Home शहरं औरंगाबाद coronavirus: औरंगाबादेत आत्तापर्यंत २३० करोनाबाधितांचा मृत्यू; एकूण रुग्णसंख्या ४२६६ - 230 coronavirus...

coronavirus: औरंगाबादेत आत्तापर्यंत २३० करोनाबाधितांचा मृत्यू; एकूण रुग्णसंख्या ४२६६ – 230 coronavirus patient found in aurangabad


म. टा. प्रतिनिधी, औरंगाबाद: गेल्या ४८ तासांमध्ये ४० ते ७३ या वयोगटातील १२ करोनाबाधितांचा उपचारादरम्यान शासकीय वैद्यकीय महाविद्यालय व रुग्णालयामध्ये (घाटी) मृत्यू झाला आहे. त्यामुळे घाटीत आतापर्यंत १७६, तर जिल्ह्यात २३० बाधितांनी आपले प्राण गमावल्याचे स्पष्ट झाले आहे. तसेच गुरुवारी (२५ जून) आतापर्यंत २३० नवे बाधित आढळून आल्याने जिल्ह्यातील करोनाबाधितांची संख्या ४२६६ झाली आहे.

रेहमानिया कॉलनीतील ४० वर्षीय करोनाबाधित पुरुष रुग्णाला २३ जूनला घाटीत दाखल केले होते व न्युमोनिया, श्वसनविकारामुळे त्याचा २३ जून रोजी सायंकळी पावणेआठला मृत्यू झाला. छावणीतील ५५ वर्षीय करोनाबाधित पुरुष रुग्णास १६ जूनला घाटीत दाखल केले होते व श्वसनविकार, न्युमोनियाने रुग्णाचा २४ जूनला दुपारी एकला मृत्यू झाला. कटकट गेट येथील ६६ वर्षीय बाधित पुरुष रुग्णास २० जूनला घाटीत दाखल केले होते व श्वसनविकार, न्युमोनिया, सेप्टिसेमिया, सायटोकाईन स्टॉर्म आदी गुंतागुंतीमुळे रुग्णाचा २४ जूनला दुपारी एक वाजता मृत्यू झाला. नूतन कॉलनीतील ६० वर्षीय बाधित महिला रुग्णास १४ जून रोजी घाटीत दाखल केले होते व मधुमेह, उच्चरक्तदाब, श्वसनविकार, न्युमोनिया आदींमुळे रुग्णाचा २४ जूनला सायंकाळी सातला मृत्यू झाला. सईदा कॉलनीतील ७३ वर्षीय बाधित पुरुष रुग्णास २४ जून रोजी घाटीत दाखल केले होते व मधुमेह, उच्चरक्तदाब, श्वसनविकार, न्युमोनियाने रुग्णाचा २४ जूनला रात्री साडेनऊला मृत्यू झाला. भारत नगर येथील ७० वर्षीय बाधित महिला रुग्णास ५ जूनला घाटीत दाखल केले होते व उच्चरक्तदाब, श्वसनविकार, न्युमोनियाने रुग्णाचा २४ जूनला रात्री सव्वाअकराला मृत्यू झाला.

वाचाः आज ३ हजार रुग्णांची करोनावर मात; राज्यात रुग्ण बरे होण्याचे प्रमाण वाढले

नॅशनल कॉलनीतील ४९ वर्षीय बाधित पुरुष रुग्णास १७ जूनला घाटीत दाखल केले होते व श्वसनविकार, न्युमोनिया, सायटोकाईन स्टॉर्म आदींमुळे रुग्णाचा २४ जूनला मध्यरात्री एकला मृत्यू झाला. मुजीब कॉलनी, रोशनगेट येथील ६५ वर्षीय बाधित पुरुष रुग्णास १४ जूनला घाटीत दाखल केले होते व हृदयरोग, श्वसनविकार, न्युमोनिया आदींमुळे रुग्णाचा गुरुवारी पहाटे तीनला मृत्यू झाला. देवळाईतील ५२ वर्षीय बाधित पुरुष रुग्णास २१ जूनला घाटीत दाखल केले होते व मधुमेह, श्वसनविकार, न्युमोनिया, हृदयविकार आदींमुळे रुग्णाचा गुरुवारी सकाळी साडेसहाला मृत्यू झाला. मदनी चौक येथील ७० वर्षीय बाधित पुरुष रुग्णास १३ जूनला दाखल केले होते व हृदयविकार, न्युमोनिया आदींमुळे रुग्णाचा गुरुवारी सकाळी साडेसातला मृत्यू झाला. फाजलपुरा येथील ५० वर्षीय बाधित महिला रुग्णास १२ जूनला दाखल केले होते व न्युमोनिया, श्वसनविकार आदींमुळे रुग्णाचा गुरुवारी सकाळी आठला मृत्यू झाला. अझमशाहीपुरा (खुलताबाद) येथील ६० वर्षीय पुरुष रुग्णास २२ जूनला दाखल केले होते व मधुमेह, श्वसनविकार, न्युमोनिया आदींमुळे रुग्णाचा गुरुवारी सव्वाआठला मृत्यू झाला. त्यामुळे आतापर्यंत घाटीत १७६, तर जिल्ह्यात आतापर्यंत २३० बाधितांचा मृत्यू झाला आहे.

वाचाः दिवसभरात ४८४१ नवे रुग्ण आढळले; तर १९२ करोनाबाधितांचा मृत्यू



Source link

LEAVE A REPLY

Please enter your comment!
Please enter your name here

Most Popular

Mira-Bhayandar Municipal Corporation: मीरा-भाईंदर महापालिका अधिकाऱ्यांना हायकोर्टाचा झटका – court asks question to mira-bhayandar municipal officers over delayed the process of making appointments of...

म. टा. विशेष प्रतिनिधी, मुंबईमीरा-भाइंदर महापालिकेत चार स्वीकृत नगरसेवकांच्या नियुक्तीला नगरविकास मंत्री एकनाथ शिंदे यांनी दिलेली स्थगिती मुंबई उच्च न्यायालयाने बेकायदा ठरवून ती...

Recent Comments