पाकिस्तानच्या संसदेत दहशतवादाच्या अनुषंगाने चर्चा सुरू होती. त्यावेळी इम्रान खान यांनी अमेरिकेच्या भूमिकेवर प्रश्न उपस्थित केले. पाकिस्तानने दहशतवादविरोधी लढाईत अमेरिकेला साथ देता कामा नये. पाकिस्तानने अमेरिकेला प्रामाणिकपणे साथ दिली. मात्र, अमेरिकेमुळे पाकिस्तानला बदनाम व्हावे लागले. अफगाणिस्तानमध्ये अमेरिकेला अपयश आले तर खापरही पाकिस्तानवर फोडले असल्याचे इम्रान यांनी म्हटले. अमेरिकन लष्कराने पाकिस्तानमध्ये घुसून ओसामा बिन लादेनला शहीद केले आणि पाकिस्तानला याची कल्पना दिली. जगभरात यामुळे पाकिस्तानची नाचक्की झाली असल्याचे इम्रान खान यांनी म्हटले.
वाचा: खळबळजनक! पाकिस्तान जमा करतोय अणवस्त्रे; भारत निशाण्यावर!
दरम्यान, इम्रान खान यांच्या वक्तव्याचे पडसाद उमटल्यानंतर सरकारकडून तातडीने बाजू सावरण्याचे प्रयत्न झाले. इम्रान खान यांनी ओसामा बिन लादेनला ठार केले असा उल्लेख तीन वेळेस करण्यात आला असल्याचे पंतप्रधान कार्यालयाच्या अधिकाऱ्यांकडून स्पष्ट करण्यात आले. दहशतवादाविरोधात पाकिस्तान लढणार असून त्याला पाठिशी घालण्याचा प्रश्नच येत नसल्याचे स्पष्टीकरण देण्यात आले आहे.
वाचा: चीनचा भारताला धोका; युरोपातील अमेरिकेच्या फौजा आशियात: USA
फायनाशियल अॅक्शन टास्क फोर्सने (FATF)पाकिस्तानला ग्रे यादीत ठेवण्याचा निर्णय घेतला आहे. पाकिस्तानने लष्कर-ए-तोयबा आणि जैश-ए-मोहम्मद सारख्या संघटनांना निधी पुरवणाऱ्यांवर कोणतीही कारवाई करण्यात आलेली नाही. पाकिस्तानला हा मोठा धक्का असल्याचे समजले जाते.
