Home देश पैसा पैसा ban on chinese companies: अॅप बंदीनंतर चीनला आणखी एक झटका, महामार्ग प्रकल्पांमध्येही...

ban on chinese companies: अॅप बंदीनंतर चीनला आणखी एक झटका, महामार्ग प्रकल्पांमध्येही बंदी घालणार – india china standoff will ban chinese companies in highway projects says nitin gadkari


नवी दिल्लीः सीमवेर भारताची सर्व बाजूंनी कोंडी करण्याच्या प्रयत्नात असलेल्या चीनला अॅप बंदीनंतर आता भारताने आणखी एक झटाक दिला आहे. चीनची आर्थिक नाकेबंदी करत भारताने ५९ चिनी अॅपवर बंदी घातली. आता देशातील मोठ्या राष्ट्रीय महामार्ग प्रकल्पांमध्ये चिनी कंपन्यांवर बंदी घातली जाणार आहे. भारतातील महामार्ग प्रकल्पांमध्ये चिनी कंपन्यांवर बंदी घालण्यात येणार आहे, असं केंद्रीय परिवहन मंत्री नितीन गडकरी यांनी सांगितलं.

जॉइंट व्हेचरवरही असणार नजर

एखादी चिनी कंपनी जॉइंट व्हेंचरद्वारे महामार्ग प्रकल्पांमध्ये घुसण्याचा प्रयत्न करत असेल तर तिथेही रोखले जाईल. याशिवाय सूक्ष्म, आणि लघु-मध्यम उद्योग क्षेत्रातही चिनी कंपन्यांना आडकाठी करण्यात येणार आहे, असं गडकरी म्हणाले.

नवीन धोरण लवकरच लागू केले जाणार

लवकरच सरकार नवीन धोरण आणणार आहे. नव्या धोरणानुसार चिनी कंपन्यांना बंदी करण्यात येईल. तर भारतीय कंपन्यांसाठी नियम अधिक सुलभ केले जातील. भारतीय कंपन्यांना सहभागाची अधिकाधिक संधी दिली जाईल. या गोष्टी नवीन धोरण बनवताना लक्षात घेतल्या जातील, असं गडकरींनी स्पष्ट केलं. महामार्ग सचिव आणि राष्ट्रीय महामार्ग विकास प्राधिकरणाची संयुक्त बैठक घेण्यात येईल. ज्यात निविदांवरून तांत्रिक आणि आर्थिक नियम सुलभ करण्यावर चर्चा केली जाईल. भारतीय कंपन्यांनाच टेंडर मिळेल अशा प्रकारे नियम बनवले जातील. यामुळे भारतीय कंपन्यांना विदेशी कंपनीची आवश्यकता पडणार नाही, असं गडकरी म्हणाले.

स्वतःच्या देशाविरोधात बाजू मांडणार नाही; मुकुल रोहतगींचा टिकटॉकला नकार

महामार्ग प्रकल्पातील काढलेल्या निविदा रद्द करणार

राष्ट्रीय महामार्गाच्या मोजक्याच प्रकल्पांमध्ये चिनी कंपन्यांची गुंतवणूक आहे. ज्या प्रकल्पांसाठी निविदा काढण्यात आल्या आहेत तिथे चायनिज जॉइंट व्हेंचर असतील तर त्या ठिकाणी नव्या निविदा काढण्यात येथील. नवीन नियम वर्तमान आणि पुढील काळातील प्रकल्पांसाठी लागू असतील.

आत्मनिर्भर भारत; रेल्वेचे रुळही आता भारतातच तयार

४७१ कोटींचे कॉन्ट्रॅक्ट रद्द

गलवानमधील घटनेनंतर #BoycottChina अभियानानुसार सर्वात आधी भारतीय रेल्वेने मोठा निर्णय घेतला. रेल्वेने चिनी कंपनीला दिलेले ४७१ कोटींचे कॉन्ट्रॅक्ट रद्द केले. रेल्वेने चिनी कंपनी बिजींग नॅशनल रेल्वे रिसर्च अँड डिजाइन इन्स्टिट्युट ऑफ सिग्नल अँड कम्युनिकेशन लिमिटेडशी हा कॉन्ट्रॅक्ट केला. हे कॉन्ट्रॅक्ट रद्द करण्यात आले. १८ जूनला हा निर्णय घेतला गेला. तर गलवान खोऱ्यात चिनी सैनिकांशी झालेल्या हिंसक संघर्षात १५ जूनच्या रात्री भारताचे २० जवान शहीद झाले होते. कानपूर-दीन दयाल उपाध्याय (DDU) सेक्सशन बनवण्याचे कॉन्ट्रॅक्ट मिळाले होते ४१७ किलोमीटरचा हा कॉरिडोर होता.



Source link

LEAVE A REPLY

Please enter your comment!
Please enter your name here

Most Popular

Recent Comments