Home शहरं मुंबई bmc health officers: रात्रभर जागले पालिकेचे अधिकारी - bmc officers was facing...

bmc health officers: रात्रभर जागले पालिकेचे अधिकारी – bmc officers was facing stress due to not receiving the cowin app’s message regarding covid-19 vaccination until late friday night


म. टा. विशेष प्रतिनिधी, मुंबई

कोवीन अॅपवर नोंदणी झालेल्या आरोग्य कर्मचाऱ्यांना लसीकरणासंदर्भात मेसेज पाठवण्यात येणार होते. मात्र शुक्रवारी रात्री उशिरापर्यंत अॅप आणि मेसेज न मिळाल्यामुळे महापालिका प्रशासनावर ताण आला. शनिवारच्या लसीकरणाला प्रतिसाद कसा मिळेल, याबद्दलची साशंकता वैद्यकीय अधिकाऱ्यांना वाटत होती.

शुक्रवारी संध्याकाळी सात वाजता वेळ न दवडता वॉर रूमला नोंदणीकृत याद्या पाठवल्या. यामध्ये पालिका प्रशासन, खासगी रुग्णालयांसह आरोग्यसेविका तसेच आरोग्य केंद्रातील वैद्यकीय कर्मचारी, डॉक्टर यांचे मोबाइल क्रमांकही होते. प्रभागनिहाय या सर्वांना फोनवरून संपर्क साधण्यात आला, ज्या ठिकाणी लसीकरण करण्यात येणार आहे ते केंद्र सांगण्यात आले. यात कोणताही आग्रह नव्हता केवळ माहिती देण्याच उद्देश होता. रात्री ज्यांनी फोन घेतले नाहीत त्यांना पहाटेपासून संपर्क साधण्यात आला. शुक्रवार रात्रभर पालिकेच्या आरोग्य विभागातील कर्मचारी, प्रभाग कार्यालयांसह वॉर रुमही व्यग्र होत्या.

पालिकेचे अतिरिक्त आयुक्त सुरेश काकाणी यांच्याकडे यासंदर्भात विचारणा केली असता त्यांनी इंटरनेटचा वेग आणि त्यावर येणारा ताण लक्षात घेता अॅपची उपलब्धता होण्यामध्ये अडचण येऊ शकेल, याची कल्पना होती. त्यामुळे पर्यायी व्यवस्था आधीच केली होती. आमच्या संपूर्ण टीमने तळमळीने काम केल्यामुळे नोंदणीकृत व्यक्तींशी संपर्क साधणे शक्य झाल्याचा विश्वास त्यांनी व्यक्त केला. कोवीन अॅप सुरू झाल्यानंतर आता ज्यांची ऑफलाइन डाटा एन्ट्री करण्यात आली आहे, ती माहिती तिथेही अपलोड करण्यात येईल. त्यामुळे २८ दिवसांनी दुसरा डोस देण्याच्या वेळी अडचण येणार नाही. अॅपची सुविधा तोपर्यंत सुरळीत होऊन ती प्रक्रिया विकसित होईल, असा विश्वास त्यांनी व्यक्त केला.

या लसीकरणाच्या संदर्भात प्रशिक्षण देण्यात आले होते. लसीकरणाच्या रंगीत तालमीच्यावेळी अॅपच्या जोडणीमध्ये कोणत्या अडचणी आल्या होत्या, त्याची चर्चा झाली होती.

‘समाधानकारक प्रतिसाद’

एन वॉर्डचे डॉ. महेंद्र खंदाडे यांनी स्वतः लस घेतल्यानंतर पहिल्या दिवशी मिळालेला प्रतिसाद समाधानकारक असल्याची भावना व्यक्त केली. कोविड केंद्रामध्ये वैद्यकीय सेवा देणाऱ्या डॉ. दीपक बैद यांनीही खासगी डॉक्टरांनाही फोन करून माहिती देण्यात आल्याचे सांगितले. ‘थांबा आणि पहा’ हा पवित्रा घेणाऱ्या वैद्यकीय कर्मचाऱ्यांनी सकाळी लसीकरण झाल्यानंतर कोणालाही त्रास न झाल्याचे लक्षात येताच दुपारी लसीकरण केंद्रावर जाण्याचा निर्णय घेतला. काही वरिष्ठ आरोग्य कर्मचाऱ्यांना त्यांच्या तरुण सहकाऱ्यांनीही समजूत घालून लसीकरण करून घेण्यासाठी प्रोत्साहन दिले होते.



Source link

LEAVE A REPLY

Please enter your comment!
Please enter your name here

Most Popular

Sitaram Kunte: अनुभवी आणि विश्वासार्ह : सीताराम कुंटे – sitaram kunte new chief secretary of maharashtra

अखेर सीताराम कुंटे राज्याचे मुख्य सचिव झाले. खरेतर उद्धव ठाकरे यांनी मुख्यमंत्रिपदाची सूत्रे हाती घेतल्यानंतरच ते मुख्य सचिवपदी येणार असा अनेकांचा कयास होता.  Source...

Corona Rules Violation: करोनाबाधित नियमांचा भंग करून फिरत होता घराबाहेर; गुन्हा दाखल – police file fir against corona positive man for corona rules violation

म. टा. विशेष प्रतिनिधी, मुंबईकरोनास रोखण्यासाठी मुंबईत लागू केलेल्या नियमांचे उल्लंघन केल्याचे प्रकार वारंवार घडत आहेत. गोवंडी पोलिस ठाण्यापाठोपाठ सोमवारी चेंबूर पोलिस ठाण्यात...

Recent Comments