Home शहरं पुणे Coronavirus in pune: पुण्यात लाखावर करोना चाचण्या; रुग्णसंख्या वाढीचे 'स्मार्ट' विश्लेषण! -...

Coronavirus in pune: पुण्यात लाखावर करोना चाचण्या; रुग्णसंख्या वाढीचे ‘स्मार्ट’ विश्लेषण! – pune district records 725 new covid-19 cases, 16 succumb to infection in last 24 hours


पुणे: राज्याचे उपमुख्यमंत्री अजित पवार यांच्या आदेशानुसार महापालिकेच्या आरोग्य विभागाने पुण्यात चाचण्या घेण्याची संख्या वाढविली असून आतापर्यंत चाचण्यांच्या संख्येने एक लाखांचा टप्पा ओलांडला आहे. एक लाखाहून अधिक चाचण्या झाल्याने रुग्णसंख्येतही वाढ होताना दिसत आहे. आता दररोज ३२०० ते ३४०० पर्यंत चाचण्या घेण्यात येत असून पुणे शहर जिल्ह्यात गुरुवारी करोना पॉझिटिव्ह रुग्णांच्या संख्येत ७२५ ने भर पडली आहे तर १६ जणांचा मृत्यू झाला आहे. दिवसभरात २०२ रुग्णांना डिस्चार्ज मिळाला आहे. दरम्यान, पुण्यात रुग्णसंख्यावाढ नेमकी कशी आणि कुठे होतेय याचे विश्लेषण करण्यात आले आहे.

वाचा: ठाण्यातील करोनामृत्यू आणि बाधितांचा ‘हा’ आकडा झोप उडवणारा!

उपमुख्यमंत्री पवार यांनी चाचण्यांची संख्या वाढविण्याचे आदेश पुणे महापालिका आयुक्तांना दिले होते. त्यानंतर पुणे भेटीत माजी मुख्यमंत्री देवेंद्र फडणवीस यांनी सुद्धा चाचण्यांची संख्या वाढविण्याची मागणी केली होती. त्यानुसार गेल्या आठवड्यापासून शहरात आरोग्य विभागाने चाचण्यांची संख्या वाढविण्यास सुरुवात केली. खरे तर टप्प्या टप्प्याने ही संख्या वाढत आहे. पूर्वी सुरुवातीला सहाशेपासून चाचण्यांना सुरुवात झाली होती. त्यानंतर दीड हजाराचा टप्पा गाठला. त्या पाठोपाठ आणखी रुग्ण आढळल्याने २०००-२२०० पर्यंत चाचण्या करण्यात आल्या. आता हळूहळू हा टप्पा साडेतीन हजारपर्यंत वाढविण्यात आला आहे.

गेल्या काही दिवसांपासून तीन हजारांहून अधिक चाचण्या करण्यात येत असून ३४५० पर्यंत चाचण्या घेण्यात आल्या. गुरुवारी शहरात ३४५३ एवढ्या चाचण्या घेण्यात आल्या. त्यामुळे एकूण चाचण्यांची संख्या एक लाख ६७७ एवढी झाली आहे. या पुढेही चाचण्या वाढल्या जाण्याची शक्यता आहे

