Home आपलं जग हेल्थ health news News : शरीरातील बदलांकडे दुर्लक्ष नको - don't ignore the...

health news News : शरीरातील बदलांकडे दुर्लक्ष नको – don’t ignore the changes in the body


डॉ. अभिनव देशपांडे

कर्करोग शल्यचिकित्सक, नागपूर

कर्करोग…! कर्क म्हणजे खेकडा. खेकडा चालताना आपल्या आसपासच्या भागाला आपल्या कवेत घेत असतो. अगदी त्याचप्रकारे कर्करोगाच्या पेशी जेथून तो उगम पावतात तेथील अवयवांना आपल्या कवेत घेतात. कर्करोगामध्ये मानवी अवयवांमध्ये विशिष्ट प्रकारच्या पेशींची वाढ होत जाते व त्याची गाठ तयार होते. आपल्या शरीरात रोगप्रतिकारशक्तीचे द्योतक असलेल्या ‘लिम्फ सिस्टिम’वर त्याचा आघात होतो. असा आघात झाल्यास काखेत किंवा जांघेत गाठी येतात. या गाठी म्हणजे शरीराची प्रतिकारशक्तीच असते. कर्करोगात मात्र त्या गाठीचे कारण हे कर्करोगाच्या पेशी असतात. कालांतराने त्या पेशींचा रक्तामध्ये प्रसार होतो व संपूर्ण शरीरात कर्करोग पसरत जातो.

कर्करोग शरीरातील जवळपास प्रत्येक अवयवांमध्ये होऊ शकतो. म्हणजे अगदी मेंदूपासून ते गुदद्वारापर्यंत आणि स्तनांपासून हाडांपर्यंत सगळ्या अवयवांना कर्करोगाचा प्रादुर्भाव होऊ शकतो. मात्र, हृदयाला कर्करोगाने ग्रासण्याचे प्रमाण अगदीच नगण्य आहे. हृदयात गाठ असली, तरी ती कर्करोगाची नसते, असे आढळून आले आहे.

Bकर्करोगाची लक्षणे काय असतात?B

सुरुवातीला एखादी गाठ आढळून येते. मात्र, त्यात वेदना जाणवत नाही. गाठ दुखत नसल्याने त्याकडे दुर्लक्ष करण्यात येते. मात्र, ती गाठ कर्करोगाची असू शकते; शिवाय कुठल्या अवयवाचा कर्करोग आहे, त्यावरून कर्करोगाची लक्षणे प्रकट होत असतात. ज्या भागात कर्करोग असतो, तेथील अवयवांचे कार्य बिघडते किंवा त्यात विकृती निर्माण होते. तोंडाचा कर्करोग असेल, तर तोंडातून वास येणे, तोंड उघडण्यास त्रास होणे वगैरे लक्षणे आढळतात. मेंदूचा कर्करोग असेल, तर चक्कर येणे, अचानक ओकारी होणे, डोके दुखणे, एखाद्या बाजूला लकवा मारणे, अचानक वागणूक बदलणे, अशी लक्षणे आढळून येतात. गळ्याचा असेल, तर गिळण्यास त्रास होणे वगैरे यांसारखी लक्षणे आढळतात. म्हणजे ज्या ठिकाणी कर्करोग असतो, त्या अवयवाचे कार्यान्वयन बिघडते. अन्ननलिकेच्या कर्करोगात कधी कधी शौच्याद्वारे रक्तही जाऊ शकते. मात्र, अनेकदा ही लक्षणेही आढळत नाहीत. रुग्णाला कर्करोग झाल्याचे जाणवणार नाही; पण अनैसर्गिक लक्षणे दिसून येतील. उदा. भूक न लागणे, अचानक वजन कमी होऊ लागणे, फार काळापर्यंत ताप असणे व तापाचे निदान न होणे, दीर्घ काळ खोकला राहणे अशी लक्षणेदेखील आढळून येतात.

‘डिस्टन्स मेटॅस्टिसिस’ हा एक प्रकार आहे. यात एखाद्या जागी कर्करोग असतो. मात्र, त्याची लक्षणे दुसऱ्या जागी आढळून येतात. उदा. पुरुषांच्या वृषण अथवा अंडकोषात कर्करोग झाला, तर तेथे सूज येते. मात्र, वेदना फार नसल्याने त्यास ‘हायड्रोसिल’ झाला, असे समजून दुर्लक्ष करण्यात येते. मात्र, रोग पसरून मानेत गाठी दिसून येतात. विस्तृत तपासणी केल्यावर अंडकोशाच्या कर्करोगाचे निदान होते.

कर्करोगात पूर्वनिदान फार आवश्यक आहे. त्यासंबंधी आपण पुढील भागांत चर्चा करूच. मात्र, वजन कमी होणे, पचन न होणे यांसारखे शरीरात अनैसर्गिक व्यवहार दिसून आले, तर ती कर्करोगाची लक्षणे असू शकतात. त्यामुळे अशी लक्षणे दिसल्यास आरोग्य तपासणी करणे आवश्यक आहे.



Source link

LEAVE A REPLY

Please enter your comment!
Please enter your name here

Most Popular

Corona Cases in Aurangabad: एका रुग्णाचा मृत्यू; १११ नवे बाधित – aurangabad reported 111 new corona cases and 1 deaths in yesterday

म. टा. प्रतिनिधी, औरंगाबादजिल्ह्यातील वैजापूर तालुक्यातील पाथरी येथील ७० वर्षांच्या बाधित महिला रुग्णाचा उपचारादरम्यान घाटीत मृत्यू झाला. त्यामुळे जिल्ह्यातील एकूण करोना बळींची संख्या...

Maradona Goals Every Football Fans Should Watch His Skills And Abilities – Maradona Goals Video: प्रत्येक चाहत्याने पाहिले पाहिजेत मॅराडोनाच्या सर्वोत्तम गोलचे व्हिडिओ

नवी दिल्ली: फुटबॉल जगातील महान खेळाडू दिएगो मॅराडोना (Diego Maradona) यांचे बुधवारी निधन झाले. फुटबॉल जगतातील सर्व चाहत्यांच्या मनात घर करणाऱ्या मॅराडोनाच्या निधनामुळे...

suvrat joshi startup: अभिनेता सुव्रत जोशीच्या मदतीनं सुरु होतंय नवीन ‘पर्व’ – marathi actor suvrat joshi is part of new startup called parva

मुंबई: अभिनेता सुव्रत जोशी काही दिवसांपूर्वीच लंडनहून परताय. त्यानं त्याच्या आगामी चित्रपटासाठी डबिंगचं कामही सुरू केलं आहे. पण तुम्हाला माहित आहे का सुव्रत...

ITI admissions 2020: ‘आयटीआय’चे सुधारित वेळापत्रक जाहीर; ‘एसईबीसी’आरक्षण वगळून प्रवेश – iti admissions 2020 revised schedule announced

म. टा. प्रतिनिधी, पुणेऔद्योगिक प्रशिक्षण संस्थांमधील (ITI) प्रवेशप्रक्रियेचे सुधारित वेळापत्रक जाहीर करण्यात आले आहे. 'एसईबीसी' आरक्षणाबाबत राज्य सरकारच्या आदेशानंतर बुधवारी व्यवसाय शिक्षण व...

Recent Comments