Home मनोरंजन bollywood news News : 'बेसमेण्ट कंपनी'तल्या 'पहिलटकरां'बरोबर अनुभवा आयुष्याचा वेगळाच रंग दाखवणारी...

bollywood news News : ‘बेसमेण्ट कंपनी’तल्या ‘पहिलटकरां’बरोबर अनुभवा आयुष्याचा वेगळाच रंग दाखवणारी विनोदी मालिका- सध्या स्ट्रीम होत आहे खास आणि मोफत, फक्त एमएक्स प्लेअरवर – battle expectation vs reality in mx player basement company


mediawire_image_0

एमएक्स एक्झक्लुझिव्ह सीरिज आणि मिर्ची प्ले ओरिजिनलची प्रस्तुती असणारा ‘बेसमेण्ट कंपनी’ हा शो धमाल मनोरंजक तर आहेच शिवाय आपण त्याच्याशी सहजपणे जोडले जातो. ही कथा आहे प्रथमच नोकरीला लागलेल्या राज, सिमरन आणि राहुलची. अधिकाधिक व्यवसाय मिळावा यासाठी या तिघांच्या ऑफिसमध्ये मोठे बदल होत असल्याकारणाने त्यांची रवानगी ऑफिसच्या बेसमेण्टमध्ये होते.

अपेक्षा आणि वास्तव यांच्यातलं द्वंद्व– आयुष्याच्या एका वेगळ्याच अंगाचं दर्शन घडवणाऱ्या या नाट्यामध्ये तीन ‘कमनशिबी’ दोस्तांची कथा रंगवण्यात आली आहे. जेव्हा जेव्हा ते बेसमेण्टमधून वरच्या ऑफिसमध्ये जाऊन आपलं गतवैभव मिळवण्याचा प्रयत्न करतात तेव्हा तेव्हा ते परिस्थितीत असे काही अडकतात की विचारता सोय नाही. हे करत असतानाच ते आपापली स्वप्नं पूर्ण करण्याची लढाईही लढत आहेत. त्यांची स्वप्नं या चार भिंतींमध्ये सामावणारी नाहीत, ती खूप मोठी आहेत. त्याचबरोबर मैत्री आणि नातेसंबंध जपताना तसंच ऑफिसमधलं नवं आयुष्य जगताना होणारी ओढाताण वेगळीच. हा सारा मामला खुसखुशीत विनोदात रंगवण्यात आला आहे.

ट्रेलर पाहा:https://bit.ly/BasementCompany_Trailer वर

‘बेसमेण्ट कंपनी’मध्ये प्रमुख भूमिका साकारणाऱ्या मयूर मोरे, अपूर्वा अरोरा आणि गगन अरोरा यांच्याशी गप्पा मारण्याची संधी आम्हाला मिळाली. त्यांच्या भूमिका आणि त्यांची आपासातली केमिस्ट्री याविषयी जाणून घेण्यासाठी नक्की वाचा…

‘बेसमेण्ट कंपनी’मध्ये तुमची भूमिका नेमकी कशी आहे?

अपूर्वा: मी सिमरन अहुजा नावाच्या मुलीची भूमिका यात साकारत आहे. ती एक पक्की दक्षिण दिल्लीतली पंजाबी मुलगी आहे. ही भूमिका साकारताना मला दक्षिण दिल्लीतल्या स्वप्नाळू, थोड्या ताठर असलेल्या सिमरनला माझ्यात भिनवावं लागलं. ती एका चांगल्या कुटुंबातली मुलगी आहे आणि तिच्यातला पंजाबीपणा मला नेमकेपणाने साकारायचा होता. केवळ शहरातल्या एका विशिष्ट भागात राहिल्याने किंवा विशिष्ट पद्धतीने तिचं संगोपन झालं असल्यामुळे सिमरन स्वार्थी किंवा लाडावलेली नाही. सध्या ती अशा ठिकाणी अडकली आहे जिथे मुळातच तिला राहायचं नाही आहे. पण दुसरा पर्याय नसल्याने तिला तिथेच तग धरून राहायचं आहे. सुरुवातीला ही जागा आणि तिथल्या लोकांवर असलेला तिचा राग, त्यानंतर तिने परिस्थिती स्वीकारणं आणि त्यातून आनंद शोधण्याचा प्रयत्न करणं, असा सिमरनचा प्रवास या मालिकेत पाहायला मिळेल. अपूर्वा म्हणून या पात्राशी मी उत्तमप्रकारे जोडले जाण्यामागचं मुख्य कारण म्हणजे माझं पंजाबी संगीताबद्दलचं प्रेम. जेव्हा मला सांगण्यात आलं की, हा शो साधारणपणे पंजाबी संगीताभोवती फिरणारा आहे, तेव्हा मी याचा एक भाग बनण्याचं ठरवून टाकलं.