वाचा: दिवसभरात ४ हजार ८४१ नवे रुग्ण आढळले; एकूण रुग्णसंखा १ लाख ४७ हजार ७४१

पुण्यात अशी झाली रुग्णवाढ

> गेल्या काही दिवसांपासून शहरातील करोनाच्या रुग्णांमध्ये वाढ होत आहे. त्यामध्ये पूर्वी कोथरुड- बावधन, वारजे- कर्वेनगर तसेच औंध बाणेर भागात दोन आठवड्यामध्ये रुग्णसंख्येत वाढ झाल्याचे चित्र पहायला मिळाले आहे. तर मार्चपासून रुग्णसंख्येत आघाडीवर असलेल्या भवानी पेठ, ढोले पाटील रोड या भागात मात्र संसर्ग कमी होऊ लागल्याचे दिसून आले आहे. महापालिकेच्या स्मार्ट कंपनीने ७ ते २१ जून या दरम्यान रुग्णसंख्या वाढीचे विश्लेषण केले आहे. त्यामधून ही माहिती पुढे आली आहे. आतापर्यंत शहरात भवानी पेठ, ताडीवाला रोड, ढोले पाटील रोड, येरवडा कळस धानोरी तसेच कोंढवा येवलेवाडी भागात अधिक रुग्ण असल्याचे आढळून येत होते. आताही या भागात रुग्ण आहेत. मात्र, गेल्या दोन आठवड्यांमध्ये त्या भागातील रुग्णांची संख्या घटल्याचे चित्र विश्लेषणातून दिसत आहे.

> जून महिन्यातील ७ ते २१ जून दरम्यान सर्वाधिक रुग्ण हे कोथरुड बावधन या वॉर्डात वाढले आहेत. कोथरुडमध्ये ७ ते १४ जून दरम्यान १४८.२ टक्के, १४ ते २१ जून दरम्यान ११७.३ टक्के रुग्णसंख्या वाढली आहे. त्या पाठोपाठ १४ ते २१ जून दर्मयान ९८.७ टक्के एवढे रुग्ण हे वारजे कर्वेनगर या भागात वाढले आहेत. त्यानंतर सर्वाधिक रुग्ण वाढल्याचे चित्र हे औंध बाणेर भागात वाढले असून ७ ते १४ जून दरम्यान १४०.६ टक्के रुग्णसंख्या वाढली आहे. त्या तुलनेत १४ ते२१ जून या आठवड्यात मात्र रुग्णसंख्या कमी वाढली. १४ ते २१ जून या दरम्यान शहरातील बहुतांश वॉर्डात रुग्ण वाढलेले दिसत आहेत. त्यात धनकवडी सहकारनगर भागात ४३.१ टक्के, शिवाजीनगर – घोले रोड या भागात ३६.३ टक्के तसेच बिबवेवाडी भागात २४.१ टक्के रुग्ण वाढले आहेत. नगर रोड वडगावशेरीमध्ये १९.९ टक्के, भवानी पेठेत १४ टक्के तर येरवडा कळस धानोरी वॉर्डात १२.७ टक्के रुग्ण वाढल्याचे चित्र विश्लेषणात मांडले आहे.

वाचा: राज्यात २८ जूनपासून पुन्हा सलून सुरू होणार, फक्त केसच कापणार!



Source link

LEAVE A REPLY

Please enter your comment!
Please enter your name here

Most Popular

Uddhav Thackeray On Maharashtra Budget 2021: Uddhav Thackeray: महाराष्ट्र मोठी भरारी घेईल!; मुख्यमंत्री ठाकरे यांनी जनतेला दिला ‘हा’ विश्वास – maharashtra will take a...

हायलाइट्स:कृषी, पायाभूत सुविधांची कामे तसेच उद्योग व गुंतवणुकीला अधिक चालना मिळणार.महाराष्ट्र येत्या वर्षात मोठी भरारी घेईल, असा मुख्यमंत्री उद्धव ठाकरेंचा विश्वास.करोना काळातही १...

खोट्या कारणांचा विनाकारण आधार…

: केलंय म्हणजे मूल जन्माला घालायलाच हवं, हा समज खोडून काढत गेल्या काही वर्षांमध्ये अनेक महिलांनी जाणीवपूर्वक मूल न होऊ देण्याचा...

water of sewage treatment plant: ‘एसटीपी’चे पाणी होणार आणखी शुद्ध – water of sewage treatment plant will be further purified by aurangabad municipal corporation

म. टा. प्रतिनिधी, औरंगाबादमहापालिकेकडून येत्या काळात सीवरेज ट्रीटमेंट प्लांटचे (एसटीपी) पाणी अधिक शुद्ध करण्याची प्रक्रिया केली जाणार आहे. या कामासाठी प्रकल्प व्यवस्थापन सल्लागार...

Recent Comments