Home शहरं पुणे coronavirus in pune: धक्कादायक; शहर जिल्ह्यात ८२३ जणांना लागण - pune 823...

coronavirus in pune: धक्कादायक; शहर जिल्ह्यात ८२३ जणांना लागण – pune 823 people infected in the city district


म. टा. प्रतिनिधी, पुणे

शहर जिल्ह्यात आतापर्यंत सर्वाधिक लागण होण्याच्या रुग्णसंख्येचे आतापर्यंतचे एका दिवसातले उच्चांक पार केले गेले आहेत. शहर जिल्ह्यात ८२३ जणांना दिवसभरात लागण झाल्याची धक्कादायक माहिती रात्री उशिरा हाती आली, तर १८३ रुग्णांना घरी सोडण्यात आले आहे. १७ जणांचा मृत्यू झाला असून, २७३ रुग्णांची प्रकृती गंभीर आहे.

पुणे शहरात एका दिवसात ४०३ रुग्णांना लागण झाली, तर पिंपरी-चिंचवडमधील रुग्णसंख्येचाही उच्चांक शनिवारी झाला. पिंपरीत ३८१ जणांना संसर्ग झाला आहे. पुणे जिल्ह्यात २६ जणांना, तर पुणे कँटोन्मेंटमध्ये १३ रुग्णांना लागण झाली आहे. शुक्रवारी शहर जिल्ह्यात १४ हजार १८१ जणांना लागण झाली होती. एका दिवसात ८२३ जणांना लागण झाल्याने रुग्णसंख्येने १५ हजारांचा टप्पा ओलांडला आहे. ही आतापर्यंतची सर्वाधिक मोठी रुग्णसंख्या ठरली आहे.

पुणे शहरात दिवसभरात २ हजार ६८४ जणांची चाचणी घेण्यात आली. आतापर्यंत ८६ हजार ८७१ एवढ्या चाचण्या घेण्यात आल्या आहेत. चाचण्यांपैकी ३८९ जणांना संसर्ग झाला असून, पुणे महापालिकेच्या आरोग्य विभागानुसार, ११ हजार ८५४ जण आतापर्यंत बाधित झाले आहे. २७३ रुग्णांची प्रकृती गंभीर असून, त्यापैकी ५२ रुग्ण व्हेंटिलेटरवर आहेत. २२१ रुग्णांना ऑक्सिजनवर ठेवण्यात आले असून, त्यांना अन्य आजार असल्याचे निदान झाले आहे. १८३ रुग्णांना बरे झाल्याने घरी सोडण्यात आले आहे. त्यामुळे ७ हजार २६४ रुग्ण आतापर्यंत बरे होऊन घरी परतल्याची नोंद करण्यात आली आहे. रुग्णालयात आजमितीला ४,०८६ रुग्ण उपचाराखाली आहेत.

शहरात ११ जणांचा मृत्यू झाला आहे. पुणे कँटोन्मेंटमध्ये एक, पुणे जिल्ह्यातील पुरंदर तालुक्यातील एक आणि पिंपरी-चिंचवडमध्ये तीन जणांचा करोनाच्या संसर्गामुळे मृत्यू झाला आहे. यात सोलापूरच्या एका रुग्णाचा शहरातील खासगी रुग्णालयात मृत्यू झाल्याची नोंद झाली आहे. अशा एकूण १७ जणांचा पुणे शहर, जिल्ह्यात मृत्यू झाल्याची नोंद आरोग्य खात्याने केली आहे. मृतांमध्ये ११ पुरुषांचा, तर सहा महिलांचा समावेश आहे. यात अन्य आजार असलेल्या रुग्णांची संख्या अधिक आहे. शहर जिल्ह्यातील एकूण मृतांची संख्या ५९१ झाली आहे.

कोंढवा, नाना पेठ, फातिमानगर, मुकुंदगर, स्वारगेट, कोंढवा बुद्रुक, गाडीतळ; हडपसर, गंजपेठ, वडार कॉलनी, लष्कर सोलापूर बाजार, जुनी वडारवाडी या पुण्यातील विविध भागांतील रुग्णांचा समावेश आहे.

शनिवारची स्थिती

पुणे पालिका नवीन रुग्ण – ४०३

पिंपरी-चिंचवड नवीन रुग्ण – ३८१

पुणे कँटोन्मेंट नवीन रुग्ण – १३

पुणे ग्रामीण नवीन रुग्ण – २६

शनिवारी बरे झालेले रुग्ण – १८३

शनिवारचे मृत्यू – १७



Source link

LEAVE A REPLY

Please enter your comment!
Please enter your name here

Most Popular

मास्क न लावणाऱ्यांमुळे वाढू शकतो करोनाचा धोका

म. टा. विशेष प्रतिनिधी, मुंबई संसर्गवाढीच्या (उच्चतम बिंदू) महत्त्वाच्या टप्प्यावर मुंबई आली असल्याचे निरीक्षण क्षेत्रातील तज्ज्ञांकडून वारंवार व्यक्त केले जात असले तरीही ...

आजचं राशीभविष्य… दिनांक २२ ऑक्टोबर २०२०

आजचं राशीभविष्य... दिनांक २२ ऑक्टोबर २०२० Source link

Recent Comments