Home देश hyderabad murder case: बायकोचा खुनी तुरुंगातून जामिनावर सुटला अन् जे घडलं ते...

hyderabad murder case: बायकोचा खुनी तुरुंगातून जामिनावर सुटला अन् जे घडलं ते भयानक – Hyderabad Murder Man Out On Bail After Killing Wife Allegedly Killed 2 Sisters In Chandrayangutta


हैदराबाद: वर्षभरापूर्वी पत्नीची हत्या केल्यानंतर तुरुंगात गेलेला आरोपी जामिनावर बाहेर आला आणि त्याने जे कृत्य केले ते अंगाचा थरकाप उडवणारे असेच आहे. तुरुंगातून बाहेर आल्यानंतर त्याने दोन बहिणींची निर्घृण हत्या केली. तर कुटुंबातील इतर दोघांवरही हल्ला करून त्यांना जखमी केले. त्यांची प्रकृती गंभीर आहे. संपत्तीवरून झालेल्या वादातून त्याने दोघींची हत्या केली. हैदराबादमध्ये ही धक्कादायक घटना घडली आहे.

अहमद बिन सलाम इस्माईल असे या आरोपीचं नाव आहे. हैदराबाद ओल्ड सिटीमधील चंद्रयानगुट्टा पोलिसांनी सांगितले की, सोमवारी संध्याकाळी साधारण सात वाजताच्या सुमारास इस्माईलचे तीन बहिणींपैकी दोघींशी कडाक्याचे भांडण झाले. त्याने रझिया बेगम (वय ३५) आणि झाकिरा बेगम (वय ४५) यांच्यावर हल्ला केला. खंजीर भोसकल्याने दोघींचा जागीच मृत्यू झाला. दोघींची हत्या केल्यानंतर इस्माईल हा सर्वात लहान बहीण नूरच्या घरी गेला. तिचे घर बालापूरमध्ये असून, येथून चार किलोमीटरवर आहे. तिथे जाऊन त्याने नूरवर प्राणघातक हल्ला केला. त्याचवेळी तिचा पती ओमर हसन हा आला. त्याने जोरदार प्रतिकार केला. मात्र, त्याने दोघांवरही खंजीरने वार केले.

टिकटॉक स्टार तरुणीची गळा आवळून हत्या, दोन दिवसांनी…

पत्नीची पतीला बेदम मारहाण; थप्पड, हात पिरगळून सिगारेटचे चटकेही दिले

नूर आणि तिचा पती ओमरचा मृत्यू झाल्याचे त्याला वाटले आणि तो तेथून निघून गेला. मात्र, सुदैवाने दोघेही जिवंत होते. त्यांनी आरडाओरड केली. आजूबाजूच्या लोकांनी त्यांच्या घरी धाव घेतली. जखमी अवस्थेत पडलेल्या दोघांना त्यांनी स्थानिक रुग्णालयात उपचारासाठी दाखल केले. त्यांची प्रकृती गंभीर असल्याचे डॉक्टरांकडून सांगण्यात आले.

धक्कादायक! मुंबईच्या जे. जे. रुग्णालयात महिला डॉक्टरचा वॉर्डबॉयकडून विनयभंग

बहिणीला प्रपोज केला, भावानं मित्रांच्या मदतीनं ‘त्याचा’ काटा काढला

या भयानक घटनेची माहिती चंद्रयानगुट्टा आणि बालापूर पोलिसांना समजताच, त्यांनी घटनास्थळी धाव घेतली. त्यांनी चौकशी केली असता, संपत्तीच्या वादातून इस्माईलने हे कृत्य केल्याचे स्पष्ट झाले. इस्माईलने वर्षभरापूर्वी आपली पत्नी फातिमा हिची हत्या केली होती. या प्रकरणात त्याला तुरुंगवास झाला होता. तो तुरुंगातून जामिनावर बाहेर आला होता, अशी माहिती पोलिसांनी दिली.

आरोपी इस्माईल हा फरार झाला असून, त्याच्या शोधासाठी पोलिसांची पथके रवाना करण्यात आली आहेत. पोलिसांनी हत्येप्रकरणी इस्माईलवर गुन्हा दाखल केला आहे.

पोलीस कोठडीत मृत्यू; ‘या’ राज्यात खाकीची दहशत



Source link

LEAVE A REPLY

Please enter your comment!
Please enter your name here

Most Popular

PM Narendra Modi: मोदींच्या मनात का बा?; चिराग पासवानांवर एक शब्दही बोलले नाहीत मोदी – bihar election 2020 pm prime minister narendra modi did...

सासाराम:पंतप्रधान नरेंद्र मोदी (PM Narendra Modi) यांनी बिहार निवडणुकीतील (Bihar Assembly Election) एनडीएच्या प्रचारासाठी सासाराम येथे पहिली प्रचारसभा घेतली. या सभेत मोदींनी केवळ...

Ajit Pawar in Action: होम क्वारंटाइन असतानाही अजित पवार ‘इन अॅक्शन’ – home quarantined ajit pawar working from home

मुंबई: थकवा जाणवत असल्यामुळं खबरदारी म्हणून होम क्वारंटाइन झालेले उपमुख्यमंत्री अजित पवार हे सध्या मुंबईतील ‘देवगिरी’ या शासकीय निवासस्थानी आहेत. घरातूनच त्यांचे कार्यालयीन...

nashik recovery rate: करोनामुक्तीत नाशिक अव्वल – nashik corona update : nashik recovery rate is 91.10 percent and first ranked in recovery rate in...

म. टा. खास प्रतिनिधी, नाशिकप्रशासन, आरोग्य यंत्रणा यांच्या प्रयत्नातून करोनासंदर्भात नागरिकांमध्ये जनजागृती झाल्यामुळे आणि करोनाची भीती दूर झाल्यामुळे नाशिक जिल्ह्यात करोनामुक्तीचा वेग वाढला...

Recent Comments