Home विदेश coronavirus vaccine news: Coronavirus vaccine चिंता वाढली! फायजरची लस घेतली पण महिनाभराने...

coronavirus vaccine news: Coronavirus vaccine चिंता वाढली! फायजरची लस घेतली पण महिनाभराने करोनाची बाधा – uk nurse tests positive month after receiving first dose of pfizer covid-19 vaccine


लंडन: करोनाच्या वाढत्या संसर्गाला अटकाव करण्यासाठी अमेरिका, ब्रिटनसह अनेक देशांनी लसीकरण मोहीम सुरू केली आहे. या लसीकरण मोहिमेदरम्यान काहीजणांना दुष्पपरिणाम जाणवला असल्याचे समोर आले होते. फायजरची लस घेतल्यानंतर करोनाची बाधा झाल्याची आणखी एक घटना समोर आली आहे. दक्षिण वेल्सच्या प्रिन्स ऑफ वेल्स हॉस्पिटल ब्रिजेंडमध्ये काम करणाऱ्या एका पुरुष परिचारकाला लस घेतल्यानंतरही करोनाची बाधा झाली आहे.

डेविड लाँगडन असे या परिचारकाचे नाव आहे. डेविडने ८ डिसेंबर रोजी करोनाची लशीचा पहिला डोस घेतला होता. त्यानंतर सरकारने नियम बदलत अधिकाधिक लोकांना लशीचा पहिला डोस देण्यासाठी दुसऱ्या डोसची तारीख पुढे ढकलली. डेविडला ८ जानेवारी रोजी करोनाची बाधा झाली असल्याचे समोर आले. सध्या त्याच्यावर उपचार सुरू आहेत. डेविडच्या मुद्यावरून सरकार आरोग्य कर्मचाऱ्यांच्या सुरक्षेप्रती गंभीर नसल्याची टीका करण्यात येत आहे.

वाचा: काळजी घ्या! करोनानंतरचा न्यूमोनिया घातक; संशोधकांचा इशारा

डेविडने ‘डेली मेल’सोबत बोलताना सांगितले की, सध्या मला माझ्या कुटुंबीयांची काळजी आहे. माझ्यामुळे इतरांनाही करोनाची बाधा झाली आहे. माझी पत्नी मधुमेहग्रस्त असून करोनामुळे तिची अधिकच काळजी वाटत असल्याचे डेविडने म्हटले. लशीचा डोस घेतल्यानंतर करोनापासून सुरक्षित राहू असे वाटले होते. त्यामुळे घरीदेखील फारशी काळजी घेतली नसल्याचे डेविडने म्हटले. डेविडला सर्दी आणि डोकेदुखीचा त्रास जाणवत आहे. रुग्णालयात दाखल होण्यापूर्वी तीन दिवस थकवा जाणवत होता. त्यानंतर करोना चाचणी केली, त्यात करोनाची बाधा झाली असल्याचे समोर आले.

वाचा: अमेरिकेत करोनाचे मृत्यू तांडव; एकाच दिवसात चार हजारांहून अधिक बळी

वाचा: करोनाचे थैमान: अमेरिकेत माणसांनंतर गोरिला माकडांनाही संसर्गाची लागण
याआधी अमेरिकेतही पुरुष परिचारिकाला लस घेतल्यानंतर एका आठवड्यात करोनाची लागण झाली होती. लस टोचल्यानंतर सहा दिवसांनी नाताळाच्या पूर्वसंध्येला कोविड-१९ च्या युनिटमध्ये काम केल्यानंतर प्रकृती अस्वास्थाचा त्रास जाणवू लागला. मॅथ्यूला थंडी वाजू लागली आणि त्यानंतर अंगदुखीचा त्रास जाणवू लागला. त्याला थकवाही जाणवत होता. नाताळानंतर त्याने रुग्णालयात करोना चाचणी केली.

वाचा: कुत्र्याचा पट्टा घालून पतीला फिरवत होती पत्नी; ‘कारण’ ऐकाल तर हैराण व्हाल!

‘या’मुळे लशीचा डोस घेतल्यानंतरही होऊ शकते बाधा

अमेरिकेचे संसर्गजन्य रोग तज्ज्ञ रेमर्स यांनी सांगितले की, करोनाविरोधात रोगप्रतिकार शक्ती निर्माण होण्यासाठी १० ते १४ दिवसांचा कालावधी लागू शकतो. करोना लशीचा पहिला डोस हा ५० टक्के सुरक्षा देतो आणि ९५ टक्के सुरक्षा मिळवण्यासाठी दुसऱ्या डोसची आवश्यकता असल्याचे त्यांनी सांगितले.



Source link

LEAVE A REPLY

Please enter your comment!
Please enter your name here

Most Popular

Recent Comments