मुंबई: धारावीत ४२ नवे करोनाग्रस्त; एका महिन्याच्या बाळालाही लागण
मुंबईकरांसाठी काहीसा दिलासा देणारी बाब म्हणजे आज करोनाचे ५१० नवीन रुग्ण आढळले असले तरी त्याचबरोबर १०४ रुग्णांनी करोनावर मात करण्यातही यश मिळवले आहे. आतापर्यंत मुंबईत १ हजार ९०८ रुग्णांनी करोनाविरुद्धची लढाई जिंकली आहे.
३१ मे पर्यंत महाराष्ट्र ग्रीन झोन?; मुख्यमंत्र्यांच्या कठोर सूचना
> मुंबईत गेल्या २४ तासांत करोनाचे नवीन ५१० रुग्ण आढळल्याने एकूण करोनाबाधित रुग्णांची संख्या आता ९ हजार १२३ इतकी झाली आहे. राज्यात सर्वाधिक करोनाबाधित रुग्ण मुंबईत आहेत.
> मुंबईत आज दिवसभरात करोनामुळे १८ जणांचा मृत्यू झाला. आतापर्यंत मुंबईत करोनामुळे एकूण ३६१ रुग्णांना प्राण गमवावे लागले आहेत. मुंबईतील करोनामृत्यूदर ही चिंतेची बाब बनली आहे.
> करोनामुळे आज मृत्यू झालेल्या रुग्णांपैकी १० रुग्णांना दीर्घकालीन आजार होते तर ३ जणांचा मृत्यू वार्धक्याने झाला. १८ पैकी १४ रुग्ण पुरुष तर ४ रुग्ण महिला होत्या.
> ज्येष्ठ नागरिकांना करोना संसर्ग होण्याचा अधिक धोका असल्याने मुंबई महापालिकेने झोपडपट्टी भागात सर्वेक्षण सुरू केले आहे. २७ एप्रिल ते ३ मे या कालावधीत एकूण ४२ हजार ७५२ नागरिकांची तपासणी करण्यात आली आहे.
करोना रुग्ण वाढण्याची शक्यता; एक खिडकी योजना तयार करा: टोपे
