Home शहरं औरंगाबाद aurangabad News : मृत्युदर घटवण्यासाठी खासगी डॉक्टरांचा सल्ला - private doctor's advice...

aurangabad News : मृत्युदर घटवण्यासाठी खासगी डॉक्टरांचा सल्ला – private doctor’s advice to reduce mortality


म. टा. प्रतिनिधी, औरंगाबाद

करोनाबाधितांचा मृत्युदर आणखी घटवण्यासाठी खासगी इन्टेसिव्हिस्ट पूर्णपणे निःशुल्क सेवा देणार असून, त्यासाठी दररोज घाटीच्या कोविड वॉर्डात भेट देऊन करोनाग्रस्त रुग्णांची पाहणी करणार आहेत; तसेच प्रत्येक गंभीर रुग्णाची ‘केस स्टडी’ केली जाणार आहेत आणि ‘इन्टेसिव्हिस्ट’ तज्ज्ञ सल्लाही घाटीच्या डॉक्टरांशी चर्चा करून देणार आहेत. विशेष म्हणजे विभागीय आयुक्तांच्या आवाहनाला प्रतिसाद देत खासगी डॉक्टर सेवा देण्यास पुढे आले आहेत.

या संदर्भात जिल्ह्यात ‘कोविड-१९’संदर्भात स्थापन करण्यात आलेल्या वैद्यकीय सल्लागारांचा ‘टास्क फोर्स’ व इतर अधिकारी यांची बैठक रविवारी (१७ मे) जिल्हाधिकारी कार्यालयाच्या सभागृहात पार पडली. या वेळी करोना संसर्ग हे राष्ट्रीय संकट झाले असून, या आजाराचा प्रादुर्भाव रोखण्यासाठी प्रशासन व आरोग्य यंत्रणा अहोरात्र झटत आहे. सध्या शहरातील ‘कोविड’ रुग्णांची वाढती संख्या पाहता त्यांना तातडीने उपचार मिळण्यासाठी शहरातील खाजगी रुग्णालयांच्या नामांकित तज्ज्ञ डॉक्टरांनी सहकार्य करावे, असे आवाहन विभागीय आयुक्त सुनील केंद्रेकर यांनी केले. विभागीय आयुक्तांच्या आवाहनाला तात्काळ प्रतिसाद देत खासगी डॉक्टारांनी कुठलाही मोबदला न घेता नि:स्वार्थ भावनेने ‘कोविड’ रुग्णांना सेवा देऊ, असे सांगितले. बैठकीस जिल्हाधिकारी उदय चौधरी, महापालिकेचे आयुक्त आस्तिककुमार पांडेय, शासकीय वैद्यकीय महाविद्यालय व रुग्णालयाच्या (घाटी) अधिष्ठाता डॉ. कानन येळीकर, उपायुक्त (सामान्य प्रशासन) वर्षा ठाकूर, उपजिल्हाधिकारी रिता मेहत्रेवार, जिल्हा शल्यचिकित्सक डॉ. सुंदर कुलकर्णी, महापालिकेच्या वैद्यकीय अधिकारी डॉ. नीता पाडळकर, घाटीच्या औषधवैद्यकशास्त्र विभागाच्या प्रमुख डॉ. मीनाक्षी भट्टाचार्य, ‘इंडियन सोसायटी फॉर क्रिटिकल केअर मेडिसिन’ या अतीव दक्षता तज्ज्ञ संघटनेच्या शहर शाखेचे अध्यक्ष डॉ. संदीप व्यवहारे, डॉ. आनंद निकाळजे यांच्यासह डॉ. मोहन डोईबळे, डॉ. तहीब, डॉ. जयंत बरीदे, डॉ. जगनाथ दीक्षित, डॉ. श्रीकांत सहस्त्रबुद्धे, डॉ. समीध पटेल आदींसह विविध खासगी रुग्णालयांचे नामांकित डॉक्टर उपस्थित होते.

