Home मुंबई नवी मुंबई Coronavirus lockdown: नवी मुंबईतील ४४ प्रतिबंधित क्षेत्रांत पुन्हा लॉकडाउन - navi mumbai...

Coronavirus lockdown: नवी मुंबईतील ४४ प्रतिबंधित क्षेत्रांत पुन्हा लॉकडाउन – navi mumbai 7 days at home


म. टा. वृत्तसेवा, नवी मुंबई

करोना रोखण्यासाठी देशभरात तीन महिने लॉकडाउन केल्यानंतर पुनश्च हरीओम करत व्यवहारांना गती दिली जात असतानाच अनेक भागांमध्ये रुग्णसंख्या झपाट्याने वाढत असल्याने चिंता वाढली आहे. त्यामुळेच एक पाऊल मागे येत नवी मुंबई महापालिकेने परिसरातील प्रतिबंधित क्षेत्रांत पुन्हा एकदा ७ दिवसांचा लॉकडाउन करण्याचा निर्णय घेतला आहे. नवी मुंबईत एकूण ४४ प्रतिबंधित क्षेत्रे आहेत. २९ जून ते ५ जुलैपर्यंत ज्या विभागातील नोडमध्ये रुग्णसंख्या चिंताजनक आहे, तिथे हे आदेश लागू होणार आहेत. या भागांमध्ये केवळ अत्यावश्यक सेवा मर्यादित काळासाठी सुरू ठेवण्यात येणार आहे.

नवी मुंबई महानगर पालिका हद्दीत मे अखेरपर्यंत २२०४ रुग्णसंख्या होती. तर मृतांचा आकडा ७४ होता. मात्र, त्यानंतर रुग्णसंख्या आणि मृतांमध्ये झपाट्याने वाढ झाली आहे. जून महिन्यात रुग्णसंख्या ५६२९ झाली आहे. तर १८९ जणांनी जीव गमावला आहे. मे महिन्यापर्यंत दररोज ८० ते ८५ रुग्ण वाढत होते, ते जून महिन्यात दररोज १५० ते २०० रुग्णसंख्येवर जात आहे. तर दररोज सरासरी ७ ते ८ मृत्यू होत आहेत.

पालकमंत्री एकनाथ शिंदे यांनी शुक्रवारी महापालिका आयुक्त अण्णासाहेब मिसाळ, पोलिस आयुक्त संजय कुमार, जिल्हाधिकारी राजेश नार्वेकर यांची एक बैठक पोलिस आयुक्तालयात घेतली. त्यामध्ये लॉकडाउनची घोषणा करण्यात आली. पालिका हद्दीतील एकूण ४४ क्षेत्रांमध्ये हा लॉकडाउन लागू केला जाणार आहे. या क्षेत्रातील लोकांचा दैनंदिन वावरही थांबणार आहे. दुकाने बंद ठेवली जाणार आहेत. केवळ अत्यावश्यक सेवेतील दुकाने काही ठराविक वेळेसाठी सुरू राहणार आहेत, अशी माहिती प्रशासनाच्या वतीने देण्यात आली आहे.

पालिका हद्दीत एकूण ४४ प्रतिबंधित क्षेत्र आहेत. त्यातील सर्वाधिक रुग्ण सापडणारी १० क्षेत्र

करावे गाव, दिवाळे गाव, तुर्भे विभागातील, तुर्भे स्टोर ,सेक्टर २१ तुर्भे, सेक्टर २२ तुर्भे गाव

वाशीमधील जुहू गाव सेक्टर ११

कोपरखैरणे विभागातील सेक्टर १२ खैरणे बोनकोडे गाव

सेक्टर १९ कोपरखैराणे गाव

घणसोली विभागातील रबाळे गाव

ऐरोलीमधील चिंचपाडा

२०० आयसीयू खाटा वाढवणार

नवी मुंबईत करोनाबाधित रुग्णांच्या उपचारांत हयगय होऊ नये, यासाठी ऑक्सिजन खाटांची संख्या वाढवण्याबरोबर लॉकडाउनच्या काळात मास स्क्रिनिंग वाढवा, अशा सूचना ही पालकमंत्री एकनाथ शिंदे यांनी दिल्या आहेत. स्क्रिनिंगमुळे करोनाबाधित रुग्ण सुरुवातीच्याच टप्प्यात सापडून त्याचे विलगीकरण करून करोनाची साखळी तोडणे शक्य आहे. त्यामुळे स्क्रिनिंगचे प्रमाण वाढवतानाच महापालिकेची टेस्टिंग लॅब सुरू करा, अशा सूचना पालिका आयुक्तांना केल्या. तर, नवी मुंबईत लवकरच २०० आयसीयू खाटा रुग्णसेवेत दाखल होणार असल्याची घोषणा त्यांनी केली.

दवाखानने सुरू ठेवा

लॉकडाउनचे निर्बंध काही प्रमाणात सैल करण्यात आले असून टप्प्याटप्प्याने त्यात आणखी शिथिलता आणली जाणार आहे. त्यामुळे आपल्याला अधिक सतर्कपणे या लढाईला सामोरे जावे लागेल. त्यासाठी डॉक्टरांनी आपले दवाखाने सुरू ठेवून प्रशासनाला या युद्धात मदत करावी, असे आवाहनही शिंदे यांनी केले.



Source link

LEAVE A REPLY

Please enter your comment!
Please enter your name here

Most Popular

Varun Gandhi: मदत मागणाऱ्यावर वरुण गांधी खवळले!; म्हणाले, ‘मी काय तुमचा नोकर नाही’ – bjp pilibhit mp varun gandhi viral audio illegal liquor case...

पिलीभीतः उत्तर प्रदेशमधील पिलीभीत येथील भाजप खासदार वरुण गांधी ( varun gandhi ) यांचा एक कथित ऑडिओ व्हायरल झाला आहे. या कथित व्हायरल...

Recent Comments