Home शहरं नागपूर Coronavirus 8 New Positive Cases in Nagpur - धोका वाढला! नागपुरात करोनाग्रस्तांची...

Coronavirus 8 New Positive Cases in Nagpur – धोका वाढला! नागपुरात करोनाग्रस्तांची संख्या ८० वर


नागपूर: करोना विषाणूची साखळी नागपुरभोवती दिवसेंदिवस करकचून आवळली जात आहे. एकाच दिवशी काल दहा रुग्णांना प्रादुर्भाव झाल्यानंतर अवघ्या काही तासांमध्ये यात आणखी आठ जणांची भर पडली. त्यामुळे या विषाणूने शहरात शिरकाव केल्यापासून आतापर्यंत बाधित झालेल्यांची संख्या ८० पर्यंत पोहोचली आहे.

चिंतेची बाब म्हणजे शहरात सोमवारी नव्याने पॉझिटिव्ह आढळलेल्या आठ जणांपैकी बहुतांश जण हे सतरंजीपुरा येथील करोनाबाधित रुग्णाच्या निकट सहवासात आलेल्यांपैकी आहेत. करोना प्रादुर्भावाची साखळी खंडीत होण्याऐवजी ती दिवसागणिक वाढत असल्याने सतरंजीपुराचा परिसर या आजाराचे केंद्रबिंदू ठरत आहे. त्यामुळे संपूर्ण सतरंजीपुरा, मोमिनपुरा आणि शांतीनगरात भीती- दहशत आणि चिंता असे विचित्र वातावरण आहे.

सोमवारी पॉझिटिव्ह आढळलेल्यांच्या घशातील स्त्रावाची शहरातील मेडिकल, मेयो आणि एम्स अशा तिन्ही ठिकाणी चाचणी करण्यात आली. त्यात एम्समध्ये एक, मेयोत एक तर मेडिकलच्या विषाणू प्रयोगशाळेत चार नमुन्यांमध्ये करोनाचा अंश सापडला. यात मेडिकलमध्ये पॉझिटिव्ह आढळलेल्यांमध्ये ४० वर्षीय पुरुष आणि अनुक्रमे ११ वर्षीय मुलगी आणि ३५ वर्षीय महिलेचा समावेश आहे. तर मेयोत तपासलेल्या नमुन्यांपैकी १३ वर्षीय मुलाच्या घशातील स्त्राव नमुन्यात करोना विषाणूचा अंश सापडला. सतरंजीपुरा येथील रुग्णाचा नातेवाईक असलेला हा मुलगा लोणारा येथील विलगीकरण कक्षात दाखल होता.

आतापर्यंतचा तपशील:


दैनिक संशयित : ८३


एकूण संशयित : ११७५

सध्या भरती संशयित : ९०

एकूण भरती संशयित : १२११

एकूण भरती सकारात्मक रुग्ण : ६१

दैनिक तपासणी नमुने :१२

एकूण तपासणी नमुने:१६५७

आतापर्यंत पॉझिटिव्ह नमुने: ८०

घरी सोडलेले सकारात्मक रुग्ण : १२

घरी सोडलेले संशयित : ११२०

आज अलगीकरण केलेले संशयित : ७४

अलगीकरण कक्षात भरती संशयित :६२२

अलगीकरण कक्षातून घरी पाठविलेले संशयित : ३३

अलगीकरण कक्षातून रुग्णालयात पाठविलेले संशयित : ०२

पाठपुरावा सुरु असलेले एकूण संशयित : ४६३

करोना: मालेगावात युनानी डॉक्टरसह दोघांचा मृत्यू

धुळे आणि पालघरमध्ये करोनाचे दोन रुग्ण सापडले





Source link

LEAVE A REPLY

Please enter your comment!
Please enter your name here

Most Popular

Bill Gates: हे कसं घडलं? बिल गेट्स ठरले अमेरिकेतील सर्वात मोठे शेतकरी! – bill gates became americas biggest farmer bought 242,000 acres land

वॉशिंग्टन: मायक्रोसॉफ्टचे सह-संस्थापक बिल गेट्स हे अमेरिकेतील सर्वात मोठे शेतकरी झाले आहेत. बिल गेट्स यांनी अमेरिेकेतील १८ राज्यांमधील दोन लाख ४२ हजार एकर...

What is Honey Trap?: Explainer: हनी ट्रॅप म्हणजे काय? – what does it mean by honey trap?

मुंबई: सामाजिक न्यायमंत्री धनंजय मुंडे यांच्यावर रेणू शर्मा या महिलेनं केलेल्या बलात्काराच्या आरोपानंतर राज्यातील राजकारण ढवळून निघालं आहे. मुंडे हे विरोधकांच्या निशाण्यावर आले...

Recent Comments