Home शहरं औरंगाबाद gram panchayat election in aurangabad: प्रचार थांबला; उद्या मतदान - aurangabad administration...

gram panchayat election in aurangabad: प्रचार थांबला; उद्या मतदान – aurangabad administration is prepared for gram panchayat election


टीम मटा, औरंगाबाद

जिल्ह्यातील तब्बल ६१७ ग्रामपंचायतीमधील ३५ ग्रामपंचायती बिनविरोध ठरल्या असून, उर्वरित ग्रामपंचायतींसाठीच्या प्रचाराच्या तोफा बुधवारी (१३ जानेवारी) संध्याकाळी साडेपाच वाजता थंडावल्या आहेत. शुक्रवारी (१५ जानेवारी) मतदान होणार असून, प्रशासनाने जय्यत तयारी केली आहे.

चार जानेवारी या उमेदवारी अर्ज मागे घेण्याच्या दिवसानंतर ग्रामपंचायतींचा खऱ्या अर्थाने प्रचार सुरू झाला आणि गेल्या आठवड्याभरात गावागावांमध्ये प्रचाराचा धुराळा उडाला. १५ जानेवारी रोजी जिल्ह्यातील ५८२ ग्रामपंचयतींसाठी प्रत्यक्षात मतदानाची प्रक्रिया राबवण्यात येणार असून, ३५ ग्रामपंचायती यापूर्वीच बिनविरोध ठरल्या आहेत. २०९० प्रभागांपैकी १८३ प्रभाग यापूर्वीच बिनविरोध ठरले असून, आता १ हजार ९०७ प्रभागांमध्ये निवडणुक होणार आहे. ग्रामपंचायतीच्या रिंगणात ११ हजार ४९९ उमेदवार आहेत. तर बिनविरोध ठरलेल्या उमेदवारांची संख्या पाहता वैजापूर तालुक्यात २१६, सिल्लोड ७७, कन्नड २१, पैठण २२, औरंगाबाद ८९, फुलंब्री ५७, सोयगाव ९२ तर खुलताबाद तालुक्यातील ३६ असे एकूण ६१० उमेदवार बिनविरोध ठरले आहेत. या निवडणुकीमध्ये १२ लाख ४६ हजार ५३६ मतदार मतदान करून आपले लोकप्रतिनिधी निवडणार आहेत. ग्रामपंचायत निवडणुकांसाठी १५ जानेवारी रोजी मतदान घेण्यात येणार असून, १८ जानेवारी रोजी मतमोजणी होणार आहे. दरम्यान, लोकसभा, विधानसभा निवडणुकीप्रमाणेच ग्रामपंचायत निवडणुकीतसुद्धा मतदारांना मतपत्रिकेवरील एकाही उमेदवाराला मतदान करावयाचे नसल्यास नोटाचे बटण दाबता येणार आहे. इलेक्ट्रॉनिक मतदान यंत्रावर नोटा हा पर्याय उपलब्ध असल्यामुळे ज्या मतदारांना कोणत्याही उमेदवाराला मतदान करण्याची इच्छा नाही त्यांना मतदानाचा हक्क बजावता येणार आहे.

करोना नियम पाळा

खुलताबाद : खुलताबाद तालुक्यातील २५ ग्रामपंचायतीच्या निवडणुकीसाठी ८९ मतदान केंद्रावर मतदानाची प्रक्रिया पार पाडली जाणार आहे. यासाठी ३५६ अधिकारी व कर्मचाऱ्यांची नियुक्ती करण्यात आली आहे. मतदान केंद्रावर करोनाचे नियम पाळावे, असे आवाहन तहसीलदार सुरेंद्र देशमुख यांनी केले आहे. ग्रामपंचायत निवडणुकीच्या पार्श्वभूमीवर डॉ.जाकीर हुसेन अध्यापक महाविद्यालयात तालुक्यातील ग्रामसेवक, तलाठी, पोलिस पाटील यांची बैठकीत घेण्यात आली. त्याप्रसंगी तहसीलदार देशमुख बोलत होते.

संवेदनशील केंद्रावर नजर

सिल्लोड : तहसीलदार विक्रम राजपूत म्हणाले, तालुक्यात ७७ ग्रामपंचायतींसाठी ३३६ मतदान केंद्रांवर मतदान घेण्यात येणार आहे. तालुक्यातील केळगाव, वांगी बु., पिंपळगाव पेठ, बोरगाव सारवणी, भवन, पालोद, आमठाणा, शिवना, तांडाबाजार, कायगाव ही १० गावे संवेदनशील, तर अंधारी, भराडी, घटनांद्रा, डोंगरगाव, अजिंठा ही ५ गावे अती संवेदनशील आहेत. या गावांमधील मतदान केंद्रांवर मोठा पोलिस बंदोबस्त राहणार आहे. तालुक्यात ४०० पोलिसांचा मोठा बंदोबस्त राहणार आहे.

ग्रामपंचायत निवडणुकीच्या अनुषंगाने मतदानादिवशी खबरदारी घेण्यासाठी निवडणूक आयोगाने गाइडलाइन दिली आहे. मतदान केंद्रांवरील रांगा, केंद्रावर मतदारांसाठी सॅनिटायझर, साबण अशी व्यवस्था केली जाणार आहे. मतदानाच्या दिवशी सुरक्षित अंतराचे पालन व्हावे यासाठी निवडणूक अधिकारी, कर्मचारी याबरोबरच मतदार व उमेदवारांनाही करोनाचे नियम पाळावे लागणार आहेत.

– सुरेंद्र देशमुख, तहसीलदार



Source link

LEAVE A REPLY

Please enter your comment!
Please enter your name here

Most Popular

anil deshmukh latest news: Anil Deshmukh: राज्यात पोलिसांसाठी १ लाख घरे; गृहमंत्री देशमुख यांनी दिली महत्त्वाची माहिती – one lakh houses for police; anil...

नागपूर : राज्यातील पोलीस अधिकारी-कर्मचारी संख्येच्या तुलनेत अत्यंत कमी घरे आहेत. त्यामुळे पोलीस दलाची घरांची वाढती मागणी पाहता राज्य पोलीस दलासाठी एक लाख...

Tim Paine: IND vs AUS : भारताविरुद्धच्या पराभवानंतर ऑस्ट्रेलियाच्या कर्णधारावर आली ही वाईट वेळ, जगासमोर लाज गेली… – ind vs aus : australia captain...

नवी दिल्ली, IND vs AUS : भारताविरुद्धच्या पराभवानंतर ऑस्ट्रेलियाच्या कर्णधार टीम पेनवर वाईट वेळ आली आहे. या एका गोष्टीमुळे संपूर्ण क्रिकेट विश्वासमोर पेनची...

Recent Comments