली आहे. सारोळा कासार गावचे सुपुत्र अभिजित कडूस पाटील यांचा पुण्यातील हडपसर येथे इमेज क्रिएशन या नावाने प्रिंटींग व्यवसाय आहे. त्यांनी या बसचे संपूर्ण ग्राफिक डिझाइन, प्रिंटींग आणि व्हीनाईल रॅपिंग केले आहे. करोनाच्या पहिल्या मोबाइल बसच्या निर्मितीत योगदान देता आल्याचे मोठे समाधान असल्याचे त्यांनी सांगितले.

मुंबईतील करोना रुग्णांचा वाढता आकडा पाहता मुंबईला पहिली मोबाइल कोव्हिड-१९ टेस्टिंग बस देण्यात आली आहे. या बसच्या माध्यमातून मुंबईत अधिकाधिक लोकांची चाचणी करणे शक्य होणार आहे. वरळी इथल्या नॅशनल स्पोर्ट्स क्लबमध्ये व्हिडिओ कॉन्फरन्सिंगद्वारे आरोग्यमंत्री राजेश टोपे, पर्यावरण मंत्री आदित्य ठाकरे, बृहमुंबई महापालिकेचे आयुक्त प्रवीण परदेशी यांनी महाराष्ट्रदिनी (१ मे) या बसचे उद्घाटन केले.

विविध सुविधांनी सज्ज

कोव्हिड-१९ टेस्टिंग बसमध्ये करोना रुग्णांच्या तपासणीसाठी प्रयोगशाळेत आवश्यक असलेल्या एक्स-रे सुविधादेखील उपलब्ध करून देण्यात आल्या आहेत. एका लहान चेंबरमध्ये करोना तपासणीसाठीची छोटीशी लॅब तयार केली आहे. कोव्हिड-१९ टेस्टिंग बस आरटी-पीसीआर स्वॅब कलेक्शन सुविधांसह सुसज्ज आहे. या बसमुळे झोपडपट्टी क्षेत्रातील रुग्णांची करोना चाचणी करणे शक्य होणार आहे. यासह, स्क्रीनिंग दरम्यान उच्च धोका असलेल्या संशयितांना अलग ठेवणे देखील सोपे होईल. क्लाऊड ट्रान्सफॉर्मच्या मदतीने रेडिओलॉजी विभागाचे तज्ञ आणि डॉक्टर आता करोना विषाणूचे रुग्ण सहज शोधू शकतील, अशी माहिती अभिजीत कडूस पाटील यांनी दिली.



Source link

LEAVE A REPLY

Please enter your comment!
Please enter your name here

Most Popular

Recent Comments