Home देश Delhi violence news: दिल्ली हिंसाचार: जखमींवर उपचार करणाऱ्या डॉक्टरचंही चार्जशीटमध्ये नाव -...

Delhi violence news: दिल्ली हिंसाचार: जखमींवर उपचार करणाऱ्या डॉक्टरचंही चार्जशीटमध्ये नाव – DR Anwer Says Why Me After His Name Is In Delhi Police Chargesheet Of Delhi Violence


नवी दिल्ली : दिल्ली पोलिसांनी यंदाच्या वर्षाच्या सुरूवातीला उसळलेल्या दिल्ली हिंसाचार प्रकरणात आपली चार्जशीट दाखल केलीय. उल्लेखनीय म्हणजे, या चार्जशीटमध्ये एक डॉक्टरच्याही नावाचा उल्लेख आहे. हे नाव आहे डॉ. अनवर यांचं… चार्जशीटमध्ये आपलं नाव पाहिल्यानंतर डॉ. अनवर यांनाही धक्का बसलाय. ‘माझं नाव का?’ असं म्हणत दिल्ली हिंसाचारात आपण अनेक लोकांचा जीव वाचवला होता, असं अनवर यांनी म्हटलंय.

दिलबर नेगी (२० वर्ष) याच्या हत्या प्रकरणात दिल्ली पोलिसांनी अल हिंद रुग्णालयाचा मालक असलेल्या डॉ. एम ए अनवर यांच्या नावाचा उल्लेख केलाय. दिलबर नेगी एका रेस्टॉरन्टमध्ये काम करत होता. दिल्ली दंगलीदरम्यान जमावाकडून दिलबर नेगी याची हत्या करण्यात आली होती. डॉक्टर अनवर यांच्यावर नागरिकत्व सुधारणा कायद्यांतर्गत सीएए आणि एनआरसी विरोधी आंदोलनाचं नेतृत्व करणं आणि लोकांना दंगलीसाठी भडकावण्याचा आरोप करण्यात आलाय.

परंतु,’मी कधीही कोणत्याही आंदोलनात सहभागी झालो नव्हतो. मी एक डॉक्टर आहे आणि लोकांवर उपचार करणं, त्यांचा जीव वाचवणं हे माझं काम आहे… आणि तेच मी केलं’ असं म्हणत डॉ. अनवर यांनी आपल्यावरचे आरोप फेटाळून लावत चार्जशीटवर प्रश्नचिन्ह उपस्थित केलंय. आंदोलकांमुळे या भागात येण्या-जाण्यासाठी लोकांना त्रास होत होता, त्यामुळे हे आंदोलन थांबवण्याची मी स्थानिक पोलिसांना विनंती केली होती, असंही डॉ. अनवर यांचं म्हणणं आहे.

वाचा :काश्मीर: सीआरपीएफ गस्ती पथकावर मोठा दहशतवादी हल्ला, १ जवान शहीद
वाचा :आजोबांच्या मृतदेहावर बसला चिमुकला; दहशतवादाचा सर्वात तिरस्करणीय चेहरा

उत्तर पूर्व दिल्लीत उसळलेल्या दिल्ली हिंसाचारानंतर डॉ. अनवर आणि त्यांचा भाऊ डॉक्टर मेराज इकराम यांनी जवळपास ५०० जणांवर मोफत उपचार केले होते. इतकंच नाही तर डॉ. अनवर, त्यांचा भाऊ आणि दोन नर्स यांनी कर्फ्युतही लोकांना मोफत औषधं आणि मेडिकल सेवा दिली होती. ज्या रुग्णांना गरज होती त्यांना इतर रुग्णालयात दाखल करण्यासाठी मदत केली होती.

दिल्ली हिंसाचारात तब्बल ५१ जणांनी आपले प्राण गमावले होते. ‘फारुकिया मशिदीत झालेल्या विरोध प्रदर्शनाचे आयोजक अरशद प्रधान आणि अल हिंद रुग्णालयाचा मालक डॉ. अनवर होते. या लोकांची चौकशी केली जाऊ शकलेली नाही. त्यांची नंतर चौकशी करण्यात येईल’ असंही दिल्ली पोलिसांच्या चार्जशीटमध्ये म्हटलं गेलंय.

पोलिसांनी आपल्या चार्जशीटमध्ये १२ जणांना आरोपी बनवलंय. हे सर्व जण न्यायालयीन कोठडीत आहेत. मोहम्मद शानवाज उर्फ शानू, मोहम्मद फैजल, आझाद, अशरफ अली, राशिद उर्फ मोनू, शाहरुख, मोहम्मद शोएब, परवेज, राशिद उर्फ राजा, मोहम्मद ताहिर, सलमान आणि सोनू सैफी अशी या आरोपींची नावं आहेत.

वाचा :
बहिणीवरील बलात्काराचा त्याने ६ वर्षांनंतर ‘असा’ घेतला बदला
वाचा :पहिल्या पत्नीच्या हत्या प्रकरणात जामिनावर, आमदार पुन्हा बोहल्यावर चढणार!



Source link

LEAVE A REPLY

Please enter your comment!
Please enter your name here

Most Popular

Varun Gandhi: मदत मागणाऱ्यावर वरुण गांधी खवळले!; म्हणाले, ‘मी काय तुमचा नोकर नाही’ – bjp pilibhit mp varun gandhi viral audio illegal liquor case...

पिलीभीतः उत्तर प्रदेशमधील पिलीभीत येथील भाजप खासदार वरुण गांधी ( varun gandhi ) यांचा एक कथित ऑडिओ व्हायरल झाला आहे. या कथित व्हायरल...

Recent Comments