Home शहरं मुंबई coronavirus in maharashtra : धोका वाढला: राज्यात करोनाचे आज ८११ नवीन रुग्ण;...

coronavirus in maharashtra : धोका वाढला: राज्यात करोनाचे आज ८११ नवीन रुग्ण; २२ मृत्यू – coronavirus updates: 811 new covid19 cases and 22 deaths have been reported in maharashtra today


मुंबई: महाराष्ट्रात करोनाबाधित रुग्णांची एकूण संख्या ७ हजार ६२८ वर पोहचली आहे. चिंता वाढवणारी बाब म्हणजे राज्यात आज एकाच दिवशी करोनाचे तब्बल ८११ नवीन रुग्ण आढळले असून आजवरचा २४ तासांतील करोना रुग्णसंख्येचा हा उच्चांक ठरला आहे. त्याचवेळी दिवसभरात करोनामुळे २२ जणांचा मृत्यू झाला असून या आजाराने आतापर्यंत ३२३ जणांना प्राणास मुकावे लागले आहे.

करोना संकट टळेपर्यंत दारू नकोच; CMना पत्र

राज्यात करोनाबाधित रुग्णांची संख्या झपाट्याने वाढत असताना दुसरीकडे करोनावर मात करणाऱ्या रुग्णांचीही संख्या मोठी आहे. आज दिवसभरता ११९ रुग्णांनी करोनावर मात केली असून आतापर्यंत १०७६ रुग्ण पूर्ण बरे होऊन घरी परतले आहेत. राज्याच्या आरोग्य विभागाने दिलेल्या आकडेवारीनुसार, राज्यात आज करोनामुळे २२ जणांचा मृत्यू झाला आहे. त्यात १३ मृत्यू मुंबईतील, ४ पुण्यातील तर पुणे ग्रामीण, पिंपरी चिंचवड, मालेगाव, धुळे आणि सोलापूर येथील प्रत्येकी एक रुग्ण आहे. राज्यात आतापर्यंत ३२३ जणांना करोनामुळे जीव गमवावा लागला आहे. आज झालेल्या मृत्यूंमध्ये १६ पुरुष आणि सहा महिला आहेत. यात ६० वर्षे किंवा त्यापेक्षा अधिक वयाचे ११ रुग्ण, ४० ते ५९ वयोगटातील ८ रुग्ण आणि ४० वर्षाखालील तीन रुग्णांचा समावेश आहे. १३ मृतांमध्ये मधुमेह, उच्च रक्तदान, ह्दयरोग असे अतिजोखिमीचे आजार आढळले आहेत.

धक्कादायक! मुंबईत करोनामुळे पोलिसाचा मृत्यू

राज्यात करोना चाचण्यांचा वेग वाढवण्यात आला आहे. या चाचण्यांनी लाखाचा टप्पा ओलांडला आहे. आजपर्यंत १ लाख ८ हजार ९७२ नमुने प्रयोगशाळांत पाठवण्यात आले असून त्यातील १ लाख १ हजार १६२ नमुने निगेटिव्ह आले आहेत तर ७ हजार ६२८ नमुने पॉझिटिव्ह आले आहेत. सध्या राज्यात १ लाख २५ हजार ३९३ लोक होम क्वारंटाइनमध्ये तर ८ हजार १२४ लोक संस्थात्मक क्वारंटाइनमध्ये आहेत. राज्यात सध्या ५५५ कंटेंटमेंट झोन क्रियाशील असून, आज एकूण ८ हजार १९४ पथकांनी काम करुन ३१ लाख ४३ हजार लोकसंख्येचे सर्वेक्षण केले आहे.

राज्यात दुकाने सुरू होणार का?; तूर्त निर्णय नाही

राज्यातील जिल्हानिहाय रुग्णांचा आतापर्यंतचा तपशील: (कंसात मृत्यूंची आकडेवारी)

मुंबई महानगरपालिका: ५ हजार ०४९ (१९१), ठाणे: ७१७ (१५), पालघर: १३९ (४), रायगड: ५६ (१), मुंबई मंडळ, एकूण: ५ हजार ९६१ (२११). नाशिक: १३१ (१२), अहमदनगर: ३५ (२), धुळे: २५ (३), जळगाव: १३ (२), नंदूरबार: ११ (१), नाशिक मंडळ, एकूण: २१५ (२०). पुणे: १ हजार ०३० (७३), सोलापूर: ४६ (४), सातारा: २९ (२), पुणे मंडळ, एकूण: १ हजार १०५ (७९). कोल्हापूर: १०, सांगली: २६ (१), सिंधुदुर्ग: १, रत्नागिरी: ८ (१), कोल्हापूर मंडळ, एकूण: ४५ (२). औरंगाबाद: ५० (५), जालना: २, हिंगोली: ७, परभणी: १, औरंगाबाद मंडळ, एकूण: ६१ (५). लातूर: ९, उस्मानाबाद: ३, बीड: १, नांदेड: १, लातूर मंडळ, एकूण: १४. अकोला: २३ (१), अमरावती: १९ (१), यवतमाळ: २८, बुलढाणा: २१ (१), वाशिम: १, अकोला मंडळ, एकूण: ९२ (३). नागपूर: १०७ (१), गोंदिया: १, चंद्रपूर: २, नागपूर मंडळ, एकूण: ११० (१). इतर राज्ये: २५ (२). एकूण: ७ हजार ६२८ (३२३).

(टीप– या तक्त्यातील रुग्णसंख्या रुग्णाने दिलेल्या पत्यानुसार आहे. केंद्र शासनाच्या मार्गदर्शक सूचनांनुसार आयसीएमआर संकेतस्थळावरील माहिती जिल्हावार उपलब्ध असल्याने ती जिल्हावार सादर करण्यात आलेली आहे.)

मुंबई हॉटस्पॉट: करोनाचे १२ बळी; २८१ नवे रुग्ण





Source link

LEAVE A REPLY

Please enter your comment!
Please enter your name here

Most Popular

PMJJY available in Postal Payment bank: PMJJY जीवन ज्योती योजना; पोस्ट पेमेंट बँकेतही मिळणार जीवन ज्योती विमा – jeevan jyoti yojana now available in...

वृत्तसंस्था, नवी दिल्ली : इंडिया पोस्ट पेमेंट्स बँकेमध्येही (आयपीपीबी) आता पंतप्रधान जीवन ज्योती विमा योजनेचा लाभ घेता येणार आहे. त्यासाठी आयपीपीबीने पीएनबी मेटलाइफ...

father and son found dead in apegaon paithan: बिबट्या जाळ्यात येईना; तीन जिल्ह्यात दहशत – father and son found dead in apegaon paithan due...

म. टा. प्रतिनिधी, औरंगाबादबिबट्याने केलेल्या हल्ल्यात पिता-पुत्राचा मृत्यू झाल्याची घटना पैठण तालुक्यातील आपेगाव शिवारात घडल्यानंतर या परिसरात दहशत निर्माण झाली आहे. पैठण परिसरातील...

Recent Comments