Home शहरं नाशिक Coronavirus nashik: करोनाचा फास; दिवसभरात तीन मृत्यू - corona's snare

Coronavirus nashik: करोनाचा फास; दिवसभरात तीन मृत्यू – corona’s snare


म. टा. खास प्रतिनिधी, नाशिक

जिल्ह्यात करोना संसर्गाचा वेग प्रचंड वाढला असून, बुधवारी रुग्णांची उच्चांकी नोंद झाली. दिवसभरात तब्बल १६० जणांचे अहवाल पॉझिटिव्ह आले असून, यापैकी १०२ रुग्ण नाशिक शहरातील आहेत. त्यामुळे आरोग्य यंत्रणांपुढे चिंता वाढली आहे. दिवसभरात मंगळवारी तीन जणांच्या मृत्यूची नोंद झाली असून, त्यापैकी एकजण शहरातला, तर दोन जण ग्रामीण भागातील आहेत. त्यामुळे जिल्ह्यातील एकूण मृतांची संख्या १९२ पर्यंत गेली आहे. दरम्यान, दिवसभरात ४१ रुग्ण बरे झाले, तर एकूण करोनामुक्त रुग्णांची संख्या १७५४ झाली आहे.

मुंबई, पुणे, औरंगाबाद या शहरांप्रमाणेच आता नाशिकमध्येही रुग्णसंख्येचा आकडा मोठ्या प्रमाणावर वाढू लागला आहे. जिल्ह्यातील एकूण रुग्णसंख्या मंगळवारी रात्री उशिरापर्यंत २,९९८ पर्यंत म्हणजेच तीन हजार रुग्णसंख्येच्या उंबरठ्यावर पोहोचली होती. मात्र, बुधवारी सायंकाळपर्यंत पुन्हा १६० जणांचे अहवाल पॉझिटिव्ह आल्याने ही रुग्णसंख्या ३,१५८ पर्यंत पोहोचली आहे. जिल्ह्यातील आतापर्यंतची ही उच्चांकी रुग्णसंख्या असल्याचे प्रशासनातील सूत्रांनी सांगितले. यापूर्वी एकदा १२५ रुग्ण बाधित मिळून आले होते. नाशिक शहरात सर्वाधिक १०२ जणांचे अहवाल पॉझिटिव्ह आले आहेत. या रुग्णांच्या निकटवर्तीयांपर्यंत पोहोचून त्यांचे स्वॅब घेण्याचे आणि या माध्यमातून संसर्गाला अटकाव करण्याचे आव्हान यंत्रणेपुढे आहे. शहरातील एकूण बाधित रुग्णांची संख्या १,४७४ पर्यंत पोहोचली आहे.

सिन्नरमध्ये मुसंडी

करोना विषाणूने सिन्नर तालुक्यातील औद्योगिक वसाहतीसह तालुक्यातील काही मोठ्या गावांमध्येही शिरकाव केला आहे. दिवसभरात जिल्ह्यात ४७ जणांचे अहवाल पॉझिटिव्ह आले असून, त्यामध्ये सिन्नर तालुक्यातील बाधितांची संख्या १४ आहे. ठाणगाव, जामगाव, लोणारवाडी, धुळवड, जायगाव या गावांमध्ये बाधित रुग्ण आढळले आहेत. याशिवाय निफाड तालुक्यातील पिंपळगाव बसवंत, पिंपळस रामाचे, नाशिक तालुक्यातील पिंपळगाव गरुडेश्वर, पिंपळगाव बहुला, देवळाली कॅम्प, संसरी, भगूर, नांदगाव तालुक्यातील साकोरे, विंचूर गवळी, दिंडोरी तालुक्यातील मोहाडी येथे बाधित रुग्ण आढळले आहेत. त्यामुळे ग्रामीणमधील एकूण रुग्णसंख्या ६२९ पर्यंत पोहोचली आहे.