मयूर: मी यात राहुल पंडितची भूमिका साकारत आहे. ही त्याची पहिलीच नोकरी आहे. ऑफिसमध्ये कशाप्रकारचं काम चालतं आणि काय घडतं याबाबत राहुल पूर्णत: अनभिज्ञ आहे. लवकर कामावर यायचं आणि काम संपवायचं, हेच त्याला करायचं असतं. खरंतर त्याला आयुष्यात वेगळं काहीतरी करण्याची इच्छा आहे. तो या ऑफिसमध्ये आला आहे कारण त्याला अनुभव मिळवायचा आहे आणि आयुष्यात पुढे जायचं आहे. परंतु त्याच्या इच्छेप्रमाणे नेहमीच गोष्टी घडत नाहीत. त्याला नेहमीच त्याच्या बॉसला आनंदी ठेवायचं असतं. पण लवकरच त्यांच्या ऑफिसमध्ये अशी काही परिस्थिती निर्माण होते की या तिघांना बेसमेण्टमध्ये जाण्याशिवाय पर्याय उरत नाही. संपूर्ण शो याच घटनेभोवती फिरणारा आहे.

गगन: राज, सिमरन आणि राहुल या त्रयीमधल्या राजची भूमिका मी साकारत आहे. हा एक दिल्लीचा मुलगा आहे पण तो टिपिकल दिल्लीच्या मुलांसारखा नाही. आपल्या व्यावसायिक जीवनाबाबत त्याच्या वेगळ्या महत्त्वाकांक्षा आहेत. तो खूप बोलका आहे आणि ऑफिसमधल्या लोकांशी चटकन मैत्री करू शकतो. पण अखेरीस त्याची खास मैत्री जमते ती ऑफिसमधल्या अत्यंत अबोल मुलाशी आणि अतिमहत्त्वाकांक्षी मुलीशी. हा शो खरंच खूप रंजक आहे.

maharashtra times

mediawire_image_0

या शोमध्ये पहिल्या नोकरीच्या अनुभवाबाबत भाष्य करण्यात आलं आहे. तुमचा नोकरीचा पहिला अनुभव कसा होता?

अपूर्वा: खरंतर मी अॅक्टर म्हणूनच कामाला सुरुवात केली त्यामुळे ९ ते ५ पद्धतीच्या नोकरीचा मला अजिबात अनुभव नाही. पण १३ वर्षांची असताना मी एका चित्रपटाच्या सेटवर गेले होते. तिकडच्या वातावरणामुळे मी पार गोंधळून गेले होते. पण तिथे गेल्यामुळे मला कळलं की, लोक नेमकं काय काम करतात. वेगवेगळ्या विभागांचीही तोंडओळख झाली. इतर नोकऱ्यांबाबतही असंच घडत असावं. तुम्हाला इतर विभागांबद्दल कळतं, मग तुमच्या कामाचं नेमकं स्वरूप कळतं आणि नंतर ऑफिसमधलं राजकारणही कळतं. माझ्या पहिल्या नोकरीचा अनुभव हा असा होता. सिमरन, राज आणि राहुलसारखा.

मयूर: माझी पहिली नोकरी होती ऊसाच्या गुऱ्हाळातली. ते काही ऑफिस नव्हतं. मी ऊसाचा रस विकायचो. ही नोकरी मिळाली तेव्हा मी खूप खुश होतो. पण पाच ते सहा दिवसांनी मी समजलं की लोकांच्या अपेक्षेनुरूप वागणं किती कठीण असतं. खरंतर ते काम केवळ ऊसाचा रस काढण्याचं होतं. असंख्य ग्लासेस भरून न्यायचे आणि रिकामे ग्लास परत आणून ठेवायचे. हळूहळू ते एकसुरी वाटू लागलं आणि मग ते रटाळ आणि कंटाळवाणं बनलं. ग्राहक कधीच खुश नसायचे. ऊस चांगला नसला की लोक शिव्या घालायचे. रस खूपच पाणचट आहे, बेचव आहे किंवा खराब आहे, अशा तक्रारी करायचे. अशा वेगवेगळ्या स्वभावाच्या लोकांशी माझा दररोज सामना व्हायचा. तर अशी होती माझी पहिली नोकरी. या शोमध्येही असंच काहीसं घडत आहे. फरक इतकाच आहे की नोकरी वेगळी आहे.

