Home आपलं जग करियर career news News : देशभरात पदवी परीक्षा होणार रद्द? लवकरच निर्णयाची शक्यता...

career news News : देशभरात पदवी परीक्षा होणार रद्द? लवकरच निर्णयाची शक्यता – degree exams may get cancelled across the country


म. टा. विशेष प्रतिनिधी, मुंबई

करोनाचा प्रादुर्भाव रोखण्यासाठी देशात जाहीर करण्यात आलेल्या लॉकडाउनमुळे देशातील सर्वच विद्यापीठांच्या पदवी परीक्षा होऊ शकलेल्या नाहीत. अंतिम वर्षाच्या सर्व परीक्षा रद्द करण्याचा निर्णय राज्य सरकारने घेतला आहेच, आता त्यावर विद्यापीठ अनुदान आयोगाकडूनही शिक्कामोर्तब होण्याची शक्यता आहे. देशातील सर्व विद्यापीठांना एकाच सूत्रात बांधून अंतिम वर्षाची परीक्षा न घेता आधीच्या सत्रांच्या गुणांच्या आधारे पदवी प्रदान करण्याचा विचार आयोगाच्या समितीने मांडला आहे. तसेच ज्यांना परीक्षा द्यायची आहे, त्यांच्यासाठी तो पर्याय खुला ठेवण्याचा विचारही समितीकडून मांडण्यात आल्याचे सूत्रांकडून समजते.

राज्य सरकारने पारंपरिक अभ्यासक्रमांच्या परीक्षा ऐच्छिक करण्याचा निर्णय घेतला. यापूर्वी पंतप्रधानांसोबत झालेल्या मुख्यमंत्र्यांच्या बैठकीत राज्याचे मुख्यमंत्री उद्धव ठाकरे यांनी देशात पदवी परीक्षांबाबत एकच सूत्र तयार करण्याची विनंती केली होती. राज्य सरकारने अंतिम वर्षाच्या परीक्षा न घेता आधीच्या सत्रांच्या गुणांच्या आधारे सरासरी गुण काढून अंतिम सत्राचे गुणदान करण्याचा निर्णय घेतला आहे. याचबरोबर ज्या विद्यार्थ्यांना परीक्षा द्यायची आहे, अशा विद्यार्थ्यांसाठी तो पर्याय खुला असेल, असेही स्पष्ट केले आहे. आता हेच सूत्र देशभर लागू होण्याचे संकेत विद्यापीठ अनुदान आयोगाने दिले आहेत. यामध्ये व्यावसायिक अभ्यासक्रमांच्या शिखर संस्थांनी म्हणजे मेडिकल कौन्सिल ऑफ इंडिया, बार कौन्सिल ऑफ इंडिया, आर्किटेक्चर कौन्सिल आदी संस्थांनी सरासरी गुण देण्याच्या निर्णयाला विरोध दर्शविला होता. यासंदर्भात त्यांनी मुख्यमंत्र्यांना पत्रही दिले होते. यामुळे राज्य सरकारने हे अभ्यासक्रम वगळून इतर अभ्यासक्रमांबाबत ऐच्छिक परीक्षांचा निर्णय घेतला होता. आता विद्यापीठ अनुदान आयोग या सर्व शिखर संस्थांना विश्वासात घेतले आहे व सर्वच अभ्यासक्रमांसाठी एकच निर्णय घेण्याची तयारी दर्शवली आहे. तसेच हा नियम देशातील सर्वच विद्यापीठांना लागू असेल.

दहावी, बारावीचा अभ्यासक्रम होणार कमी?

अकरावी प्रवेश प्रक्रियेत यावर्षी मोठे बदल

विद्यापीठ अनुदान आयोगाच्या आधीच्या सूचनांनुसार या सर्व परीक्षा जुलैमध्ये होणे आवश्यक होते. मात्र करोनाची सद्यस्थिती पाहता अनेक राज्य सरकारने आणि विद्यापीठे ही परीक्षा घेण्यास तयार नाहीत. यामुळे हरयाणा विद्यापीठाचे कुलगुरू आर. सी. कुहाड यांच्या अध्यक्षतेखाली स्थापन केलेल्या समितीने देशात ऐच्छिक परीक्षांचे सूत्र स्वीकारावे, अशी सूचना केल्याचे समजते. केंद्रीय मनुष्यबळ विकासमंत्री रमेश पोखरीयाल-निशंक यांनी बुधवारी विद्यापीठ अनुदान आयोगाने यापूर्वी दिलेल्या सूचनांचा पुनर्विचार करावा, अशी सूचना ट्विटरद्वारे करत सरकार विद्यार्थी हिताचा निर्णय घेणार असल्याचेही स्पष्ट केले. तर ‘विद्यापीठ अनुदान आयोगाने अद्याप याबाबत कोणताही अंतिम निर्णय घेतलेला नाही. या बाबी विचारधीन असून, लवकरच निर्णय घेण्यात येईल’, असे आयोगाचे उपाध्यक्ष भूषण पटवर्धन यांनी स्पष्ट केले.



Source link

LEAVE A REPLY

Please enter your comment!
Please enter your name here

Most Popular

Sunil Gavaskar: IND vs ENG : भारतातील सर्वाधिक क्रिकेट चाहते गुजरातमध्येच आहेत, सुनील गावस्कर यांचं वादग्रस्त विधान – ind vs eng : indian former...

अहमदाबाद, IND vs ENG : गुजरातमध्ये भारत आणि इंग्लंड यांच्यातील तिसरा कसोटी सामना रंगत आहे. यावेळी समालोचन करत असताना भारताचे माजी कर्णधार आणि...

Kareena Kapoor Khan New Photos From Home Saif Ali Khan – स्वतःसाठी वेळ काढत घरी आराम करताना दिसली करिना कपूर, पाहा फोटो | Maharashtra...

हायलाइट्स:हॉस्पिटमधून घरी आल्यावर आराम करतेय करिना कपूरदुसऱ्या बाळाचा चेहरा पाहण्यास चाहते उत्सुक२१ फेब्रुवारीला दिला दुसऱ्या मुलाला जन्ममुंबई-करिना कपूर खानला नुकताच अजून एक मुलगा...

Sensex rise today: Sensex Today शेअर बाजारात तेजी; सलग दुसऱ्या सत्रात सेन्सेक्स वधारला – sensex surge today reclaim 50000 mark

हायलाइट्स:भांडवली बाजारात आज सलग दुसऱ्या सत्रात तेजी आहे.सेन्सेक्स ४०० अंकांनी वधारला असून त्याने ५०१०० अंकाची पातळी ओलांडलीराष्ट्रीय शेअर बाजाराचे व्यवहार तांत्रिक बिघाडामुळे खंडीत...

Recent Comments