जिल्ह्यात तिघांचा मृत्यू

जिल्ह्यात करोना संसर्गामुळे तीन पुरुष रुग्ण दगावले आहेत. सटाणा तालुक्यातील जायखेडा येथील ६० वर्षीय व्यक्ती, देवळाली कॅम्प परिसरातील मिठाई कॅम्प परिसरातील ६५ वर्षीय व्यक्ती आणि गंगापूर गाव येथील पेठ गल्लीतील ४१ वर्षीय व्यक्ती करोना संसर्गामुळे दगावली आहे. त्यामुळे जिल्ह्यातील एकूण बाधित मृत व्यक्तींची संख्या १८९ झाली आहे. नाशिक शहरातील मृतांची संख्या ७७ झाली आहे.

सिव्हिल हॉस्पिटलमध्ये पुन्हा तिघांना बाधा

करोना बाधित रुग्णांवर उपचार करणारे जिल्ह्यातील मुख्य केंद्र ठरलेल्या सिव्हिल हॉस्पिटलमध्ये पुन्हा तीन कर्मचाऱ्यांना संसर्ग झाला आहे. अतिदक्षता विभागात काम करणाऱ्या व यापूर्वी बाधित आलेल्या रुग्णाच्या संपर्कातील हे सर्व जण आहेत. यामध्ये परिचारिका, दोन चतुर्थश्रेणी कर्मचाऱ्यांचा समावेश आहे. त्यामुळे आता त्यांच्या संपर्कातील निकटवर्तीयांचेही स्वॅब घेण्यात येणार असल्याची माहिती सिव्हिल हॉस्पिटल प्रशासनाने दिली आहे.

जिल्ह्यातील एकूण रुग्णसंख्या : ३१५८

नाशिक ग्रामीणमधील रुग्णसंख्या : ६२९

नाशिक शहरातील रुग्णसंख्या : १४७४

मालेगाव शहरातील रुग्ण संख्या : ९६२

जिल्हाबाह्य रुग्णसंख्या : ९३

करोनामुक्त रुग्णांची संख्या : १७५४

जिल्ह्यातील एकूण मृत्यू : १९२

सध्या उपचार घेणारे रुग्ण : १२१२

प्रलंबित अहवाल : ४९७

जिल्ह्यातील मृत्यू

नाशिक ग्रामीण : ३४

नाशिक शहर : ७७

मालेगाव शहर : ७१

जिल्हाबाह्य : १०



Source link

LEAVE A REPLY

Please enter your comment!
Please enter your name here

Most Popular

offsite atms: पुण्यात यापुढं फक्त बँकेच्या शाखेजवळच ATM सुविधा? – most of banks have decided to close offsite atm centres in pune

पुणे: बँकांच्या शाखांव्यतिरिक्त अन्य ठिकाणी असणारी 'एटीएम' केंद्रे (ऑफसाइट एटीएम) बंद करण्याचा निर्णय बहुतांश बँकांनी घेतला आहे. त्याची अंमलबजावणीही सुरू झाली आहे. शॉपिंग...

Narendra Modi Took His First Dose Of Covid 19 Vaccine At Aiims Delhi – लसीकरणाचा दुसरा टप्पा : पंतप्रधान नरेंद्र मोदींनी घेतली करोना लस...

हायलाइट्स:देशभरात करोना लसीकरणाच्या दुसऱ्या टप्प्याला सुरुवातपंतप्रधान नरेंद्र मोदींनी घेतली लस६० वर्षांहून अधिक वयाच्या किंवा गंभीर आजारांशी झुंज देत असणाऱ्या ४५ वर्षांहून अधिक वयाच्या...

maharashtra budget session live updates: Maha Vikas Aghadi Government Prepared To Handle Opposition – Maharashtra Budget Session Live Updates: राज्य विधिमंडळाचे अर्थसंकल्पीय अधिवेशन आजपासून...

हायलाइट्स:राज्य विधिमंडळाचे अर्थसंकल्पीय अधिवेशन आजपासूनकरोनाच्या पार्श्वभूमीवर सरकारकडून महत्त्वाच्या घोषणांची शक्यतामराठा आरक्षण, करोनाचा वाढता प्रादुर्भाव आदी मुद्द्यांवरून विरोधक सरकारला घेरणारराज्य विधिमंडळाचे अर्थसंकल्पीय अधिवेशन आजपासून...

Recent Comments