Home शहरं धुळे dhule News : करोना मृत्यूदर सर्वाधिक - corona mortality highest

dhule News : करोना मृत्यूदर सर्वाधिक – corona mortality highest


करोना मृत्यूदर सर्वाधिक

जिल्हाधिकारी यांची माहिती; तज्ज्ञ समितीमार्फत अहवाल सादर

म. टा. प्रतिनिधी, जळगाव

जिल्ह्यातील करोनाचा मृत्यूदर हा राज्यात सर्वाधिक असल्याची धक्कादायक बाब समोर आली आहे. या विषयासंदर्भात थेट राज्य सरकारकडून जिल्हा प्रशासनाला विचारणा करण्यात आली होती. त्यानुसार जिल्हा प्रशासनाने वैद्यकीय तज्ज्ञांची समिती नेमून त्यांच्याकडून याबाबत अभ्यास करून अहवाल तयार केला आहे. तो अहवाल राज्याच्या आरोग्य यंत्रणेला सादर करण्यात आल्याची माहिती जिल्हाधिकारी डॉ. अविनाश ढाकणे यांनी सोमवारी (दि. ४) आयोजित पत्रकार परिषदेत दिली. मधूमेह व उच्च रक्तदाब असे आजार असलेल्या वयोवृद्ध नागरिकांचा यात समावेश होता. तसेच उशिरा रुग्णालयात आल्यानेही मृत्यूचे प्रमाण जास्त झाल्याचे त्यांनी सांगितले.

करोनासंदर्भातील महत्त्वपूर्ण निर्णय, लॉकडाउनमधील बदलांची माहिती देण्यासाठी जिल्हा नियोजन भवनात आयोजित पत्रकार परिषदेत जिल्हाधिकारी यांनी ही माहिती दिली. जळगाव जिल्ह्यात आतापर्यंत ५२ करोनाबाधित रुग्ण आढळले आहेत. त्यातील १३ रुग्णांचा करोनामुळे मृत्यू झाल्याचे समोर आले आहे. हा मृत्यूदर एकूण रुग्णसंख्येच्या तुलनेत ३० ते ३२ टक्के इतका आहे. करोनाचा एवढा मृत्यूदर करोना हॉटस्पॉट असलेल्या मुंबई, पुण्यासारख्या महानगरांमध्येही नाही. त्यामुळे जिल्ह्यासह राज्याच्या आरोग्य यंत्रणेची झोप उडाली होती. राज्य शासनाने या बाबीची गंभीर दखल घेऊन जळगाव जिल्हा प्रशासनाला याबाबत चौकशी करण्याचे आदेश दिले होते. त्यानुसार जिल्हा प्रशासनाने याकामी तज्ज्ञ वैद्यकीय अधिकाऱ्यांचा समावेश असलेली एक समिती नेमली होती.

दुर्धर आजारांनी त्रस्त असलेल्यांचा मृत्यू

तज्ज्ञ समितीने याची सखोल चौकशी केली असता, ज्यांचा वयोगट हा ५० ते ९२ वर्षांदरम्यान आहे. शिवाय मधुमेह, हृदयरोग, उच्चरक्तदाब, हायपर टेंशन, कर्करोग अशा दुर्धर आजारांनी ते आधीच ग्रस्त होते. दुर्धर आजार असताना करोनाची लागण झाल्याने त्यांचा लवकर मृत्यू झाल्याचा निष्कर्ष समितीने नोंदवला. करोनाग्रस्त असताना वैद्यकीय उपचाराकडे दुर्लक्ष झाल्याने कोणाचाही मृत्यू झालेला नाही, असेही या समितीने स्पष्ट केले. तसा अहवाल राज्याच्या आरोग्य यंत्रणेला सादर करण्यात आला आहे, असेही जिल्हाधिकाऱ्यांनी यावेळी सांगितले. दरम्यान, करोनामुळे मृत्यू झालेले तीन रुग्ण हे जिल्हा रुग्णालयात दाखल होण्यापूर्वीच मृत्यू पावले होते. नंतर त्यांच्या स्वॅबचे अहवाल पॉझिटिव्ह आल्याने त्यांना करोनाची लागण झाल्याचे स्पष्ट झाले. इतर मृत्यू झालेले रुग्णदेखील वयोवृद्ध होते. अपवाद वगळता जिल्ह्यातील इतरांचे मृत्यू तारुण्यात करोनामुळे झाले आहेत, असेही जिल्हाधिकारी डॉ. ढाकणे यांनी स्पष्ट केले.

तालुकानिहाय आकडेवारी

तालुका … मृत्यू संख्या

अमळनेर – ०६

जळगाव – ०२

भुसावळ – ०२

पाचोरा – ०२

चोपडा – ०१

एकूण – १३



Source link

LEAVE A REPLY

Please enter your comment!
Please enter your name here

Most Popular

Sushant Singh Rajput: सुशांतसिंह राजपूत मृत्यू प्रकरण : एनसीबीचे आरोपपत्र – sushant singh rajput death case : first charge sheet has filed in sushant...

म. टा. विशेष प्रतिनिधी, मुंबईअभिनेता सुशांतसिंह राजपूत मृत्यूचा तपास सीबीआय करत असतानाच त्यात काही व्हॉट्सअॅप संभाषणांच्या माध्यमातून अंमली पदार्थांचे रॅकेट उजेडात आल्याने नार्कोटिक्स...

Recent Comments