Home शहरं अहमदनगर ahmednagar news News: संगमनेरच्या युटेक कारखान्याला आग - fire at sangamner's utech...

ahmednagar news News: संगमनेरच्या युटेक कारखान्याला आग – fire at sangamner’s utech factory


९२ हजार क्विंटल साखरेसह ३५ कोटींचा मुद्देमाल खाक

म. टा. प्रतिनिधी, नगर

संगमनेर तालुक्यातील कौठे मलकापूर येथील युटेक साखर कारखान्यास शॉर्ट सर्किटमुळे आग लागली. आगीत ९२ हजार ५०७ क्विंटल साखरेसह सुमारे ३५ कोटींचा मुद्देमाल खाक झाल्याचे सागण्यात आले. शनिवारी पहाटे ही घटना घडली.

आगीने काही वेळातच रौद्ररुप धारण केले. घटनास्थळी पोहोचलेल्या संगमनेर, प्रवरानगर आणि देवळाली येथील अग्निशमक बंबानी ही आग आटोक्यात आणली. या आगीत ९२ हजार ५०७ क्विंटल साखरेसह सुमारे तीन कोटी रुपयांचे स्पेअर पार्ट, गोडावूनचे ६५ लाख व इलेक्ट्रीक विभागाचे दहा लाखांचे नुकसान झाल्याचा प्राथमिक अंदाज आहे. साकूर (ता. संगमनेर) जवळ कौठे मलकापूर येथे युटेक शुगर लिमिटेड नावाने खासगी साखर कारखाना आहे. यापूर्वी कारखान्याच्या ट्रायल हंगामामध्ये वादळामुळे कोट्यवधी रुपयांचे नुकसान झाले होते. त्यापाठोपाठ आता लागलेल्या आगीमुळे कारखान्याला मोठ्या आर्थिकहानीचा सामना करावा लागला आहे. शनिवारच्या आगीत कारखान्याच्या गोडावूनमधील अंदाजे तीस कोटी रुपये किंमतीची ९२ हजार ५०७ क्विंटल साखर खाक झाली. शनिवारी (२५ एप्रिल)पहाटे तीन वाजता आग लागल्याचे सुरक्षा कर्मचाऱ्याच्या लक्षात आल्याने त्याने तातडीने फायर सिस्टीम सुरू करण्याचा प्रयत्न केला. मात्र, तोपर्यत तेथे असलेल्या ऑईल, ल्युब्रिकेटने पेट घेतल्याने आगीने कारखान्यात प्रवेश करीत अवघ्या काही मिनिटांमध्ये रौद्ररुप धारण केले. त्यामुळे कारखान्याची फायर सिस्टीम कुचकामी ठरली. त्यानंतर सुरक्षा कर्मचाऱ्यांनी अन्य कर्मचाऱ्यांना बोलावत घटनेची माहिती दिल्यानंतर तातडीने संगमनेर साखर कारखाना, प्रवरा साखर कारखाना, गणेश कारखाना, देवळाली नगरपरिषदेच्या अग्निशमन बंबाना बोलाविण्यात आले. तोपर्यंत तासाभराच्या अवधीतच आगीने कारखाना वेढला होता. सर्वत्र आगीच्या ज्वाळा दिसत होत्या. गोदामातील ऑईल, ग्रीस, ल्युब्रीकंट, मोटार वाहनाशी निगडीत साहित्याने देखील पेट घेतला होता. अखेर अग्निशमन बंब घटनास्थळी आल्यानंतर आग आटोक्यात आणली आहे.

….

वादळामुळेही झाले होते नुकसान

संगमनेरच्या पठार भागातील कौठे मलकापुरच्या माळरानावर उद्योजक रवींद्र बिरोले यांनी सुरू केलेल्या या कारखान्याला ट्रायल हंगामातच मोठा फटका बसला होता. त्यावेळी झालेल्या जोरदार वादळ आणि पावसामुळे कारखान्याचे सुरुवातीलाच मोठे नुकसान झाले होते. आता कारखान्याचे दुसऱ्या सिझनमध्ये पुन्हा मोठे नुकसान झाले आहे.





Source link

LEAVE A REPLY

Please enter your comment!
Please enter your name here

Most Popular

cm uddhav thackeray: चैत्यभूमीला घरातूनच अभिवादन करा – cm uddhav thackeray has appealed give tribute to dr babasaheb ambedkar on 6 december from home

म. टा. विशेष प्रतिनिधी, मुंबईमहापरिनिर्वाण दिन हा भारतरत्न डॉ. बाबासाहेब आंबेडकर यांना अभिवादन करण्याचा दिवस आहे. या अभिवादनासाठी ज्या-ज्या गोष्टी करायच्या, त्या सर्व...

Recent Comments