Home महाराष्ट्र coronavirus : राज्यात ५५२ नवे करोनाग्रस्त; १२ जणांचा मृत्यू, एकूण रुग्णसंख्या ४२००...

coronavirus : राज्यात ५५२ नवे करोनाग्रस्त; १२ जणांचा मृत्यू, एकूण रुग्णसंख्या ४२०० वर – 552 new covid 19 positive cases and 12 deaths reported till sunday 19th april; total number of positive cases in maharashtra rises to 4200


मुंबई: राज्यात रविवारी करोनाबाधित ५५२ नवीन रुग्णांची नोंद झाली. यामुळे एकूण रुग्ण संख्या ४२०० झाली आहे. १४२ रुग्णांना घरी सोडण्यात आले असून आतापर्यंत राज्यभरात ५०७ रुग्ण बरे झाले आहेत. तर एकूण ३४७० रुग्णांवर उपचार सुरू आहेत, अशी माहिती आरोग्यमंत्री राजेश टोपे यांनी आज दिली.

रविवारपर्यंत पाठविण्यात आलेल्या ७२ हजार ०२३ नमुन्यांपैकी ६७ हजार ६७३ जणांचे प्रयोगशाळा नमुने करोनाकरिता निगेटिव्ह आले आहेत. तर ४२०० जण पॉझिटिव्ह आले आहेत. सध्या राज्यात ८७ हजार २५४ नागरिक होम क्वारंटाइनमध्ये असून ६,७४३ लोक संस्थात्मक क्वारंटाइनमध्ये आहेत.

आज राज्यात १२ करोनाबाधित रुग्णांचा मृत्यू झाला आहे. त्यात मुंबई येथील ६ आणि मालेगाव येथील ४ तर, एक मृत्यू सोलापूर महापालिका क्षेत्र आणि एक मृत्यू अहमदनगरमधील जामखेड येथील आहे. मृतांमध्ये ४ पुरुष , तर ८ महिला आहेत. आज झालेल्या १२ मृत्यूंपैकी ६० वर्षे किंवा त्यावरील ६ रुग्ण आहेत, तर ५ रुग्ण हे वय वर्षे ४० ते ६० या वयोगटातील आहेत. एक रुग्ण ४० वर्षांखालील आहे. मालेगाव येथील मृत्युमुखी पडलेल्या ४ रुग्णांना इतर काही आजार आहेत का याची माहिती अद्याप मिळू शकलेली नाही. उर्वरित ८ जणांपैकी ६ रुग्णांमध्ये ( ७५ टक्के) मधुमेह, उच्च रक्तदाब, हृदयरोग अशा स्वरुपाचे अतिजोखमीचे आजार आढळले आहेत. करोनामुळे राज्यात झालेल्या मृत्यूंची संख्या आता २२३ झाली आहे.

राज्यातील जिल्हा आणि मनपानिहाय रुग्णांचा रविवारपर्यंतचा तपशील: (कंसात मृत्यूंची आकडेवारी)


मुंबई महापालिका: २ हजार ७२४ (१३२), ठाणे: २० (२), ठाणे मनपा: ११० (२), नवी मुंबई मनपा : ७२ (३), कल्याण-डोंबिवली महापालिका: ६९ (२), उल्हासनगर मनपा: १, भिवंडी-निजामपूर मनपा: ५, मिरा-भाईंदर मनपा: ७१ (२), पालघर: १७ (१), वसई-विरार मनपा: ८५ (३), रायगड: १३, पनवेल मनपा: २७ (१), ठाणे मंडळ, एकूण: ३ हजार २१४ (१४८). नाशिक: ४, नाशिक मनपा: ५, मालेगाव मनपा: ७८ (६), अहमदनगर: २१ (२), अहमदनगर मनपा: ८, धुळे: १ (१), जळगाव: १, जळगाव मनपा: २ (१), नंदुरबार: १

नाशिक मंडळ, एकूण: १२१ (१०). पुणे: १७ (१), पुणे मनपा: ५४६ (४९), पिंपरी-चिंचवड मनपा: ४८ (१), सोलापूर मनपा: १५ (२), सातारा: ११ (२), पुणे मंडळ, एकूण: ६३७ (५५). कोल्हापूर: ३, कोल्हापूर मनपा: ३, सांगली: २६, सांगली मिरज कुपवाड मनपा: १, सिंधुदुर्ग: १, रत्नागिरी: ६ (१), कोल्हापूर मंडळ, एकूण: ४० (१). औरंगाबाद मनपा: ३० (३), जालना: १, हिंगोली: १ , परभणी मनपा: १, औरंगाबाद मंडळ, एकूण: ३३ (३). लातूर: ८, उस्मानाबाद: ३, बीड: १, लातूर मंडळ, एकूण: १२. अकोला: ७ (१), अकोला मनपा: ९, अमरावती मनपा: ६ (१), यवतमाळ: १४, बुलढाणा: २१ (१), वाशिम: १, अकोला मंडळ एकूण: ४८ (३), नागपूर: २, नागपूर मनपा: ६७ (१), गोंदिया: १, चंद्रपूर मनपा: २, नागपूर मंडळ, एकूण: ७२ (१). इतर राज्ये: १३ (२) . एकूण: ४ हजार २०० (२२३).

Live: मुंबईत आज १३५ करोनाग्रस्त; ६ मृत्यू

…हे ठरलं देशातील पहिलं ‘करोनामुक्त’ राज्य!





Source link

LEAVE A REPLY

Please enter your comment!
Please enter your name here

Most Popular

Haryana: तरुणीचे अपहरण करून हॉटेलमध्ये सामूहिक बलात्कार, पीडितेने सांगितली आपबीती – hisar woman abducted and raped in haryana

हायलाइट्स:तरुणीचे अपहरण करून सामूहिक बलात्कारहरयाणातील हिसारमधील धक्कादायक घटनापीडितेने पोलिसांत केली तक्रार दाखल अपहरणकर्त्या तरुणांचा पोलिसांकडून शोध सुरू हिसार: हरयाणाच्या हिसारमधील एका गावातील एका...

mohan delkar suicide case: ‘डेलकरांना मरण यातना देणारे अजून मोकाट कसे?’ – nana patole criticized bjp over mohan delkar suicide case

हायलाइट्स:नाना पटोले यांचा भाजपवर हल्लाबोलमोदी सरकारनं GDPची वाढ केली, असा टोलाही लगावला आहेमोहन डेलकर यांच्या आत्महत्या प्रकरणीही पटोले यांनी मागणी केली आहे. मुंबईः...

Jasprit Bumrah: इंग्लंडविरुद्धच्या वनडे मालिकेसाठी भारतीय संघात नसणार हा मुख्य खेळाडू – ind vs eng pacer jasprit bumrah expected to miss odi series against...

हायलाइट्स:भारतीय संघ इंग्लंडविरुद्धच्या टी-२० मालिकेनंतर वनडे मालिका खेळणार आहेटी-२० मालिकेसाठी जसप्रीत बुमराहला विश्रांती देण्यात आली आहेआता वनडे मालिकेसाठी देखील त्याला विश्रांती दिली जाण्याची...

Recent Comments