Home विदेश china on apps ban: Chinese apps ban भारताचा अॅप बंदीचा दणका; चीनला...

china on apps ban: Chinese apps ban भारताचा अॅप बंदीचा दणका; चीनला आठवला कायदा! – china is strongly concerned, verifying the situation says chinese foreign ministry


बीजिंग: लडाखमधील प्रत्यक्ष नियंत्रण रेषेवर भारत-चीनमध्ये तणाव निर्माण झाला आहे. भारताच्या हद्दीत घुसखोरी करणाऱ्या चीनवर दबाव वाढवण्यासाठी भारत सरकारने टिकटॉकसह ५९ चिनी अॅपवर बंदी घातली आहे. केंद्र सरकारच्या या निर्णयानंतर चीनला आता आंतरराष्ट्रीय कायद्याची आठवण झाली आहे. परदेशी गुंतवणूकदारांच्या कायदेशीर अधिकारांचे रक्षण झाले पाहिजे असे चीनने म्हटले आहे.

लडाखमधील प्रत्यक्ष नियंत्रण रेषेवर भारत आणि चीनमध्ये वाढलेल्या तणावाच्या पार्श्वभूमीवर भारताने सुरक्षितेच्या मुद्यावर चिनी कंपन्याच्या ५९ अॅप्सवर बंदी आणली. बंदी घातलेल्या अॅप्सविरोधात अनेक तक्रारी येत होत्या. हे अॅप्स देशाचे सार्वभौमत्व, सुरक्षा आणि अखंडतेसाठी घातक बनत चालले होते. चीन या अॅप्सद्वारे भारतीयांच्या डेटाशी छेडछाड करू शकत होता, त्यामुळे केंद्र सरकारने या अॅप्सवर बंदी घातली. त्यानंतर मंगळवारी, चीनच्या परराष्ट्र मंत्रालयाने यावर भूमिका मांडली. परराष्ट्र मंत्रालयाचे प्रवक्ते झाओ लिजियन यांनी सांगितले की, या प्रकरणाबाबत चीन चिंतेत असून याबाबतची सर्व माहिती जमा करण्यात येत आहे. याची गंभीर दखल घेण्यात आली आहे. चीन सरकारने कायमच आपल्या देशातील कंपन्यांना अन्य देशांमधील कायद्यांचे पूर्णपणे पालन करण्याची सूचना, निर्देश दिलेले आहेत. भारतानेदेखील परदेशी गुंतवणुकदारांच्या कायदेशीर अधिकारांचा सन्मान करायला हवा. यामध्ये चिनी गुंतवणूकदार असून भेदभाव करता कामा नये असेही त्यांनी म्हटले.

वाचा: भारतानंतर अमेरिकेचाही चीनला दणका; ‘या’ कंपन्यांवर बंदी

वाचा: केंद्र सरकारची चिनी अॅप्सवर बंदी; चीनचा थयथयाट सुरू

केंद्र सरकारच्या या निर्णयाचे पडसाद चीनमध्येही उमटले आहेत. चीनच्या सरकारी माध्यमांनी भारत सरकारच्या या निर्णयाविरोधात थयथयाट सुरू केला आहे. भारताचा हा निर्णय म्हणजे अमेरिकन सरकारची नक्कल करण्याचा प्रयत्न असल्याचे त्यांनी म्हटले आहे.चीनचे सरकारी वृत्तपत्र ग्लोबल टाइम्सने म्हटले की, भारताने घेतलेला हा निर्णय म्हणजे अमेरिकेच्याजवळ जाण्याचा प्रयत्न आहे. अमेरिकेनेदेखील राष्ट्रवादाच्या आडून चिनी वस्तूंवर बंदी आणण्यासाठी प्रयत्न सुरू केले. या निर्णयामुळे भारताच्या अर्थव्यवस्थेवर परिणाम होणार असल्याचे ग्लोबल टाइम्सने म्हटले आहे.

वाचा: ५९ अॅपच्या बंदीपूर्वीच चीनचाही भारताविरोधात मोठा निर्णय

वाचा: चीनला अद्दल घडवा! अमेरिकन सिनेटमध्ये विधेयक मंजूर

दरम्यान, चीनमध्ये भारतीय ई-पेपर आणि न्यूज वेबसाइट बंद करण्यात आल्या आहेत. अनेक युझर्स भारतातील बातम्या वाचू शकत नाहीत. तर अनेकांना फक्त व्हर्च्युअल प्रायव्हेट नेटवर्क म्हणजेच व्हीपीएनसह वेबसाइट वाचता येत आहेत. दुसरीकडे चीनच्या वेबसाइट आणि वृत्तपत्र भारतात वाचले जाऊ शकतात. पण चीनमधील भारतीयांना व्हीपीएनशिवाय पर्याय नाही. सर्वात जास्त ऑनलाइन सेन्सरशिप असणाऱ्या देशांमध्ये चीनचा समावेश होतो. देशांतर्गत इंटरनेटवर चीनची मोठ्या प्रमाणात नजर असते



Source link

LEAVE A REPLY

Please enter your comment!
Please enter your name here

Most Popular

covaxin: ‘कोव्हॅक्सिन’ लस घेण्यास RML डॉक्टरांचा नकार, ‘कोव्हिशिल्ड’ची मागणी – resident doctors of ram manohar lohia hospital refusing to take covaxin

नवी दिल्ली : देशात शनिवारी कोव्हिड १९ लसीकरण मोहिमेला प्रारंभ करण्यात आलाय. याच दरम्यान दिल्लीत राम मनोहर लोहिया रुग्णालयाच्या (RML Hospital) डॉक्टरांनी 'कोव्हॅक्सिन'...

BMC: आयुक्तांचे विशेष अधिकार काढले – bmc standing committee meeting agreed to remove the powers of bmc commissioner for corona expenditure

म. टा. विशेष प्रतिनिधी, मुंबईमार्चपासून करोना प्रतिबंधासाठी महापालिकेने प्रयत्नांची पराकाष्ठा केली आहे. या कालावधीत करोना नियंत्रणासाठी महापालिका आयुक्तांना विशेष अधिकार देण्यात आले. मात्र...

Nashik Municipal Corporation election: शिवसेनेचे मिशन महापालिका सुरू – shiv sena’s mission started for nashik municipal corporation election

म. टा. खास प्रतिनिधी, नाशिकशिवसेनेने वर्षभरापूर्वीच मिशन महापालिका सुरू केले असून, निवडणुकीच्या पार्श्वभूमीवर वर्षभराची रणनीती ठरवण्यासह नाशिकच्या प्रश्नांवर शिवसेना पक्षप्रमुख तथा मुख्यमंत्री उद्धव...

Recent Comments