Home शहरं कोल्हापूर Amol Kolhe : ग्लेनमार्कच्या करोनाबाबतच्या 'या' दाव्यावर आक्षेप; अमोल कोल्हेंची कारवाईची मागणी...

Amol Kolhe : ग्लेनमार्कच्या करोनाबाबतच्या ‘या’ दाव्यावर आक्षेप; अमोल कोल्हेंची कारवाईची मागणी – NCP Mp Amol Kolhe Reaction On Glenmark Pharmaceuticals Fabiflu


कोल्हापूर: योगगुरू रामदेव बाबा यांच्या पतंजली संस्थेने करोनावर तयार केलेल्या कोरोनिल या औषधावर बंदी घालण्यात आलेली असतानाच आता करोनावरील औषध बनविणारी आणखी एक कंपनी वादाच्या भोवऱ्यात सापडली आहे. ग्लेनमार्क फार्मा असं या कंपनीचं नाव असून या कंपनीने फॅबीफ्लू हे औषध तयार केले आहे. फॅबीफ्लू या औषधाच्या माध्यमातून ही कंपनी चुकीचे दावे करीत असून त्यांना यापासून रोखावे, या कंपनीवर कडक कारवाई करावी, अशी मागणी राष्ट्रवादीचे खासदार डॉ. अमोल कोल्हे यांनी केली आहे. ( amol kolhe on glenmark pharmaceuticals fabiflu )

डॉ. अमोल कोल्हे यांनी केंद्रीय आरोग्यमंत्री हर्षवर्धन यांना पत्र लिहून त्यांनी ही मागणी केली आहे. ग्लेनमार्क फार्मा ही कंपनी फॅबीफ्लू हे औषध मधुमेहग्रस्त रुग्णांनाही लागू पडत असल्याचा आणि त्यावर हेच एक औषध रामबाण असल्याचा दावा करत आहे. पण दोन्ही दावे आणि क्लिनिकल ट्रायल्स यात तफावत असल्याने या कंपनीचे दावे चुकीचे ठरत आहेत. त्यामुळे चुकीचे दावे करण्यापासून या कंपनीला रोखण्यात यावे आणि त्यांच्यावर योग्य ती कारवाई करावी, अशी मागणी अमोल कोल्हे यांनी पत्राद्वारे केली आहे.

रामदेव बाबांच्या ‘कोरोनिल’ला साडेसाती; विक्री किंवा जाहिरात केल्यास गुन्हा दाखल होणार

मात्र, या कंपनीने बाजारात आणलेलं करोनावरील फॅबीफ्ल्यू या औषधाची किंमत सर्वसामान्यांच्या आवाक्याबाहेरची आहे. त्यामुळे या औषधांची किंमत कमी करावी, अशी मागणीही त्यांनी केली आहे. फॅबीफ्लू या गोळीची किंमत १०३ रुपये आहे. कंपनीने या गोळ्या १४ दिवस खाण्याचा सल्ला दिला आहे. त्यामुळे गोळ्यांचा खर्च १४ दिवसांत रुग्णांना एकूण १२२ गोळ्या घ्याव्या लागणार आहेत. त्याचा खर्च १२ हजार ५०० रुपये होणार असून हा खर्च सर्वसामान्यांच्या अवाक्याबाहेरचा आहे. यावरून ग्लेनमार्कला गरीबांशी काहीही घेणंदेणं नसल्याचं दिसून येतं. संपूर्ण जग करोनाच्या संकटाशी झुंजत आहे. भारतातही त्याचा प्रादुर्भाव वाढला असून सर्वसामान्यांना हे औषध मिळावं म्हणून केंद्र सरकारने पुढाकार घेतला पाहिजे, अशी मागणीही त्यांनी केली आहे. त्यामुळे केंद्र सरकार कोल्हे यांच्या मागणीचा विचार करणार का? याकडे सर्वांचं लक्ष लागलं आहे.

‘कोरोनिल’च्या विक्रीला महाराष्ट्रातही बंदी; बाबा रामदेव यांना झटका

दरम्यान, कोणतीही क्लिनिकल ट्रायल न करता आणि आयुष मंत्रालयाची परवानगी न घेता रामदेव बाबा यांच्या पतंजली संस्थेने कोरोनिल नावाचं औषध बाजारात आणलं होतं. त्याला राजस्थान आणि महाराष्ट्रात विक्रीला बंदी घालण्यात आली आहे. तसेच महाराष्ट्रात या औषधांची जाहिरात किंवा विक्री केल्यास गुन्हा दाखल करण्याचा इशाराही राज्य सरकारने दिला आहे.

करोना : आयुष मंत्रालयाकडून ‘आयुष-६४’ची क्लिनिकल ट्रायल सुरू



Source link

LEAVE A REPLY

Please enter your comment!
Please enter your name here

Most Popular

cm uddhav thackeray: मुख्यमंत्र्यांच्या हाती ‘व्हिजन’पत्र – nashik shivsena party workers meet cm uddhav thackeray for godavari beautification project

म. टा. खास प्रतिनिधी, नाशिकमहापालिका निवडणुकीच्या पार्श्वभूमीवर शिवसेनेच्या स्थानिक नेत्यांनी मुख्यमंत्री उद्धव ठाकरे यांच्यासमोर नाशिक विकासाचे व्हिजन सादर करीत यासाठी निधीसह राज्य सरकारच्या...

Prakash Ambedkar: काँग्रेस, डाव्यांना लकवा मारला का ? – vanchit baujan aghadi president prakash ambedkar has criticized congress and leftists over farmers protest

म. टा. प्रतिनिधी, औरंगाबाददिल्लीतील शेतकरी आंदोलनाला पाठबळ देण्यात काँग्रेस, डावे पक्ष पूर्णत: अपयशी ठरले आहेत. आंदोलनात न उतरण्यासाठी या पक्षांना लकवा मारला आहे...

US Capitol HIll: US Capitol धक्कादायक! अमेरिकन संसदेजवळ हॅँडगन आणि ५०० काडतूसांसह एकाला अटक – man arrested with handgun, ammunition at washington dc checkpoint

वॉशिंग्टन: अमेरिेकेचे नियोजित राष्ट्राध्यक्ष जो बायडन यांच्या शपथविधी सोहळ्यावर हिंसाचाराचे सावट असताना एका व्यक्तिला पोलिसांनी बंदूक आणि ५०० काडतूसांसह अटक केली. धक्कादायक बाब...

Recent Comments