Home विदेश coronavirus and economy : करोना: 'अर्थव्यवस्थेसाठी मदत मोजून-मापून करा' - coronavirus and...

coronavirus and economy : करोना: ‘अर्थव्यवस्थेसाठी मदत मोजून-मापून करा’ – coronavirus and economy crisis how deal with it said economist amit panagariya


न्यूयॉर्क: ‘कोव्हिड १९ साथीच्या परिणामांचा सामना करताना भारताने काही घटकांना मोठ्या प्रमाणात मदत करण्याऐवजी अर्थव्यवस्थेला चालना देणारी पॅकेज द्यायला हवीत. या पॅकेजच्या माध्यमांतून अस्थिर व्यवसायांनाही पुरेसे कर्ज उपलब्ध करून द्यावे. त्याच वेळी अधिक ‘मोजून-मापून’ दृष्टिकोनावर लक्ष केंद्रित करावे,’ असे प्रसिद्ध अर्थतज्ज्ञ आणि नीती आयोगाचे माजी उपाध्यक्ष अरविंद पनगरिया यांनी सांगितले.

‘जगातील सर्व देशांप्रमाणेच भारतालाही ‘कोव्हिड १९’ साथीचा सामना करताना अवघड पर्याय स्वीकारावे लागले आहेत. आतापर्यंत भारत तारेवरची कसरत करत आहे, आपले स्रोत आणि व्यवस्थापन क्षमता वापरत आहे,’ असे पनगरिया यांनी ‘पीटीआय’ला सांगितले. आरोग्य आणि आर्थिक आघाडीवर सामना करणाऱ्या भारतात यापुढे विविध घटकांकडून मोठ्या प्रमाणावर मदतीची; तसेच पॅकेज जाहीर करण्याची मागणी होईल. यातील काही पॅकेजचे स्वरूप खूप मोठे असेल, असेही पनगरिया म्हणाले.’या पॅकेजमध्ये अस्थिर उद्योगांना पुरेसे कर्ज उपलब्ध व्हायला हवे. त्यामुळे करोनानंतरच्या जगात हे व्यवसाय दीर्घ काळ चालू शकतील,’ असेही कोलंबिया विद्यापीठात अर्थशास्त्राचे प्राध्यापक असलेल्या पनगरिया यांनी सांगितले. ‘कोलंबियाज स्कूल ऑफ इंटरनॅशनल अँड पब्लिक अफेअर्स’चे ते संचालकही आहेत.

वाचा: अमेरिकेत हाहाकार; करोनामुळे ४० हजार मृत्यू


‘मोठ्या प्रमाणावरील मदतीच्या मागण्यांपासून सरकारने दूर राहण्याची; तसेच मदतीमध्ये अधिक मोजून-मापून दृष्टिकोन अवलंबण्याची गरज आहे. अन्नाची तरतूद, सर्वांसाठी निवारा आणि मूलभूत जीवनावश्यक गरजा, पूर्वीच्या कर्जांच्या हप्त्यांच्या वसुलीत सहनशीलता, उद्योगांसाठी खेळत्या भांडवासाठी वाढीव तरतूद या मर्यादित बाबींमध्येच हस्तक्षेप करावा,’ असेही पनगरिया म्हणाले.’मोठ्या प्रमाणावर पैसा छापल्याने लगेचच महागाईत वाढ होणार नाही. कारण ज्यावर खर्च करायचा अशा वस्तू लगेचच उपलब्ध नाहीत. मात्र, परिस्थिती सामान्य झाल्यावर आपल्याला अशा परिस्थिपासून दूर जाता येणार नाही. लोकांच्या हातात अधिकच्या असलेल्या अब्जावधी रुपयांमुळे त्याचे रूपांतर प्रभावी मागणीत होईल,’ असेही पनगरिया म्हणाले.

वाचा:
‘या’ देशाने लॉकडाउन न करता करोनाला दिली मात


भारत लवकरच नव्याने दिलाशाच्या उपाययोजना जाहीर करणार असल्याचे; तसेच गरीब नागरिक आणि उद्योगांसाठी मदत जाहीर करणार असल्याचे अर्थमंत्री निर्मला सीतारामन यांनी शुक्रवारी सांगितले होते. जागतिक बँकेच्या विकास समितीच्या बैठकीत सीतारामन यांनी व्हिडिओ कॉन्फरन्सिंगद्वारे भाग घेतला होता. भारत गरजू देशांना करोनाबाधित रुग्णांवरील उपचारांसाठी औषधांचा पुरवठा सुरू ठेवणार असल्याचे सीतारामन यांनी सांगितले होते. भारताने १ लाख ७० हजार कोटी रुपयांची मदत जाहीर केली आहे. यामध्ये आरोग्य कर्मचाऱ्यांसाठी मोफत आरोग्य विमा, याशिवाय अशा कर्मचाऱ्यांना कॅश ट्रान्सफर, मोफत जेवण, गॅस वितरण; तसेच सामाजिक सुरक्षेच्या उपाययोजनांचा समावेश आहे. आरोग्य मंत्रालयाने दिलेल्या माहितीनुसार १८ एप्रिलपर्यंत देशात करोनाबाधित रुग्णांची संख्या १२,२८९ आहे आणि ४८८ लोकांचा मृत्यू झाला आहे.

आणखी वाचा:
करोनाचा हाहाकार: अमेरिकेतील लॉकडाऊन संपणार?
जगभरात नोव्हेंबरमध्ये करोनाची दुसरी लाट येणार?






Source link

LEAVE A REPLY

Please enter your comment!
Please enter your name here

Most Popular

येथे जाड सुईने 'टुचुक' केले जाईल…

एक मार्च हा दिवस काळाच्या दंडावर कायमस्वरूपी अन् करकचून टोचून ठेवला गेला आहे, याबाबत आमच्या मनात किंचितही शंका नाही. साक्षात पंतप्रधान नमोजींनी या...

Recent Comments