गगन: प्रत्यक्ष आयुष्यात इंटर्नशिप करत असतानाचा माझा बॉस आणि या शोमधला बॉस यात खूप साम्य आहे. ते खूप प्रेरणा द्यायचे आणि वेगवेगळ्या गोष्टी करण्यास मला भाग पाडायचे. मी एक इंटर्न होतो त्यामुळे मी फक्त नोट्स काढायचो आणि काहींना कॉण्टॅक्टस मिळवून द्यायचो. नेहमीप्रमाणेच मी जरा जास्तच तयारी केली होती आणि मी त्यांना माझा तयार पिच दिला. पण कॉन्फरन्स रूममध्ये जाऊन ती कल्पना सादर करण्याऐवजी ते माझ्याकडे वळून म्हणाले,

maharashtra times

mediawire_image_0

‘ही याची कल्पना आहे, त्यामुळे त्याचं सादरीकरणसुद्धा यानेच केलं पाहिजे.’

मी माझ्या लॅपटॉपसह तिथे बसलो होतो पण सादरीकरणासाठी तयार नव्हतो. मी खूपच अचंबित झालो होतो. यामुळे मी एकदम प्रकाशझोतात आलो. मला मिळायला हवी होती तेवढी प्रसिद्धीही मिळाली. या घटनेवरून मला धडा मिळाला की, सगळेच बॉस आणि ऑफिसेस एकसारखी नसतात. बदल घडवून आणणारी माणसं तसं करू शकतात कारण त्यांच्या पाठीशी असे काही वरिष्ठ ठामपणे उभे असतात.

इतर दोघांबरोबर काम करण्याचा अनुभव कसा होता?

अपूर्वा: गगन आणि मयूर या दोन माकडांबरोबर काम करण्याचा अनुभव थोरच होता. आमची छान गट्टी जमली आणि शोच्या अखेरीस मी हे विसरून गेले होते की मी एक मुलगी आहे. मी स्वत:ला मुलगाच समजू लागले होते. मला याचा आनंद आहे की, लॉकडाऊनपूर्वी मला माझ्या मित्रांबरोबर काम करण्याची संधी मिळाली, त्यामुळे त्या आठवणींच्या आठवणीत माझा वेळ खूप चांगला गेला. सगळं खूप छान होतं आणि मला खात्री आहे की ज्या लोकांबरोबर तुम्हाला राहायला आवडतं, त्यांच्याबरोबर काम केल्याने आमच्यातली केमिस्ट्री ऑनस्क्रिन पाहायला मिळेलच.

मयूर: एकंदरीत अनुभव खरंच खूप छान होता. या शोपूर्वी मी गगनचे शोज पाहिले होते आणि त्याच्याबरोबर कामही केलं होतं. पण ते एकाच दिवसासाठी. मी अपूर्वाचे कोणते शोज पाहिले नव्हते पण आसपासच्या लोकांकडून तिच्याबद्दल ऐकलं होतं. त्यामुळे आम्ही म्हणजे अपूर्वा, गगन आणि मी, काम करताना चिल करायचो. आमच्यातलं हे बॉण्डिंग तुम्हाला शोमध्ये पाहायला मिळेल. आम्ही खूप धमाल केली. आमचे एकमेकांशी खूप चांगले संबंदा आहेत.

गगन: खूपच छान. मी यापूर्वी अपूर्वाबरोबर बरेचदा काम केलं आहे. खरं सांगायचं तर मी माझ्या करिअरची सुरुवातच अपूर्वाबरोबर केली आणि आमच्यात खूप घनिष्टता आहे. तिच्यासोबत मी खूप कम्फर्टेबल असतो. मला काळजी वाटत होती ती मयूरची. मयूरचा गेला शो खूप यशस्वी झाला होता आणि यापूर्वी मी मयूरबरोबर काम केलं नव्हतं. त्यामुळे गोष्टी कशा घडतील याची मला खात्री नव्हती. पण गोष्टी अपेक्षेपेक्षा सुरळीतपणे घडत गेल्या आणि आम्ही दोघं एकमेकांबरोबर खूप कम्फर्टेबल बनलो. आमच्यातल्या ऑफस्क्रिन बॉण्डिंगमुळे आम्ही उत्तम इम्प्रोव्हायझेशन करू शकलो, त्याची फलश्रुती तुम्हाला ऑनस्क्रिन पाहायला मिळेल. आमच्यातली मैत्री इतकी पक्की झाली की त्यामुळे अपूर्वाला मत्सर वाटू लागला!

तुमच्या मते या शोचा यूएसपी काय आहे? यातली कोणती गोष्ट आजच्या तरुणांना भावेल असं वाटतं?

