Home शहरं मुंबई coronavirus in maharashtra: करोना: राज्यात पुरुषांपेक्षा महिला रुग्णांचे प्रमाण कमी - female...

coronavirus in maharashtra: करोना: राज्यात पुरुषांपेक्षा महिला रुग्णांचे प्रमाण कमी – female patients less than male patients in the state


म. टा. विशेष प्रतिनिधी, मुंबई

करोना संसर्गाच्या पहिल्या टप्प्यात लहान मुले व महिलांचा मोठ्या प्रमाणात समावेश नव्हता. आताही राज्यातील ३८ टक्के महिलांनाच लागण झाल्याचे दिसून येते. हे प्रमाण पुरुषांच्या तुलनेत कमी आहे. सरकारकडून प्रसिद्ध करण्यात येत असलेल्या वैद्यकीय विश्लेषण अहवालात राज्यातील ६७,६६८ रुग्णांचे आरोग्य विश्लेषण करण्यात आले आहे. यात ही माहिती समोर आली आहे.

सरकारने करोना मृत्युदर कमी करण्यासाठी कोणत्या उपाययोजना तातडीने करण्यात याव्यात यासाठी नियुक्त केलेल्या समितीचे प्रमुख डॉ. अविनाश सुपे यांनी महिलांमध्ये करोनाची बाधा होण्याचे प्रमाण कमी असल्याचे सांगितले. पुरुषांच्या तुलनेने बाहेरील संसर्गाशी थेट संपर्क जास्त नसल्यामुळे हे प्रमाण कमी असण्याची शक्यता त्यांनी वर्तवली.

करोनामुळे पुरुषांच्या मृत्यूचे प्रमाण ६४ टक्के, तर स्त्रियांच्या मृत्यूचे प्रमाण ३६ टक्के आहे. महिलाच्या तुलनेत पुरुषांमध्ये व्यसनाधीनता अधिक असते. उच्च रक्तदाब आणि मधुमेहाचे प्रमाणही पुरुषांमध्ये वाढते आहे. परिणामी त्यांच्या आरोग्याचे प्रश्न अधिक गुंतागुंतीचे होतात. करोना थेट फुफ्फुसाच्या कार्यक्षमतेवर परिणाम करत असल्यामुळे पुरुषांमध्ये हे दुष्परिणाम अधिक दिसून येतात, असे वैद्यकीय तज्ज्ञांचे निरीक्षण आहे.

पालिकेच्या नायर रुग्णालयामध्ये १८०हून अधिक करोनाबाधित महिलांनी करोनामुक्त बाळांना जन्म दिला आहे. म्हणजेच आईकडून बाळाला होणाऱ्या संसर्गाचे प्रमाणही नगण्य आहे. याची नेमकी कोणती कारणे आहेत, याचा अभ्यास विविध वैद्यकीय संस्थांमध्ये अभ्यास सुरू आहे.

८३ टक्के रुग्ण लक्षणे नसलेले

राज्यात लक्षणे नसलेले एकूण रुग्ण ८३ टक्के, लक्षणे असलेल्यांचे प्रमाण १३ टक्के आणि गंभीर रुग्णांचे प्रमाण चार टक्के असल्याचे या वैद्यकीय विश्लेषणामध्ये नोंदवण्यात आले आहे. मंगळावर सकाळी १०पर्यंत ज्यांच्या प्रकृतीचा अभ्यास करण्यात आला, त्यापैकी ६९ टक्के रुग्णांना प्रकृतीसंदर्भात कोणत्या ना कोणत्या तक्रारी होत्या. ३१ टक्के रुग्णांमध्ये अशा तक्रारी दिसून आल्या नाहीत. राज्यात कोविड-१९च्या एकूण ४,८४,७८४ तापसण्या करण्यात आल्या. त्यातील १६ टक्के रुग्णांचे अहवाल पॉझिटिव्ह, तर ८४ टक्के रुग्णांचे निगेटिव्ह आले आहेत.

राज्यातील चाचण्यांची स्थिती

– सार्वजनिक प्रयोगशाळा : २,६१,७८७

– खासगी प्रयोगशाळा : २,२२,९०६

– एकूण : ४,८४,७८४



Source link

LEAVE A REPLY

Please enter your comment!
Please enter your name here

Most Popular

Pune: धक्कादायक! अंगावरील कपडे उतरवून तरुणाला बेल्टने मारहाण; व्हिडिओही काढला – 36 year old man abducted and beaten by belt in viman nagar pune

म. टा. प्रतिनिधी, पुणे: कर्जाची रक्कम परत न केल्याने तरुणाच्या अंगावरील कपडे उतरवून त्याला पट्ट्याने मारहाण केली. त्या मारहाणीचा व्हिडीओ काढून पैसे न...

nuh: haryana news: ४ मुली मृतावस्थेत आढळल्या, आई तडफडत होती; एका रात्रीत ‘असं’ काय घडलं? – haryana four girls found dead and woman injured...

नूह : हरयाणातील नूह जिल्ह्यात अंगाचा थरकाप उडवणारी घटना घडली आहे. येथील पिपरौली गावात चार मुली मृतावस्थेत आढळून आल्या. त्यांचा गळा चिरला होता....

Mount Everest: खरंच भूकंपामुळे माउंट एव्हरेस्टची उंची कमी झाली ? नवी उंची जाहीर होणार – nepal and china to announce revised height of mount...

काठमांडू: नेपाळमध्ये २०१५ साली झालेल्या भूकंपानंतर जगातील सर्वात उंच शिखर असलेल्या माउंट एव्हरेस्टची उंची घटल्याचा दावा केला जात होता. या दाव्यात किती तथ्य...

Recent Comments