Home विदेश India China border news: India China Tension Pla's Recent Intensive Drills Amid...

India China border news: India China Tension Pla’s Recent Intensive Drills Amid China India Border Conflict – India China Border भारत-चीन तणाव: चर्चेच्या गप्पा करणाऱ्या चीनचा युद्धसराव!


बीजिंग: लडाखमधील प्रत्यक्ष नियंत्रण रेषेवर भारत-चीनच्या सैन्यांमध्ये झालेल्या हिंसाचारामध्ये २० भारतीय जवान शहीद झाले होते. त्यानंतर भारतासोबतचा वाद हा चर्चेतून सोडवण्यात येणार असल्याचे चीन म्हणत असले तरी दुसरीकडे तिबेटमध्ये चीन युद्ध सराव करत असल्याचे समोर आले आहे. त्यामुळे चीनला नेमके काय दाखवायचे आहे, याची चर्चा सुरू झाली आहे.

चीन सरकारचे वृत्तपत्र ‘ग्लोबल टाइम्स’ने ट्विटरवर युद्ध सरावाचा व्हिडिओ शेअर केला आहे. या व्हिडिओत चिनी सैन्य तिबेट सीमेजवळ युद्ध सराव करताना दिसत आहे. अशाप्रकारचे आणखी दोन व्हिडिओ ‘सीसीटीव्ही’ आणि ‘चायना डेली’ यांनी शेअर केले आहे. या व्हिडिओसोबत सूचक इशाराही चीनने भारताला दिला आहे. भारतीय सैन्यासोबत झालेल्या हिंसक संघर्षानंतर चीनच्या लष्करातील बॉर्डर कॉम्बॅक्ट फोर्स कुठेही युद्ध करण्यास सज्ज असल्याचे समोर आले आहे. आवश्यकता भासल्यास संपूर्ण चीनमधून या ठिकाणी युद्ध लढण्यास येऊ शकतात अशी धमकीही ट्विट करून दिली आहे.

वाचा: भारत-चीन तणाव: राष्ट्रपती शी जिनपिंग यांनी दिले ‘हे’ आदेश
भारत-चीन दरम्यान तणाव वाढल्यानंतर चीनच्या सैन्याकडून उंच ठिकाणी युद्धाचा सराव सुरू करण्यात आला आहे. तिबेटच्या उंच भागामध्ये चीनकडून सातत्याने सैन्याची कुमक वाढवण्यात येत असून डोंगराळ भाग आणि कमी ऑक्सिजनच्या ठिकाणी युद्ध सराव करत असल्याचे समोर आले आहे. या युद्ध सरावात चीनने १५ हलक्या वजनाचे रणगाडे, एचजे-१० अॅण्टी टँक मिसाइलचाही समावेश करण्यात आला. नुकतेच चीनच्या सैन्याने तिबेटच्या डोंगराळ भागात रात्रीच्या वेळीही युद्ध सराव केला असल्याचे समोर आले.

वाचा: भारत व तैवानसोबत वाद; चीन ‘नाटो’च्या रडारवर!

दरम्यान, लडाखच्या गलवान खोऱ्यात चीनी सैनिकांनी केलेल्या हिसाचाराच्या घटनेतील कोणताही भारतीय जवान बेपत्ता झाला नसल्याचे भारतीय लष्कराने स्षष्ट केले होते. गुरुवारी संध्याकाळी लष्कराने हे स्पष्टीकरण दिले होते. मात्र, आज तीन दिवस चाललेल्या दोन्ही पक्षांकडील चर्चेनंतर मंगळवार रात्रीपासून चीनी सैन्याच्या ताब्यात असलेल्या १० भारतीय जवानांची चीनने सुटका केली आहे. या वृत्तानंतर चीनने मुजोरीचे दर्शन घडवत भारतीय जवानांना आपल्या ताब्यात ठेवले होते हे स्पष्ट झाले आहे. या १० जवानांमध्ये ४ लष्करी अधिकाऱ्यांचा समावेश आहे. लडाखमधील गलवान खोऱ्यात झालेल्या चीनी सैनिकांच्या हल्ल्यात २० भारतीय जवान शहीद झाले होते. तर या हिंसाचारात चीनच्या ४५ सैनिकांचा मृत्यू झाल्याचेही वृत्त प्रसिद्ध झाले होते. त्यानंतर या हिंसक कारवाईत कोणीही भारतीय जवान बेपत्ता नाही असे लष्कराने एका निवेदनाद्वारे माहिती देताना म्हटले होते.

आणखी वाचा:
भारताने आम्हाला लेचेपेचे समजू नये; चीनची धमकी
आमच्या सोबतीला पाकिस्तान, नेपाळचे सैन्य; चीनची भारताला धमकी



Source link

LEAVE A REPLY

Please enter your comment!
Please enter your name here

Most Popular

Mumbai local: मोबाइल नाही तर लोकलप्रवास नाही ? – local passengers association ask question to state government over mumbai local entry

म. टा. प्रतिनिधी, मुंबईकरोनापूर्व काळात भिन्न आर्थिक स्थिती असलेले ८० लाख प्रवासी लोकलमधून प्रवास करत होते. यापैकी सगळ्यांकडेच अँड्राइड मोबाइल व इंटरनेटचे महागडे...

Recent Comments