अपूर्वा: लोकांनी हा शो पाहायलाच हवा कारण यातत आपल्याच आयुष्याचा एक भाग विनोदी पद्धतीने रंगवण्यात आला आहे आणि ही कदाचित तुमची कथाही असू शकते. एकदा पाहायला सुरुवात केली की थांबावंसं वाटणार नाही. सगळी कथा माहित असूनही हा शो रिलीज झाल्याक्षणीच मी पाहायला घेतला आणि तो पाहणं मी थांबवू शकले नाही. हे एक वेगळंच नातं आहे. खूप छान आणि तजेलदार. आत्तापर्यंत मी अनेक रोमॅण्टिक भूमिका केल्या आहेत, ज्यात टिपिकल मुलगी मुलाला भेटते आणि वगैरे वगैरे. इथे मात्र तसा कोणताच रोमॅण्टिक अँगल नव्हता. त्यामुळे अनेकांना हायसंही वाटेल. त्या मंडळींना हा शो खूप आवडेल.

मयूर: आपल्यापैकी जवळपास प्रत्येकालाच ऑफिसमध्ये जाऊन काम करण्याचा किंवा कामाच्या ठिकाणाच अनुभव असल्याने या शोबरोबर प्रेक्षक चटकन जुळतील. प्रत्येक ऑफिसमध्ये काहीतरी संकटं आणि आव्हानं असतात. सरतेशेवटी तिथले कर्मचारी परिस्थितीशी जुळवून घेतातच. या शोमधला राहुल त्याच्या नोकरीच्या पहिल्याच दिवसापासून विचार करत असतो की, मी ऑफिसमधल्या सगळ्या गोष्टी सुरळीत करेन. आपल्यात ती क्षमता आहे असं त्याला वाटत असतं. त्यामुळे प्रत्येकाला हा शो आपलासा वाटेल कारण त्यांना त्यांची पहिली नोकरी आणि त्यातले अनुभव आठवतील. तुम्ही पूर्णपणे वेगळ्या वातावरणात आहात, तुमची कोणाशीच ओळख नाही आणि तुमच्या मनात अनेकविध भावनांची वादळं येत असतात. तुमचा बॉस नवीन आहे आणि सहकारीसुद्धा. तुम्हाला सगळंच नव्याने शिकायचं असतं.

गगन: सध्याच्या घडीला खून, रक्तपात, हिंसा अशाच पद्धतीच्या कॉण्टेण्टची लाट आली आहे. त्यामुळे ही सीरिज म्हणजे प्रत्येकासाठीचा उत्तम आणि ताजातवाना करणारा उतारा आहे. हलकीफुलकी कथा, आयुष्याचं एक अंग दाखवणारा कॉण्टेण्ट या गोष्टींशी आपण सहजपणे जोडले जातो. आपल्यापैकी अनेकांनी ऑफिसच्या आयुष्याचा अनुभव घेतला आहे. ऑफिसमध्ये एखाद्याशी गट्टी जमते तेव्हा काय होतं, ऑफिसमधलं राजकारण कसं रंगतं आणि हे सर्व असतानाही मैत्री कशी फुलते, हे आपल्याला माहित आहे. त्यामुळे प्रेक्षकांसाठी हा शो म्हणजे आल्हाददायक अनुभव ठरेल, यात शंकाच नाही.

गगन पुढे म्हणाला की, ‘हा शो खूप प्रेमाने बनवला आहे. लेखक आणि दिग्दर्शकांनी यावर खूप मेहनत घेतली आहे. ‘बेसमेण्ट कंपनी’च्या संपूर्ण क्रूने खूप मेहनत घेतली आहे. त्यामुळे हा शो नक्की पाहा. आम्हाला खात्री आहे की या शोमुळे तुमच्या चेहऱ्यावर हास्य उमटेल आणि तुम्हाला तो भूतकाळातही घेऊन जाईल. तेही अशा वेळी जेव्हा लोक आपापल्या ऑफिसमध्ये जाऊ शकत नाही आहेत.’

पाच एपिसोड्सची ही सीरिज बिंज वॉच करा आत्ताच,

मोफत स्ट्रीमिंग एमएक्स प्लेअरवर:https://bit.ly/BasementCompany_YT_ep1

Disclaimer: This article has been produced on behalf of MX Player by Mediawire team.



Source link

LEAVE A REPLY

Please enter your comment!
Please enter your name here

Most Popular

farmers protest: tractor rally : दिल्लीत हिंसक आंदोलन; केंद्राकडून गंभीर दखल, सिंघू सीमेवरून शेतकरी नेते ‘गायब’ – tractor rally violence in farmers protest signs...

नवी दिल्ली: प्रजासत्ताक दिनी कृषी कायद्यांविरोधात ( farmers protest ) शेतकरी ट्रॅक्टर परेडमध्ये ( tractor rally ) मंगळवारी हिंसाचार झाला. शेतकरी आंदोलनकर्त्यांनी बॅरिकेड...

Recent Comments