Home क्रीडा happy birthday sanath jayasuriya: फलंदाज ज्याने क्रिकेटला बदलून टाकले; पाक गोलंदाजांची पिसे...

happy birthday sanath jayasuriya: फलंदाज ज्याने क्रिकेटला बदलून टाकले; पाक गोलंदाजांची पिसे काढली!


कोलंबो: सध्या टी-२० क्रिकेटची लोकप्रियता प्रचंड आहे. पण जागतिक क्रिकेटमध्ये असा एक फलंदाज होता जो ५० षटकाची वनडे मॅच टी-२० प्रमाणे खेळायचा. वनडे क्रिकेटमधील फलंदाजीची शैली बदलून टाकणाऱ्या या क्रिकेटपटू सनथ जयसूर्याचा आज ५१वा वाढदिवस आहे. १९९०च्या दशकात प्रतिस्पर्धी संघाचे एकच लक्ष्य असायचे ते म्हणजे श्रीलंकाचा धडाकेबाज फलंदाज सनथ जयसूर्याला बाद करायचे. कारण सर्वांना माहित होते की जर तो एकदा क्रीझवर टीकला तर त्याला थांबवणे अशक्य असते. पहिल्या चेंडूपासून गोलंदाजावर तूटन पडणाऱ्या जयसूर्याच्या विक्रमांबद्दल जाणून घेऊयात….

वाचा- पाकिस्तान क्रिकेट बोर्डाचा पराक्रम; स्वत:च्या देशाचे स्पेलिंग चुकीचे लिहले!

वनडे क्रिकेटमध्ये सनथ जयसूर्याने अशी काही फलंदाजी केली ज्याचा कोणी तेव्हा विचार देखील केला नव्हता. फक्त ४८ चेंडूत शतक असो की १७ चेंडूत अर्धशतक असे विक्रम जयसूर्याने केले होते. आक्रमक फलंदाजीचे दुसरे नाव जयसूर्या झाले. क्रिकेटमध्ये एक गोलंदाज म्हणून सुरुवात करणाऱ्या जयसूर्याला श्रीलंकेचे कोच डेव वॉटमोर आणि कर्णधार अर्जुन राणातुंगा यांनी फलंदाज केले. त्यानंतर रमेश कालुविथराणाच्या सोबत त्याने सलामीला येत अशी काही फलंदाजी केली की गोलंदाजाच्या मनात भीती निर्माण झाली. चेंडू कसा ही असो जयसूर्या त्यावर तुटून पडायचा. त्याने वनडे क्रिकेटच्या खेळाची व्याख्याच बदलली.

वाचा- गावस्करांनी असे का केले? उत्तर फक्त त्यांनाच माहीत!

आजच्या दिवशी १९६९ मध्ये श्रीलंकेत जन्मलेल्या जयसूर्याने त्याच्या फलंदाजीने क्रिकेट जगतावर स्वत:ची छाप उमटवली. जेव्हा १९९६ साली श्रीलंकेने वर्ल्ड कप जिंकला तेव्हा तो मालिकावीर ठरला होता. इंग्लंडविरुद्ध झालेल्या उपांत्य फेरीच्या लढतीत त्याने ४४ चेंडूत ८२ धावा केल्या.

वाचा- सर्वाधिक चेंडू खेळलेले टॉप ५ फलंदाज; हा भारतीय अव्वल स्थानी!

वर्ल्ड कपनंतर त्याच वर्षी पाकिस्ताविरुद्ध झालेल्या एका सामन्यात जयसूर्याने प्रथम ६५ चेंडूत १३४ आणि नंतर फक्त १७ चेंडूत ५० धावा केल्या होत्या. जयसूर्याने फक्त वनडेत नाही तर कसोटी क्रिकेटमध्ये देखली धमाकेदार फलंदाजी केली होती. त्याने १९९७-९८ साली भारताविरुद्ध ३४० धावा केल्या. लंकेकडून कसोटी झालेल्या त्या सर्वाधिक धावा होत्या. त्यानंतर इंग्लंडविरुद्ध ओव्हल मैदानावर २१३ धावा केल्या.

वाचा- धक्कादायक खुलासा; ‘या’ कर्णधाराने सचिन, सौरवला वर्ल्ड कप खेळण्यापासून रोखले!

जयसूर्याने फक्त फलंदाजीत नाही तर गोलंदाजीत देखील स्वत:ची छाप उमटवली. २००७ साली वनडेत ३०० विकेट घेणारा तो फक्त तिसरा गोलंदाज ठरला होता. आंतरराष्ट्रीय स्तरावर ४०० वनडे खेळणारा ते पहिला क्रिकेटपटू होता.

जयसूर्याने लंकेकडून ११० कसोटी सामन्यात ४०.१च्या सरासरीने ६ हजार ९७३ धावा केल्या. यात १४ षटकार आणि ३१ अर्धशतकांचा समावेश होता. वनडेत त्याने ४४५ सामने खेळले त्यात ३२.४च्या सरासरीने १३ हजार ४३० धावा. यात २८ शतक आणि ६८ अर्धशतक केलीत. तर ३१ टी-२० क्रिकेटमध्ये ६२९ धावा. जयसूर्याने २००८ ते १० या काळात आयपीएलमध्ये ३० सामने खेळलेत. IPLमध्ये नाबाद ११४ ही त्याची सर्वोच्च खेळी आहे.



Source link

LEAVE A REPLY

Please enter your comment!
Please enter your name here

Most Popular

farmers protest: tractor rally : दिल्लीत हिंसक आंदोलन; केंद्राकडून गंभीर दखल, सिंघू सीमेवरून शेतकरी नेते ‘गायब’ – tractor rally violence in farmers protest signs...

नवी दिल्ली: प्रजासत्ताक दिनी कृषी कायद्यांविरोधात ( farmers protest ) शेतकरी ट्रॅक्टर परेडमध्ये ( tractor rally ) मंगळवारी हिंसाचार झाला. शेतकरी आंदोलनकर्त्यांनी बॅरिकेड...

R. Ashwin: टीम इंडियामध्ये लागलं मोठं चॅलेंज, पुजाराने ‘ही’ गोष्ट केल्यावर अश्विन अर्धी मिशी ठेवणार – ind vs eng : indian cricketer r. ashwin...

नवी दिल्ली, IND vs ENG : भारतीय संघामध्ये सध्याच्या घडीला एक मोठं चॅलेंज लागलेलं आहे. हे चॅलेंज भारताचा फिरकीपटू आर. अश्विनने भरवश्याचा फलंदाज...

Recent Comments