शहरातील ‘कोविड’ रुग्णांचा मृत्युदर कमी करण्यासाठी बाधित रुग्णांवर उपचाराकरिता खाजगी डॉक्टरांचे सहकार्य घेण्याबाबत सार्वजनिक आरोग्यमंत्री राजेश टोपे यांनी मागील आठवड्यात घेतलेल्या बैठकीत वैद्यकीय सल्लागारांचा ‘टास्क फोर्स’ स्थापन करण्याचे निर्देश दिले होते. त्या अनुषंगाने जिल्हाधिकारी उदय चौधरी यांनी स्थापन केलेल्या ‘टास्क फोर्स’च्या रविवारी पार पडलेल्या बैठकीत ‘कोविड’ रुग्णांना वाचविण्याबाबत विविध उपाययोजनांवर चर्चा झाली. ‘कोविड’ रुग्णांना वाचविण्यासाठी सूचना करताना विभागीय आयुक्त केंद्रेकर म्हणाले की, खासगी डॉक्टरांनी वारनिहाय शहरातील ‘कोविड’ उपचार केंद्रांना प्रत्यक्ष भेट देऊन रुग्णांची पाहणी करावी व योग्य त्या उपचाराबाबत मार्गदर्शन करावे. उपचाराच्या सल्यासाठी डॉक्टरांचे ‘सोशल मीडिया’वर ‘ग्रुप’ही बनवावे. ‘टेलिमेडिसिन’चा वापर करावा. या उपक्रमासाठी खासगी डॉक्टरांना प्रशासनामार्फत आवश्यक ते सर्व सहकार्य केले जाईल, असेही केंद्रेकर म्हणाले.

B८० ‘इन्टेसिव्हिस्ट’ची टीम सज्ज

Bशहरात ‘इंडियन सोसायटी फॉर क्रिटिकल केअर मेडिसिन’ संघटनेमध्ये ८०पेक्षा जात इन्टेसिव्हिस्ट आहेत आणि हे सर्व डॉक्टर आपली वैयक्तिक रुग्णसेवा सांभाळून घाटीसह जिल्हा प्रशासनाने निश्चित केलेल्या विविध ‘कोविड हॉस्पिटल’ व ‘सेंटर’मधील करोनाग्रस्तांची दररोज पाहणी करणार आहेत. रुग्णालयांमध्ये ‘राऊंड’ घेणार आहेत व गंभीर रुग्णांबाबत घाटीतील डॉक्टरांशी विचार विनिमनय करणार आहेत; तसेच आपला तज्ज्ञ सल्लाही देणार आहेत. त्यासाठी वेगवेगळ्या दिवशी वेगवेगळे डॉक्टर सेवा देतील व करोनाग्रस्तांचा मृत्युदर आणखी कसा कमी करता येईल, यासाठी प्रयत्न केला जाईल, असेही डॉ. व्यवहारे यांनी ‘मटा’शी बोलताना सांगितले.



Source link

LEAVE A REPLY

Please enter your comment!
Please enter your name here

Most Popular

nitish kumar cabinet expansion likely soon: बिहारमध्ये मंत्रिमंडळ विस्ताराच्या हालचालींना वेग, कुणाची लागणार वर्णी? – bihar cm nitish kumar cabinet expansion likely soon

पाटणाः बिहारमधील वाढत्या गुन्हेगारीच्या मुद्द्यावर राजकारण तापलं असताना नितीशकुमार सरकारच्या मंत्रिमंडळ विस्ताराच्या हालचालींना वेग ( nitish kumar cabinet expansion likely soon ) आला...

US Inauguration Day 2021 Live Update: Joe Biden and Harris Inauguration Day Live बायडन होणार अमेरिकेचे ४६ वे राष्ट्राध्यक्ष – US Presidential Elections Joe...

वॉशिंग्टन: अमेरिकेच्या इतिहासातील एका नव्या पर्वाला सुरुवात होत असून आज, बुधवारी अमेरिकेचे ४६वे अध्यक्ष म्हणून जो बायडेन, तर उपाध्यक्षपदासाठी कमला हॅरिस पद आणि...

Mumbai Indians: IPL 2021: मुंबई इंडियन्सने या अनुभवी खेळाडूला दाखवला बाहेरचा रस्ता; जाणून घ्या संपूर्ण यादी – ipl 2021 mumbai indians released lasith malinga...

नवी दिल्ली: IPL 2021 आयपीएलचे सर्वाधिक विजेतेपद मिळवणारे तसेच विद्यमान विजेते मुंबई इंडियन्स (mumbai indians) संघाने या वर्षी होणाऱ्या आयपीएलसाठी रिटेन आणि रिलीझ...

Recent Comments