Home शहरं धुळे dhule News : धुळेकरांना पडलाय ‘रेड झोन’चा विसर! - dhulekar forgets 'red...

dhule News : धुळेकरांना पडलाय ‘रेड झोन’चा विसर! – dhulekar forgets ‘red zone’!


धुळेकरांना पडलाय ‘रेड झोन’चा विसर!

शहरात यात्रेचे स्वरुप; सुरक्षित वावर धाब्यावर

म. टा. वृत्तसेवा, धुळे

देशभरात लॉकडाउनचा तिसरा टप्पा सोमवार (दि. ४) पासून सुरू झाला आहे. यानुसार केंद्र सरकारने देशातील करोना रुग्णांच्या संख्येवरून ‘रेड’, ‘ऑरेंज’ आणि ‘ग्रीन’ असे झोन केले आहेत. धुळे जिल्ह्यात करोना रुग्णांची जास्त असल्याने धुळ्याचा समावेश ‘रेड झोन’मध्ये आहे. असे असताना ही सोमवारी धुळेकरांनी मुख्य बाजारपेठेत भाजीपाल्यासह किराणा वस्तूंच्या खरेदीसाठी मोठ्या प्रमाणात गर्दी केली होती. यामुळे धुळेकरांना करोना आणि रेडझोनचा विसर पडला की काय, असेच वाटत होते.

शहरासह जिल्हाभरात सोमवारअखेर करोनाबाधित रुग्णांची संख्या ३२ आहे. त्यातील सहा जणांचा मृत्यू झाला, तर उर्वरित २६ जणांवर जिल्हा सर्वोपचार रुग्णालयात उपचार सुरू आहेत. ही परिस्थिती पाहता जिल्हाधिकारी संजय यादव यांनी १० मेपर्यंत जिल्ह्यात अत्यावश्यक सेवा वगळता इतर सर्व व्यवहार बंद केले आहेत. मात्र, दि. ३ मे नंतर लॉकडाउन शिथिल झाले असा संभ्रम शहरातील नागरिकांच्या मनात आला असावा की काय? म्हणून शहरातील मुख्य बाजारपेठ पाचकंदिलपासून जुना आग्रा रोडवर सोमवारी शेकडो नागरिकांनी गर्दी केली होती. दरम्यान, या वेळी नागरिकांनी दुचाकी व चारचाकीवरच शहरात दाखल होणे पसंत केल्याने वाहतुकीची कोंडी झाली होती. जिल्ह्यातील सर्वाधिक करोनाबाधितांची संख्या शहरातच आहे. आठ कंटेन्मेंट झोन आहेत. त्यामुळे करोनाचा धोका शहरातील नागरिकांना मोठा आहे. तरीदेखील नागरिकांनी बाजारपेठेत वस्तू घेण्यासाठी गर्दी केली होती. दरम्यान, २६ करोनाबाधितांपैकी चार रुग्णांच्या प्रकृतीत हळूहळू सुधारणा होत असून, यात शिंदखेडा तालुक्यातील ७० वर्षीय महिलेचा तर तीन शहरातील रुग्णांचा समावेश आहे. सोमवारी या चौघांचा करोना तपासणी अहवाल निगेटिव्ह आला आहे, अशी माहिती प्रशासनाने दिली आहे.

मटाभूमिका

एकीकडे प्रशासन, आरोग्ययंत्रणा करोनाशी दोन हात करीत अहोरात्र प्रयत्न करीत आहे. तर दुसरीकडे या करोनाच्या धोक्याचे कोणतेही सोयरसुतक नागरिकांना राहिलेले नाही, याचा प्रत्यय वारंवार येत आहे. आपल्या दाराशी आलेल्या करोनाला हरविण्यासाठी घरातच राहणे हा एकमेव पर्याय असल्याचाही बाहेर फिरणाऱ्यांना विसर पडला आहे. धुळ्यात ३२ रुग्ण झाले असून, खान्देशात तर शंभरावर बाधित झाल्याने संसर्गाचा धोका अधिक आहे, किमान याचा तरी नागरिकांनी विचार केल्यास अनेकांचे प्राण वाचणार आहेत.



Source link

LEAVE A REPLY

Please enter your comment!
Please enter your name here

Most Popular

mumbai maximum temperature: मुंबईच्या तापमानात वाढ – mumbai weather : mumbai maximum temperature increases

म. टा. विशेष प्रतिनिधी, मुंबईमुंबईसह राज्याच्या काही शहरांत पहाटे अजूनही किंचितसा गारवा जाणवत असला तरी हळुहळू तापमान वाढत आहे. किमान आणि कमाल तापमान...

MNS-BJP alliance: Nashik: मनसेच्या ‘या’ दोन निर्णयांमुळं नव्या राजकीय समीकरणांची चर्चा – bjp mns may form alliance to fight nashik municipal election

म. टा. खास प्रतिनिधी, नाशिकमहापौर निवडणुकीपाठोपाठ स्थायी समिती निवडणुकीतही मनसेने भाजपला साथ देण्याचा निर्णय घेतल्याने आगामी नाशिक महापालिका निवडणुकीत भाजप आणि मनसे एकत्र...

shiv sena vs bjp in bmc: शिवसेनेवरचा ‘हा’ आरोप भाजपला भलताच महागात पडला! – maha vikas aghadi parties hit the bjp over distribution of...

म. टा. विशेष प्रतिनिधी, मुंबईगेल्या वर्षीच्या विकासनिधीचा शिवसेनेकडून गैरवापर झाल्याचा आरोप भाजपलाच महागात पडला आहे. यंदाच्या विकासनिधी वाटपात शिवसेना, काँग्रेस, राष्ट्रवादी काँग्रेस आणि...

Recent Comments