Home शहरं मुंबई Arnab Goswami: पत्रकार अर्णव गोस्वामींना हायकोर्टाचा दिलासा, पोलिसांना दिला 'हा' आदेश -...

Arnab Goswami: पत्रकार अर्णव गोस्वामींना हायकोर्टाचा दिलासा, पोलिसांना दिला ‘हा’ आदेश – mumbai high court stays fir against arnab goswami


मुंबई: पत्रकार अर्णव गोस्वामी यांच्याविरोधात दाखल दोन्ही एफआयआरना स्थगिती देत मुंबई हायकोर्टाने त्यांना दिलासा दिला आहे. त्यांच्याविरोधात कोणतीही कठोर कारवाई केली जाऊन नये, असे आदेश हायकोर्टाने पोलिसांना दिले आहेत.

मुंबई हायकोर्टाने मंगळवारी पत्रकार अर्णव गोस्वामी यांना अंतरिम दिलासा देतानाच, त्यांच्याविरोधात दाखल केलेल्या एफआयआरना स्थगिती दिली. प्रथमदर्शनी असे दिसते की, त्यांच्यावर प्रथमदर्शनी कोणताही गुन्हा दाखल होऊ शकत नाही, असे निरीक्षण न्या. उज्जल भुयान आणि न्या. रियाझ छागला यांच्या खंडपीठाने नोंदवले. तसेच गोस्वामी यांच्याविरोधात कोणतीही कठोर कारवाई करू नये, असे आदेश मुंबई पोलिसांना दिले.

पालघर झुंडबळीच्या घटनेवर वृत्तवाहिनीवरील चर्चेच्या कार्यक्रमात काँग्रेस अध्यक्षा सोनिया गांधी यांच्याबद्दल आक्षेपार्ह व बदनामीकारक विधाने केल्याप्रकरणी दाखल केलेल्या तक्रारीवरून पोलिसांनी त्यांच्याविरोधात एफआयआर नोंदवला होता. तसंच वांद्रे रेल्वे स्थानकाबाहेर श्रमिकांच्या जमलेल्या गर्दीविषयी आक्षेपार्ह व चिथावणी देणारी विधाने केल्याप्रकरणी दुसरा एफआयआरही नोंदवला होता.

मुंबई हायकोर्टाने गोस्वामी यांची याचिका अंतिम सुनावणीसाठी दाखल करून घेतली आहे. गोस्वामी यांच्याविरोधात कोणतीही कठोर कारवाई केली जाऊ नये, असे आदेश देतानाच, खंडपीठाने १२ जून रोजी याचिकांवरील आदेश राखून ठेवला.

गोस्वामी यांच्या वतीने ज्येष्ठ वकील हरीश साळवे आणि मिलिंद साठे यांनी कोर्टात बाजू मांडली. एफआयआर राजकीय हेतूने प्रेरित होता आणि महाराष्ट्र सरकारच्या विरोधात आवाज उठवल्याने तक्रार दाखल करण्यात आली होती, असा युक्तीवाद त्यांनी केला. तर महाराष्ट्र सरकारच्या वतीने वरिष्ठ वकील कपिल सिब्बल यांनी युक्तीवाद केला. घटनेतील कलम १९ (१) (ए) अन्वये माध्यम स्वातंत्र्यात सांप्रदायिक प्रचार करण्याचा अधिकार दिलेला नाही, असे सिब्बल म्हणाले.

दरम्यान, अर्णव गोस्वामी यांच्याविरोधात विविध कलमान्वये एफआयआर दाखल करण्यात आला होता. १५३ बी अन्वये कोणताही गुन्हा केला नाही, असे हरिश साळवे यांनी सांगितले. तत्पूर्वी जातीय टिप्पणी केल्याप्रकरणी मुंबई पोलिसांनी दाखल केलेल्या प्रकरणाचा तपास सीबीआयकडे सोपवण्यात यावा अशा मागणीची गोस्वामी यांनी केलेली याचिका सुप्रीम कोर्टाने फेटाळली होती. तसेच एफआयआर रद्द करण्याची विनंतीही फेटाळून लावली होती.



Source link

LEAVE A REPLY

Please enter your comment!
Please enter your name here

Most Popular

Aurangabad Municipal Corporation: ‘वर्कऑर्डर’ अभावी ठाकरे स्मारक कागदावरच – aurangabad municipal corporation has not give work order for statue of balasaheb thackeray in aurangabad

म. टा. प्रतिनिधी, औरंगाबादशिवसेनाप्रमुख बाळासाहेब ठाकरे यांच्या नावाने स्मृतिवन व स्मारक उभारण्यासाठी महापालिकेने मोठा गाजावाजा करून मुख्यमंत्र्यांच्या हस्ते भूमिपजून केले. पण, तो फार्स...

Ramdas Athawale: शेतकरी आंदोलनात होतेय राजकारण – union minister ramdas athawale’s reaction on farmers protest

म. टा. खास प्रतिनिधी, नाशिकशेतकरी आंदोलनाचे फक्त राजकारण सुरू आहे. आंदोलन करण्याचा प्रत्येकाला अधिकार आहे तो त्याने बजवावा, मात्र सध्या सुरू असलेले शेतकरी...

Pune: Pune: महिला रिक्षामधून प्रवास करत होती, काही अंतरावरच… – pune woman robbed gold jewellery and cash worth rs 1. 5 lakh in bhosari...

पुणे: रिक्षाने प्रवास करत असताना, महिलेच्या पर्समधील दागिने आणि रोकड असा दीड लाख रुपयांचा ऐवज चोरीला गेल्याची घटना उघडकीस आली आहे. या प्रकरणी...

Recent Comments