Home देश corona caller tune: कान पकले, करोनाची कॉलर ट्यून बंद करा; 'या' आमदाराची...

corona caller tune: कान पकले, करोनाची कॉलर ट्यून बंद करा; ‘या’ आमदाराची मागणी – rajasthan congress mla bharat singh writes letter to central government to stop mobile caller tune raising awareness about corona virus


जयपूर: राजस्थानचे मुख्यमंत्री अशोक गेहलोत यांनी एकीकडे करोनाच्या विरोधात जनजागृती अभियान छेडलेले असताना दुसरीकडे काँग्रेस पक्षाच्या एका आमदाराने करोनाबाबतच्या जनजागृतीसाठी सरकारतर्फे ऐकवण्यात येत असलेल्या कॉलर ट्यूनवर आक्षेप घेतला आहे.

करोना जागृतीबाबतच्या या कॉलर ट्यूनवर आक्षेप घेणाऱ्या या काँग्रेसच्या आमदाराचे नाव आहे भरत सिंह. भरत सिंह हे माजी मंत्री असून ते सांगेदचे आमदार आहेत. भरत सिंह यांनी केंद्र सरकारला पत्र लिहून फोनमध्ये ऐकू येणारी करोना विषाणूबाबत जनजागृती करणारी कॉलर ट्यून बंद करण्याची विनंती केली आहे.

मार्च महिन्यात ही ट्यून सुरू करण्यात आली. आणि आता तर जून महिना आला आहे. ज्यांना ही ट्यून ऐकायची आहे, आणि समजायचे आहे ते आतापर्यंत समजले असतील. आता यापुढेही ही ट्यून सुरू ठेवू नये. ही ट्यून ऐकून आता कान पकले आहेत, असे सिंह यांनी म्हटले आहे.

भरत सिंह हे राजस्थानचे वजनदार नेते आहेत. मागील गेहलोत सरकारमध्ये ते मंत्री होते. मात्र, या वेळी ते मंत्री बनू शकलेले नाहीत. माजी मंत्री भरत सिंह हे अशा प्रकारच्या पत्रांसाठी राजस्थानात प्रसिद्ध आहेत. या पूर्वी त्यांनी लॉकडाउनमध्ये दारूबंदी हटवण्यासाठी मुख्यमंत्री अशोक गेहलोत यांना पत्र लिहिले होते.

वाचा: करोना Live: देशातील एकूण रुग्णांची संख्या पोहोचली ५,२८,८५९ वर

राजस्थानात मुख्यमंत्री अशोक गेहलोत यांनी करोना विषाणूविरोधात कंबर कसली आहे. मुख्यमंत्री गहलोत हे प्रत्येक स्तरावर करोनाचा मुकाबला करण्यासाठी सरसावले आहेत. अशा वेळी आमदार भरत सिंह यांनी ही कॉलर ट्यून बंद करण्याची विनंती करणारे पत्र केंद्र सरकारला लिहिले आहे.

वाचा: महिलांचे नवे अभियान; घरोघरी जाऊन वाजवतात घंटी

दरम्यान, राजस्थानात आज रविवारी ५ करोनाबाधित रुग्णांचा मृत्यू झाला असून राज्यात करोनाचे एकूण बळींची संख्या पोहोचली आहे ३९६ वर. राज्यात १७५ नवे करोनाबाधित रुग्ण सापडल्यानंतर आता एकूण करोनाबाधितांची संख्या पोहोचली १७,११९ वर. यांपैकी एकूण ३,२९७ रुग्णांवर विविध रुग्णालयांमध्ये उपचार सुरू आहेत. जयपूरमध्ये करोनामुळे एकूण १५७ रुग्णांचा मृत्यू झाला असून जोधपूरमध्ये ४१, भरतपूरमध्ये ३४, कोटा येथे २२, अजमेरमध्ये १६, बीकानेरमध्ये १३ आणि नागौरमध्ये एकूण १२ रुग्णांचा मृत्यू झाल्याची माहिती राज्याचे अतिरिक्त मुख्य सचिव रोहितकुमार सिंह यांनी दिली.

आमदार भरत सिंह

वाचा:दिल्ली सरकारने घाबरवले, सामूहिक संसर्ग नाहीः अमित शहा



Source link

LEAVE A REPLY

Please enter your comment!
Please enter your name here

Most Popular

Recent Comments